السلام عليكم
~~~
طبعاً يوم الثلاثااء أمس كان يوم مشهود بالنسبه لي
~~~
رحت الفندق وقابلت بعض لاعبين الهلال
~~~
بدأت القصه الظهر رحت الفندق بعد الصلاة على امل مشاهدة نجوم الزعيم عن قرب
~~~
سألت السكرتي قال مادري عن شي هههاي ,, جلست ع الطاوله طلبت عصير كوكتيل بـ22ريال خخ
~~~
شوي وأنا جالس الا ويقول الي معاي في ثنين من الهلال نزلوا طالعت وراي اشوي والا المرشدي والشمري يتمشون ويسولفوون ودخلوا قاعة الاجتماعات
~~~
صبرت شوي الا ونزل خالد المغيربي جا وسللم علينا من بعيد شكله يبي يجلس معنا لأن كان زحمه شوي وفي كرسيين جنبنا فاضيين خخخخ بس ماكلمناه
~~~
المهم نزل بدر الخراشي مع مدري مين يسولفوون أنا رايح عشان اشوف بدر بس استحيت لاقوم له
~~~
نزل بوعزيز واقط الحيا وانطر أسلم عليه ,, نزلوا مجموعه من اللاعبين(فهد سرور,العبدالسلام,الحربي وكم واحد)
~~~
اشوي ونزل نواف التمياط واقووم على طول واقول سلام ياكابتن ويمد يده نواف على طول (ماشاءالله عليه قمة في الأخلاق) سلمت عليه وقلت له نبي نفوز ان شاء الله قال ان شاء الله وسلمت على الي معه سلطان السعود والهليل والذياب وحسن العتيبي(والله يا انه طويل)والجري(خلوق ماشاء الله عليه)
~~~
فكرت خلصوا لاعبين الهلال خخخ جلست اكمل العصير اشوي وينزل الجمعان عيونه متفقعين من النوم خخخ وحالته صعبه ويسرررع على باله غدى قلت كابتن عبدالله قال هلا شباب وهو طااااير شكله جوعان مايدري انه اجتماع خخخخخ
~~~
طلعنا من الفندق وبعد صلاة المغرب مريت عند الملعب شفت البيباان مسكرين ونزلت اشتريت تذكره وخذت لفه شوي وفتحوا البيبان دخلنا الملعب على طول وجلسنا مافي الا عساكر
~~~
وفي عسكري ناشب للجمهور يسوي حركات وماني عارف ايش ,, دخل أحمد الحربي مع واحد من المدربين مدري منهو شوي ودخل خالد عزيز ويقوم الجمهور عزييييييييييييييز ورفع يده لنا اشوي ويطلع العسكري يرفع يده يحيي الجمهور وأقوم انا واقوله قلنا عزيز مو انت وفقعنا عليه من الضحك ههههههههه(الي حضر مبكر اكيد بيعرفني من هالحركه)
~~~
أذن العشا طلعت مع الشباب الي معي صلينا ورجعنا شوي ودخل نجوم الزعيم وقام الجمهور يصاارخ والي يقول حبا حبا بالي جا : والي يصارخ نواف والي يقول رودريغو وبدوا حركات الاحماء وحيوا الجمهوور واحنا مستانسين
~~~
دخلوا لاعبين الاتفااق ويقومون الشباب اوووووووو (صراحه هالحركه ماعجبتني حتى اول ماسجلوا الهدف الثاني قلت عقوبه من الله)
~~~~~~~~~~~~~~~~~~~~~~
نقااط من المباراة
~عزيز كان يعرج نوعاً ما حتى خفت يكون مصاب مع اني اتوقع كذا
~نواف كان مرح مع الجمهوور ويأشر لهم دايم ومستانس
~الجمعان أتوقع أنه انسى يطور مستواهئ
~الخراشي حرك هجوم الهلال كثيراً بعد دخوله وخلخل دفاع الاتفاق
~جمهور الاتفاق بعد الفرح طول المباراة خرج حزين وكانوا معصبين
~نصراوي دخل مع جمهور الهلال وكان حاط شيلة النصر وتطنزوا عليه الشباب(الرجال معنا المفروض نشجعه عشان الله يهديه ويترك الفقر)
~وصلت رابطة الاتفاق قبل فكانوا يشجعون واحنا نرد وراهم بس نقول هلال وغلبناهم وكأن الرابطه لنا هههه
~جمهور هلالي متوسط الحضور
~الجمهور أتعب نجوم الزعيم لأنه لم يشجع بعد الهدف الثاني وظل ساكت لين سجل الزعيم االهدف الاول
~بعد الهدف الأول أشتغل جمهور الزعيم وهز أركان الملعب
~رابطة الجمهور ماقصروا صراحه باللوحات الجميله(الازوري الآسيوي ,, الزعيم ,,وغيرها)
~الأعضااء قلب الشلهوب(عبود)ماقصر وكان خير عون لحقوي وكان معاه على طول ,, ماجد الماجد كان مهتم جداً بالأعلام والشعاارات فكان هو الي ينظمها ويحط الاعلام على الحواجز
~~كلمة أخيره~~
الهلال بحاجة الجمهور بالمباريات القادمه فلا تبخلوا عليه أرجوووكم

أخوكم
AhM Wa7D(مبارك المرشد)

لووووووووولز

مشكور أخوي

ولا توصي حريص

ما شفتك امس غريبة

لوووووووولز

جمهور الشرقية = هم الأفضل = لاني منهم