وشــو الــلــي تــبــون تــوصــلــون لـــه يـــا وزارة الــتــربــيــه ؟!! - نادي الهلال السعودي - شبكة الزعيم

عسيريه · #1 15/09/2006, 04:22 AM

[IMG]

[/IMG]

السلام عليكم ورحمة الله وبركاته

اول شي كل عام وانتوا بخير على بدايه العام الدراسي الجديد<<هذي ما لها داعي ابد

وعلى شهر رمضان الكريم الله يجعلنا من صوامه وقوامه يااارب،،،

اليوم جايتكم بموضع وصراحه اول مره اكتب موضوع جدي

الموضوع ياطويلين العمر

" " "إلى ما ذا تريد وزارة التربيه والتعليم الوصول اليهـ" " "

كنا جالسين نسولف ونضحك ومروقين على الاخر في أول يوم دراسي وشوي تدخل علينا أستاذة الجغرافيا

وتسولف معنا عن الاجازه ومن هالسواليف<<عاااد وش تتوقعون حريم وجالسين مع بعضالمهم وبعد فتره دخلنا بالجد وجالسه تقول لنا عن المنهج وعن الاجتهاد وانهم نزلوا بالجرايد انه خلاااااص انتهت
فترت الدلع وبدأ الكرف والتعب قالت لنا خبر نزل علينا كالصاعقه وش قالت تقول انه خلاص اختبارات شهريه ما فيه

كلنا انصدمنا يعني بنصير 24ساعه وحنا نذاكر والكتب في ايادينا انا ابغى افهم شي واحد هم على بالهم ان عقولنا كمبيوترات نخزن فيها المعلومات طوال السنه يعني بالعربي يقولون انه صار بدال الاختبارات الشهريه::"تــقــيــــم"::
{هذا والله اعلم}

اول كنا اسبوعين ثلاث اسابيع شهر بالكثير نقعد نكرف علشان نستعد للأختبارات..

لا وبعد ابشركم النظام التراكمي بيطبقونه هالسنه على جميع المدارس من سنه ثانيه ثانوي اما اول ثانوي السنه الجايه

يعني بالعربي ثالث ثانوي بدال ما تكون سنه وحده صارت سنتين..

أنا ما كتبت هالموضوع الا لشي واحد" " "ابغى اعرف وش هدفهم من هذا التعقيد كله" " "

ما كفاهم كل هالعاطلين والعاطلات اللي جالسين بالبيوت جا الدور علينا حنا لا كن ما اقول إلا

{حسبي الله ونعم الوكيل على من كان السبب}

عاااااااااااااد تراني اول مره اكتب موضوع جدي يالله الله الله بالردود

تحياتي:::عـــســـيـــريـــه:::

الهلالي النايم · #2 15/09/2006, 04:28 AM

هذي يبيلهاا كووب شااهي

لحظه اسوويه واجي

باااااااااااااااااااااااااااااااااااك

اول شي موضووع حلوو ويستااهل نتنااقش عليه

هم يبوون يوصلوون لان الطاالب يذااكر ولا يهمل واذا جت الاختبااراات يشد حيله

والله انهم نجسيييييييييييييييييييييييييييييييييييييييييييييييييييييييييييييييييييين

عاااد انا اللي توورطت بالمملكه كلهاا

اهئ اهئ اهئ

ما اقوول الا

ياليييييييييييييييييييييييييل ما اطوووووووووووووووووووووووووووووووووووووووووووووووووووووووولك

عاشـ<بدر الخراشي>ـقة · #3 15/09/2006, 04:35 AM

الله يعينكم
بس والله من جد انظمه وقرارات مادري وش تبي يعني والله مالها داعي

وانا سمعت انها في مصلحة الطلاب .. ايه قابليني اذا كانت في مصلحتهم لانهم مايحطون قرار فيه مصلحه

عزوز الأزرق · #4 15/09/2006, 04:47 AM

اممممممممممممممممممممممممممم

من وجهة نظري المتولضعة ... ان تفكيرهم صحيح .. ونظامهم ممتاز...
لكن بقى التطبيق ...

<<<<<< تبي تتصفق ؟؟!

اهدي يامصرقعة ... اركدوا ياعيال ترى مجرد رائي ...

شوفوا .. الخريجين .. مافيهم مبدعين ومذاكرين صح وفاهمين الا القلة النادرة ..
والباقين مفهيييييييييييييييييييييييييييييييييييين ...
شوفو المدرسين .. ماعاد لهم قيمة ... حتى البزارين ينفخون عليهم ...

لذلك فقرار .. التقييم حلووووووووو ... وترى ماحنا اول من يطبقة ...

ثانيا .. بالنسبة للثاني ثانوي ... وادخالها في النسبة ... فاظن لو نظرنا لها من نظرة ايجابية .. لسررنا .. واسترحنا وارتحنا ..

اولا .. هذا الشيء يخفف من رعب 3 ثانوي ..
ثانيا .. امكانية التعويض عند الطلبة...
ثالثا .. الشيء لما تقسمة ع اربع اجزاء افضل من انك تقسمه ع جزئين ..
رابعا والأهم .. ليتعلم الطلبة .. المسؤلية ويعرفوا مصلحتهم ..

ختاما ..
اتمنى من الوزارة .. ان تجعل ثالث ثانوي.. الجانب التطبيقي اكثر .. وتفعله ...

تحياتي ,,,

الهلالي النايم · #5 15/09/2006, 04:49 AM

إقتباس

الرسالة الأصلية كتبت بواسطة عزوز الأزرق


	اممممممممممممممممممممممممممم من وجهة نظري المتولضعة ... ان تفكيرهم صحيح .. ونظامهم ممتاز... لكن بقى التطبيق ... <<<<<< تبي تتصفق ؟؟! اهدي يامصرقعة ... اركدوا ياعيال ترى مجرد رائي ... شوفوا .. الخريجين .. مافيهم مبدعين ومذاكرين صح وفاهمين الا القلة النادرة .. والباقين مفهيييييييييييييييييييييييييييييييييييين ... شوفو المدرسين .. ماعاد لهم قيمة ... حتى البزارين ينفخون عليهم ... لذلك فقرار .. التقييم حلووووووووو ... وترى ماحنا اول من يطبقة ... ثانيا .. بالنسبة للثاني ثانوي ... وادخالها في النسبة ... فاظن لو نظرنا لها من نظرة ايجابية .. لسررنا .. واسترحنا وارتحنا .. اولا .. هذا الشيء يخفف من رعب 3 ثانوي .. ثانيا .. امكانية التعويض عند الطلبة... ثالثا .. الشيء لما تقسمة ع اربع اجزاء افضل من انك تقسمه ع جزئين .. رابعا والأهم .. ليتعلم الطلبة .. المسؤلية ويعرفوا مصلحتهم .. ختاما .. اتمنى من الوزارة .. ان تجعل ثالث ثانوي.. الجانب التطبيقي اكثر .. وتفعله ... تحياتي ,,,

الله يعينك على التصفيق والتكفيخ والجلد . . . الخ

مجـــــــــــــد · #6 15/09/2006, 05:09 AM

و عليكم السلام و رحمة الله و بركاته

بالعكس قراراتهم في مصلحة الطالبـ/ـة

هذاني من أول ما دخلت الجامعة و معظم المحاضرين و المحاضرات أسئلة يومياً عن المحاضرات اللي طافت,و الكويزات شغالة بعد كل شبتر..هالطريقة تخلي الطالب بجد يستفيد من اللي يدرسه و إن ما فهم مرة يفهم المرة اللي بعدها,لكن وش الفايدة إن الواحد يهمل طول الترم و لا جاء قبل الاختبار بيوم و لا يومين صم الكتاب صم ثم ساعة الاختبار نزل كل اللي في راسه و بعدها ما يدري وين الله حاطه..
عقولنا أفضل من الكمبيوترات بس مصيبتنا اتكاليين و مهملين و لا وش زود الغرب عنا؟؟

إقتباس


	لا وبعد ابشركم النظام التراكمي بيطبقونه هالسنه على جميع المدارس من سنه ثانيه ثانوي اما اول ثانوي السنه الجايه

اللي أعرفه أختي إن النسبة لثانية و ثالث بس أما أولى ثانوي هذه جديدة علي..
هالنظام يريح الكثير من شبح سنة ثالث اللي الأغلب يشوفها بعبع بالرغم إن ما فيه أتفه منها إن كنتِ تذاكرين أول بأول..

عوافي أختي

طفشاان · #7 15/09/2006, 10:31 AM

ااااااااااااااااااااااااااااااااااااااااااااااااااااااه بس

يعني انا الحين ثالث ثانوي اجلس ادرس 24 سااعه؟

بالله هذا كلام ؟؟

يعني مسوين انهم يبون يتطورون يقالهم يعني غيرنا بالنظاام وعدلنا ؟

والله من الفشل ياوزارة التعليم

عسيريه مصرقعتيه<== اسم جديد اطلقته عليك خخخخ يعني زي طفشان افندي مدري هاه؟ ايه يمكن
خخخخ

مشكوووره على موضوعك

والله يعين

البارق · #8 15/09/2006, 11:11 AM

جميل جداً النقاش في المواضيع هذي مع إن القرار نازل من نهاية السنة الماضية ..:

المشكلة عندنا بالتغيير !! يعني أي تغيير ناخذ السلبيات ونترك الإيجابيات وهذا مشكلة مجتمع كامل

..

أختي الغالية بالنسبة لنظام الاختبارات صحيح إنه تغير بدلاً من اختبار في الفصل صار عدة اختبارات يحددها ( المعلم ) وله الحق في تعدادها ..ممكن اختبارين أو ثلاث أو أربع أو كل اسبوع ..

أذكر يوم كنت بثالث ثانوي ( سنة السبلة

) أيام اختبارين من 8 درجات !!أحد المدرسين اتفق معنا على اختبار كل يوم أحد ..طبعا اختبار مشاركة وكان عليه كل هالاختبارات 3 درجات حقات المشاركة !!

تصدقين اختي فيه معلومات براسي من ذاك الوقت إلى الآن ( لها تقريباً 11 سنة ) ..يعني حطي براسك إنها مجموعة اختبارات لكن الاختبار النهائي بيكون أسهل بكثير من المواد الأخرى ..

هذا جانب ..فيه جانب آخر ..وهو إنه أو اختبار واحد عليه 15 درجة تخيلي إخفاق في هالاختبار معناتها مجهود ترم راح وطي ..

( اتركي المعلمين اللي يعيدون الاختبار لأنه مخالف للنظام !! )

الآن مجموعة اختبارات وعليها 10 درجات فقط ..يعني المجال أوسع للتعويض وحصد الدرجات ..

المشاركة والواجبات صارت 10 درجات بدلاً من 5 في السابق ..

أختي النظام ممتاز جداً ( من وجهة نظري ) وصحح الكثير من الأخطاء في اللائحة السابقة ..

--------------------

المعدل في ثاني وثالث ثانوي أشوفه أفضل عشان التعويض وأقل ضغط نفسي..وما ننسى بعد إن أسئلة الوزارة انتهت بالطريقة الجديدة ..

--------------------

لازم نؤمن بالتغيير - للأفضل - وأن نتقبله وخاصة إن عرفنا أن دولاً أقل منا موارد وإمكانيات نظامهم التعليمي أفضل منا بمراحل مع الأسف ..

أكرر شكري لك لإثارة هذا الموضوع الهام للكثير ..وما نقول إلا الله يعين الجميع للي فيه خير وصلاح لهم ولدينهم وأمتهم ..

تحياتي ،،،

هلاليه من الرياض · #9 15/09/2006, 04:18 PM

الله يعينكم ولكن صدقيني بترتاحون وبتعجبكم الطريقة بس انتم خايفين منها لأنها جديده.......

عسيريه · #10 15/09/2006, 09:00 PM

مشكورين جميعا على المرور والردود و لاكن لي رجعه..

تــحــيــاتـي::عــســـيــريــه::

فـارس الـزعـيـم !! · #11 15/09/2006, 09:28 PM

عز الله اللي رحنا في خبر كان

قسم بالله عندنا ناس مدري وش يبون من الحياة

والله يا أن دولتنا تسمع بالتطور بعد

يعطيك العافية خيتو على الموضوع الحلو والرائع ...

بصراحه النظام حلوو ومن مصلحة الطالبـ/ـة ؛ لكنه صعب وصعب وصعب بالثلاث

الله يعين ويوفق الجميع ؛؛

عزوز الأزرق · #12 15/09/2006, 10:31 PM

إقتباس


	الله يعينك على التصفيق والتكفيخ والجلد . . . الخ

لا ابشرك .. جت الفزعة ...

هلاليه و افتخر · #13 15/09/2006, 10:39 PM

عــــــاد انـــــا وحـــــــده داااااااااااااااااجـــــــــــه بــــــمعنى الكلمه
اجــــــل وش رايـــــــكم بـــــــوحده مسويــــه نـــــــفسها شـــــــاده حيلها
و جـــــــايبه في ثالث متوسط بالـــــعلوووم 13 من 30

مـــــا شا الله علي

و النـــــــــــسبه 81 ههههههههههههههههههه

لا و اولـــــــى انـــــا الــــــــحين
بــــــس الله يستر

حــــــــــــسبي الله علــــــــــــــيهم

عسيريه · #14 16/09/2006, 03:07 PM

هاااااااااااي رجعت لكم مره ثانيه<<جاكم الموت ياتاركين الصلاه وخاصه عزوز ههههه

لا عاد خلونا نبدأبالجد..الهلالي النايم

إقتباس


	عاااد انا اللي توورطت بالمملكه كلهاا

والله يا اخوي كلنا رحنا فيها مو بس انت {كلنا بالهوا سوا}

عاشقة بدر..

إقتباس


	بس والله من جد انظمه وقرارات مادري وش تبي يعني والله مالها داعي

والله انك رهيبه وكلامك صح...مشكوره على المرور

نجي لك ياعزوز... والله ان يبيلك تصفيق من جد

إقتباس


	من وجهة نظري المتولضعة ... ان تفكيرهم صحيح .. ونظامهم ممتاز... لكن بقى التطبيق ...

أنت تقول هالكلام لأنك اكيييد متخرج من الثانوي وماراح تجرب هالشي

إقتباس


	اهدي يامصرقعة ... اركدوا ياعيال ترى مجرد رائي ...

الحمد لله انا عااااقله<<<امححححق هههه

إقتباس


	اولا .. هذا الشيء يخفف من رعب 3 ثانوي ..

تدري ابي اقولك شي والله اني اول كنت متحمسه لثالث ثانوي بشكل فظيع لاكن الحين

والله اني صرت خايفه اكثر ومتحطمه بعد.. على العموم مشكور على مشاركتك..

مشكورين جميــــــعآ

تحياتي::عــســيــريــه::