#1  
قديم 06/09/2006, 01:28 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
Smile الـهـلال نادي عريق و ليس ^*^أكاديمية لتعليم أساسيات اللعبة ^*^

السلام عليكم ورحمة الله وبركاته



هلا وغلا أصدقائي الهلاليين .. والهلالييات ...


قبل كل شي أحب أنوه أن كلامي كله يستند إلى واقع مرئي ومسموع

فما تراه العين يدركه العقل .. وغيره مجرد تخمينات وأماني

واقع هلالنا ياشباب ليس في مدربه ... ولا في لاعب أو لاعبين خذلونا في فترة هبوط مستوى ...

لا نحتاج للمدرب لنضعه في وجه المدفع ... ولا نحتاج لعبدالله الجمعان ليكون سبب من أسباب انتكاسة فريق كامل ..

لأن المدرب كبير وعصري .... والجمعان لاعب خبير وقناص ...





^*^*^*^*^*^*^^*^




مشكلة الهلال تكمن في لاعبيه .... كمجموعة ...

اجتهادات نواف ... وقتالية عزيز ... ونجومية العتيبي ... يلغيها فقر فني للاعبين في مراكز حساسه ...

بتكلم بكل صراحة ... ماراح أجامل الهلال عشان لاعب مايأدي ... ولا راح أغالط نفسي عشان أحد ...


النقص عمره ماكان مشكلة الهلال .... ياما أطحنا بفرق كبير بلاعبين قليلي خبرة ....

بطولة الصداقة أخذناها من نجوم الأهلي المصري .... بلاعبي الفريق الأولمبي ...


الهلال يفتقر إلى الموهبة في لاعبيه ... يفتقد إلى الروح اللي كانت في نجومه ولاعبيه ....


الزعيم جعل من إرتداء شعاره شي طبيعي بعدما كان حلم لكل شخص ...





^*^*^*^*^*^*^*^*^




من متى كان دفاع الهلال ممر سهل للفرق ؟ ...


من متى صارت أجنحة الهلال مكسورة ... ؟


بسألكم بالله .... راضين عن مستوى الهلال ... وعن مستوى لاعبيه ؟


أول اللاعب من أول مباراة يقدم فيها كل شي ... من أول مباراة تعرف هذا لاعب يخدم الهلال أو لأ ...


هل الثنيان احتاج لفرصة ليثبت وجوده ؟ ...

هل سامي فعل ؟ .. التيماوي ؟ .. أبو ثنين ؟ .. الغشيان ؟ ... التيماط ؟ ... الجمعان ..؟ .. الشلهوب ؟




الهليل كم مرة طاح ؟ .. ... طول وعرض يالهليّل .. وآخرتها 4 مرات تطيح زي السلام عليكم

عبدالسلام كم مرة حاول يحاور ... وكم مرة يتحسر على الكورة ... وكأنه اول مرة يضيعها

المرشدي قلب الأسد .. !!!! ... وياعين لاتبكين


تكفون لا حد يطلع لي يقول الياس ... ترا ملينا ... كل ماراح واحد طالبتوا بالثاني ...


الهلال أمس كان العتيبي وعزيز وذياب وردريقو والتمياط .... والباقي لا تعليق





^*^*^*^*^*^*^*^*^




صدقوني أنا موب من الجماهير اللي يطلع وقت الخسارة ...

ولا من الناس اللي اذا بدع لاعب صرت معه واذا هبط مستواه صرت ضده ...

ولا أحمل أحقاد على لاعب معيّن ... بالعكس أتمنى الخير لأي لاعب يقدّم للزعيم

أنا إنسان أحب الزعيم ... ويوجع قلبي أشوف مستواه بهالشكل ...





^*^*^*^*^*^*^*^*^




المدرب معذور ... وش حيلته ..؟؟ ... لو منه مارضيت أدرب الفريق بهاللاعبين ...

المدرب وظيفته قراءة المباريات بحيث يكون معه لاعبين يمثلون قوة للفريق يقدر يكسب فيهم مباراة ...

المدرب جاي يدرب محترفين المفروض يعرفون يلعبون ... ومتوقع بيكون عنده خيارات كثيرة ...

الوضع الحالي مايساعد أي مدرب ... النادي أصبح أكاديمية لتعليم أساسيات كرة القدم

بالعكس زين إنه طلع بالتعادل ... وربي نعمة ....





^*^*^*^*^*^*^*^*^




ليه مايجلبون لاعبين صغار السن يكونون مواهب ... ويصقلون موهبتهم بدال لاعبين الواسطة ...

وأقول واسطة لأن القريب من النادي يعرف هالشي زين ;)

ميزانيات الهلال اللي راحت بلاعب واحد أو لاعبين .... أتمنى تعاد الحسابات فيها ....

وش استفدنا من ياسر والغنام ؟ ... مايرجعونه إلا مصاب أو مرهق ... وضاع حقك يازعيم




^*^*^*^*^*^*^*^*^




أعرف شي واحد ... وهو إن حال الزعيم الحين ماراح يتغير بين يوم وليلة ...

الحال بيتعدل إذا رجعوا لاعبين المنتخب ... لكن اذا رجعوا وش بيصير بعدها ..؟

أتمنى كسب صفقات في فترة التسجيل الثانية ...

وإتمنى إعارة بعض اللاعبين أو مقايضتهم بلاعبين ثانين .. ولو زوّدناهم مافيه مشاكل




^*^*^*^*^*^*^*^*^




الظهير الأيمن مشكلة ... مشكلة كبيرة ياجماعة ... الجهة اليمنى صارت مشلولة ....

واليسرى صارت دفاعية بدون أي دعم هجومي ....

يامن تصفقون لعبدالسلام ... ويامن دعيتم الهليل بالعملاق الأسمر ... ويامن لقبتم المرشدي بالإمبراطور ....

عطوني شي واحد يخليني أعترف بأحقيتهم بشعار الزعيم ؟ .. شي واحد بس ..؟


لولا الله ثم وجود لاعب مثل تفاريز ... كان صرنا مثلنا مثل فريق التهامي





^*^*^*^*^*^*^*^*^*^*^



ماراح أتكلم عن وضع الهلال لين يجون لاعبيننا الدوليين ....

لأن الفريق معذور لو خسر .... ونفرح من كل قلوبنا لو كسب

برجوع ياسر والصويلح وسامي والتايب والشلهوب وسامي والغامدي والخثران والغنام ...

بإذن الله يتعدل الحال




أتمنى من كل قلبي إن كلامي مايزعل أحد ...

لأني أتكلم عن شي أشوفه بالرغم من قصور نظرتي الفنية ولأني شخص من الجماهير فقط وغير مؤهل للنقد ...

لكن شي شفته بعيني ... كوّن لي فكرة وتكلمت فيها ... لو أحد له نظرة ثانية أتمنى ينوّرني .....


تحياتي لكم .... أبوساري
اضافة رد مع اقتباس
  #2  
قديم 06/09/2006, 01:32 AM
زعيــم نشيــط
تاريخ التسجيل: 29/06/2005
المكان: الرياض
مشاركات: 985
ابوساري كفيت ووفيت

تحياتي لك...

اتمنى انك تفكر بالموضوع الي كتبته وتحاول تكتبه بكره وتقولي هل فيه فرق ولالا

لاني احسك تكتب معصب وبعض الكلام طالع غلط

وبعضه عين العقل

بس وش قصدك بالواسطات بين اللاعبين ياليت تعلمني لو بالخاص

ابوعبدالله
اضافة رد مع اقتباس
  #3  
قديم 06/09/2006, 01:36 AM
الصورة الرمزية الخاصة بـ هلالي للدفنة
زعيــم مميــز
تاريخ التسجيل: 07/07/2005
مشاركات: 1,653
ياحبي لك ياابو ساري مبدع واللة العظيم مشكور كل كلمة كتبتها محل الاحترام
اضافة رد مع اقتباس
  #4  
قديم 06/09/2006, 01:37 AM
الصورة الرمزية الخاصة بـ الرايق الازرق
زعيــم مميــز
تاريخ التسجيل: 25/02/2005
المكان: تدري وش اكبر خطاي الله يسامحني )()()( إقفايتي عنك وانت اللي تمـنيته
مشاركات: 12,526
والله كلامك صح
بس للاسف مو كل كلامك

عموما نقدر لك حرصك على الزعيم

وبالتوفيق للزعيم ان شاء الله
اضافة رد مع اقتباس
  #5  
قديم 06/09/2006, 05:05 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
Exclamation

السلام عليكم ورحمة الله وبركاته


كارلتون

ياقلبي أنت مدري ليه أحس انك فاهم اني حاط الشماغ على كتفي وشعري طاير من الزعل

وربي كاتب الموضوع مروّق .. وصدقني مقتنع بكل كلمة قلتها ..

لأن هالكلام من زمان بخاطري ... ويمكن اللي صار خلاه يطلع بس ..

وبالنسبة للواسطات خلني أقول لك هنا ... كثير مواهب قدمت على نادي الهلال .. صدقني مالاقت عدل بالاهتمام

بينما يجونك لاعبين يعرفون اداريين او مدربين او لاعبين سابقين .. ويصير فيه شوية اهتمام لهم

صدقني كثير ناس كذا ...

مشكور اخوي كارلتون على الرد الرائع والراقي .....





هلالي للدفنة

صدقني هلالي للدفنة أحلى شي بفكرة اني بكتب موضوع ... هو ردك اللي تبي ترده

صدقني احبك فيما أحببتني فيه


مشكووووووووووووور على الرد هلالي للدفنة ...





الرايق الازرق

يعطيك ألف مليون عافية الرايق على ردك وكلماتك الحلو ... وصدقني حريص جدا

لكن ياليت تقولي وش الغلط بالكلام ... عشان أنتبه لنفسي أكثر وأراجع حساباتي

مشكور على ردك وانتظرك




ابوساري
اضافة رد مع اقتباس
  #6  
قديم 06/09/2006, 05:46 PM
زعيــم مميــز
تاريخ التسجيل: 31/05/2005
المكان: ريـــاض الـــعـــز
مشاركات: 6,031
يعطيك العافيه ابو ساري والله كلامك يبرد الحره اللي بقلبي
معقوله زعيم آسيا ماعنده رديف واحتياط كفؤ !!

الله يستر من اللي جاي

وبالتوفيق للصقور امام الهند العتيد

ماخذين لاعبينا عشان الهند !!

ياجعهلها تدكهم اليوم ويعرفون ان الله حق

إقتباس
المدرب معذور ... وش حيلته ..؟؟ ... لو منه مارضيت أدرب الفريق بهاللاعبين ...

المدرب ماقصر وصل المهاجمين للمرمى لكن وش تقول بس !!
على قولك وش حيلته المدرب .. ماعنده لاعب يعرف ينهي الهجمه
ويعرف متى يشوت ومتى يسحب ومتى .... الخ <<< مايقصد ابو جمعان

حتى الظهير اليمين من اول المباراه الى نهايتها وهو يتحسر على الكرات اللي يضيعها !!
المصيبه 75% من الكرات اللي من عنده ضايعه !!

والباقين بعد مستواهم طايح بس نقول هذه البدايه وان شاء الله يرتفع

والحمدلله على عودة نواف التمياط بصراحه شال المباراه لحاله
ان شاء الله يرجع مثل اول ::

إقتباس
يامن تصفقون لعبدالسلام ... ويامن دعيتم الهليل بالعملاق الأسمر ... ويامن لقبتم المرشدي بالإمبراطور ....

عطوني شي واحد يخليني أعترف بأحقيتهم بشعار الزعيم ؟ .. شي واحد بس ..؟


لولا الله ثم وجود لاعب مثل تفاريز ... كان صرنا مثلنا مثل فريق التهامي

والله من زمان وانا هذا كلامي لكن اخاف اتكلم ويقبون فيني باقي الاعضاء !!
أجل المرشدي الامبراطور !! سلامات من جد سلامات !!
اذكره في بطولة فيصل الماضيه قدام الانصار اللي فزنا فيها 2-1 بهدف الصويلح ::
قسم بالله لو كان هجوم الانصار هجوم قوي شوي ومحظوظ ان كان انتهت هذيك المباراه بنتيجه كبيره !!
ومثلها هالمباراه والحمدلله ربي سلمنا ..
ومثله الباقين
سواءً كافو العبدالسلام او الصلب الهليل وغيرهم !!
اضافة رد مع اقتباس
  #7  
قديم 06/09/2006, 07:54 PM
زعيــم فعــال
تاريخ التسجيل: 05/04/2005
المكان: تحت قدمي أمي
مشاركات: 379
لا يلام المرء بعد اجتهاده , هذا ماينطبق على مدرب الهلال السيد بيسيرو وخاصه في هذه الاوقات او الفترات ومايمر به الفريق من اصابات وغيابات بدواعي مصلحة الوطن فوق اي اعتبار ................

اتفق معك تماما بان الهلال يفتقد الى الموهبة الناشئة التي تلعب في الفريق الاول الكروي التي سوف نراهن عليها بالمستقبل لذلك لا يجب ان نضع اللوم على المدرب الذي لسان حاله يقول ليس بالامكان افضل مما كان .......

اتمنى وجود لاعبين باعمار 16 الى 18 سنه يكونوا متواجدين مع الفريق الاول للاستفاده من الخبره للمستقبل وهناك مواهب في درجه الشباب والناشئين تحتاج لمثل هذه الفرصه ........

اذا لم يلعب عبدالعزيز الكلثم بجانب سامي وياسر الان وهو بمثل هذا العمر متى سيلعب اذا وصل وعمره 25 سنه وقد ذهبت مرحلة الصقل ......

ونفس الكلا ينطبق على نواف العابد يكون بجانب الشلهوب والتمياط و التايب فهذه فرصه لن تتكرر ......

مرورا بكل المواقع التي يحتاج اليها الهلال .......

اعتذر عن الاسهاب في الرد ولكن لحساسية الموضوع ........

شكرا لك وهذا ما نحتاجه من الجمهور الكريم نقول للمحسن احسنت وللمسيء اسأت ........


ولا تقاطعنا .......
اضافة رد مع اقتباس
  #8  
قديم 06/09/2006, 09:27 PM
زعيــم نشيــط
تاريخ التسجيل: 03/07/2005
المكان: الرياض
مشاركات: 721
عزيزي كلام منمق وجميل وكله تفكير عميق تشكر عليه

واتفق معك أن الهلال ليس لتعليم أساسيات الكرة بل فريق جاهز لحصد البطولات

عزيزي اتفق معك أن بعض اللاعبين يخذلون مدربيهم لأنهم يفتقدون للموهبة وحتى يفتقدون أساسيات اللعب

عزيزي اتفق معك أن العبدالسلام لاعب اقل من طموح الهلال وهذا رأيي فيه منذ أن لعب مع الهلال في تصفيات اسيا

الهليل مسكين يلعب في خانة المحور وهو لايتناسب وحركته في المحور أو في الظهير حسب خطة المدرب
وكذلك في قلب الدفاع لم يثبت وجوده ولكن لا أعرف ماهي قناعات المدرب في ظل اخطاء الهليل

اضيف على ماكتبت من اللاعبين

البرقاااااااااااااااااااان

وهو لاعب أخطاءه قاتلة من العام الماضي في أسيا وفي بطولة الدوري والدليل النهائي امام الشباب
ولازال مصدرا للأهداف التي تلج مرمى الهلال لاعب لايناسب الهلال البته لاعب ثقيل كثير الترجيع لاعب ليس سريع البديهة
وخاصة في مركز مهم هو قاصمة الظهر المحور

أما المرشدي

فقد جانبت الصواب في كلامك عنه هو لاعب مجتهد اثبت وجوده كنترول على الكرة متمكن وعد للمباريات السابقة
هو في أول الطريق بس يحتاج إلى صبر تفوق على كل من كان بجانبه من اللاعبين في قلب الدفاع
مناسب للعب مع المبدع تفاريس
ويجب أن لانسخط عليه من كرة خطأ وحيد أما باقي كوره كلها سليمة من ناحية التخليص والتسليم السليم

أما المدرب فلن نستعجل عليه حتى لانظلمه ولكن المدرب يحمل الكثير من المسؤولية في تردي الهلال
بسبب أنه لم يستطيع اختيار العناصر وكذلك سوء الخطط والمبالغة في الدفاعات

فلاتقول المدرب حط وحط المدرب جعل الهلال كأنه فريق من الفرق الضعيفة بمبالغاته الدفاعية
وبعدين كيف يلام الجمعان وهو وحيد في المقدمة حتى وإن اضاع الفرص فلا يلام

عزيزي هذي وجهة نظري وشكرا على موضوعك القيم
اضافة رد مع اقتباس
  #9  
قديم 06/09/2006, 09:36 PM
زعيــم متألــق
تاريخ التسجيل: 31/08/2003
المكان: Portland-U.S.A
مشاركات: 1,483
مع احترامي لبقية الاعضاء


لاول مره احس ان في عضو يعرف ايش يكتب عنه وقاعد يتكلم عن مشكله فعلا موجود وبمنطق واضح كبير اخوي بموضوعك

فعلا كل شي قلته صح وانا معك 100%

تحياتي
اضافة رد مع اقتباس
  #10  
قديم 07/09/2006, 02:43 AM
الصورة الرمزية الخاصة بـ الألـمـعـي
مشرف منتدى الجمهور الهلالي
تاريخ التسجيل: 04/09/2004
المكان: رجال ألمع - عسير
مشاركات: 9,259
سلمت يا ابا ساري كلام منطقي وعين العقل ....

بالتوفيق للزعيم وشكرا لك
اضافة رد مع اقتباس
  #11  
قديم 07/09/2006, 08:48 AM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
السلام عليكم ورحمة الله وبركاته

نرجع لكم أصدقائي الصدوقين مرتن أخرى


قبل أرد ... في شي بقوله ...

وهو عن الردود في الموضوع .... بصراحة عجبتني ...

بعض النظر عن الاختلافات في وجهات النظر والتوافق ... بس بجد عجبتني ...

حسيت إن الموضوع لقى الأهمية عند اللي رد

لذلك أشكركم على تجاوبكم مع الموضوع ....





هلالي...حتى المووووت


تسلم والله هلالي على الإضافة ... وتسلم على التعليق الجميل

بس فيه نقطة عن عبدالله الجمعان ... كلنا عرفنا عبدالله قبل وعرفنا انه لاعب فنان ..

صحيح هالوقت طايح مستواه لكن مازلنا ننتظر منه الرجعة لمستواه المعهود ...

مشكور هلالي حتى الموت على التواصل مع الموضوع





حمتو123

إقتباس
اتمنى وجود لاعبين باعمار 16 الى 18 سنه يكونوا متواجدين مع الفريق الاول للاستفاده من الخبره للمستقبل وهناك مواهب في درجه الشباب والناشئين تحتاج لمثل هذه الفرصه

من زمان ماشفنا هالشي بالنادي ... والنقطة ذي بالذات لازم ينتبه لها كل الناس اللي يهمهم الزعيم ....

أول كان بعض اللاعبين يدخلون مع الفريق الاول ويشاركون وهم ماوصلوا العشرين ... أو بالعشرين ...

نقطة جميلة سلطان ...

تسلم والله على مرورك .... وعلى تعليقك الجميل على الموضوع ....





أبو نجـــلاء

إقتباس

أما المرشدي

فقد جانبت الصواب في كلامك عنه هو لاعب مجتهد اثبت وجوده كنترول على الكرة متمكن وعد للمباريات السابقة
هو في أول الطريق بس يحتاج إلى صبر تفوق على كل من كان بجانبه من اللاعبين في قلب الدفاع
مناسب للعب مع المبدع تفاريس

أخوي أبو نجلاء ... انا ماقدر أحكم على المرشدي ...

لكن شفت منه كم مباراة ... ممر سهل للمهاجمين .. بطيء ... ماعنده التحام قوي ...

حتى تشتيته للكورة عشوائي ...

لو لاحظت المفرج ... بالرغم من أخطائه الا انه لاعب قوي بالالتحامات الارضية والهوائية ...

لكن المرشدي لا دفنس ليدر ... ولا دفنس هاي بول .. <== شرايك

فيمكن المرشدي عنده أشياء ماشفناه .... ليه لأ . ..

تشكر أخوي أبو نجلاء على مرورك الطيب ... تحياتي




ليفربولي

أشكرك ليفربولي على المجاملة الحلوة ... ورايك شهادة أعتز فيها ...

ألف شكر على المرور .. تحياتي




نواف ألمع

تسلم والله نواف ...

أشكرك على المرور الجميل ..

آمين يارب .. الله يوفق الزعيم وين ماراح





تحياتي لكم .. وأشكركم على التفاعل الجميل ...

أبوساري
اضافة رد مع اقتباس
  #12  
قديم 07/09/2006, 08:56 AM
زعيــم مميــز
تاريخ التسجيل: 11/02/2004
مشاركات: 2,777
ثانكس
اضافة رد مع اقتباس
  #13  
قديم 07/09/2006, 09:46 AM
زعيــم مميــز
تاريخ التسجيل: 25/03/2006
المكان: نادي الهلال
مشاركات: 2,505
أهلاً بك ياصديقي الصدوق أبو ساري

ألف شكر لك أبو ساري
والله اني اعتبرك من أفضل الكتاب في المنتدى
وبصراحة كتاباتك تعجبني وأوافقك الرأي في كل ماقلت
لاتحرمنا جديدك

باي >>>>>> ويش فيك أنا متقدم
على فكرة قريت الموضوع الي تتكلم فيه عن اياد مدني والله انك صادق في كل ماقلته أجل بيتقدم
>>>>>>>> أقول تراك أبلشتنا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:48 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube