مواعــــــــــــــــيد حســــــــــــابها يــــوم الوعــــــيد!!!!! - صفحة رقم 2 - نادي الهلال السعودي - شبكة الزعيم

سندريلا الهلال · #1 05/09/2006, 05:39 AM

بسم الله الرحمن الرحيم

انتهـــت الأجازه بما انتهت عليه بحلاوتها ومرارتها بمواقفها الي استمتعنا فيها او تكدرنا منها انتهت الاجازه بشهورها واسابيعها وايامها وساعاتها

رحلنا وانبسطنا سافرنا واستمتعنا تعلمنا تثقفنا ولعبنا وضحكنا كل هالاشياء ممكن تكون حصلت لاي واحد منا بالاجازه

الاجازه دائما ينبسط فيها الطلاب والطالبات لأنهم الأحق بأنهم ينبسطون فيها وتعتبر الاجازه محطه رئيسيه ورسميه لالتقاط الانفاس بعد عناء عام كامل بصيفه وشتاءه

انتهت الاجازه بما انتهت عليه من السلبيات والايجابيات لكل شخص منا

لكن اللي لفت انتباهي في الاجـازه شي أصبح يكاد ظاهرة وخصوصا أيام الاجازه الصيفيه

اللي هو (( التهــاون بالصلاة))

الان مثلا لو بيتأخر واحد من الموظفين عن عمله يضيق صدره ويفكر بألف طريقه وطريقه كيف يعتذر وهو يوم واحد يمكن هاللي بيتأخره

الطالب الان لما يتغيب عن المدرسه او الجامعه تعتبر له كارثه ويحاول بشتى الطرق انه يدّبر له عذر طبي حتى لايحرم من حضوره للجامعه وهي نفس الحال للموظف تكاد تكون يوم او يومين في السنه هالحاله

الآن الصلاة لم يتهاونوا في أدائها فقط بل تهاونوا حتى بالاحساس فيها

يعني يمكن تفوته ثلاثة أوقات مره وحده ويكون شي عادي عنده متى ماصحى من النوم يصليها الان هو تهاون في الاداء وتهاون في الاحساس بأنه اللي تركه شي عظيم والمفروض مايغفر لنفسه هالتهاون

ليش ماصرنا نستشعر عظمة الصلاة مو فقط أهميتها الصلاة الركن الثاني من أركان الأسلام

الصلاة هي الركن اللي يفصلنا عن الكــفر

ليه وصل حال الشباب والبنات للمرحله هذي ليه مافيه حــرص على ان الصلاة لازم تكون في وقتها

وان التهاون فيها من الممكن يؤدي لتركها !! ليه لما نعرف ان الصلاة فات وقتها ما نزعل ونتضايق ونتكدر ولا نتهنى بيومنا مثل لو ان اي موعد ثاني فاتنا !! مواعيدنا مع البشــر نحزن ونتألم لو فاتت علينا!! ومواعيدنا مع رب البشـــر (( النــــــائم حتى يستيقظ))!!!!