|
يمكن المشكلة هنا مساكم الله بالخير انا من مدة طويلة ويدور بذهني سؤال وهو هل انه الفرق في عدد ايام بين السنه الميلادية والهجرية هو اللي مسوي لنا الازمة كهلاليين ؟؟ يعني حاولت ابرر للاتحاد السعودي لكرة القدم قراراته التعسفية ضد الهلال بمصادرة اللاعبين وحبسهم بمعسكرات المنتخب اللي مثل قلتها لاتسمن ولاتغني من جوع يعني اللاعب اسبوع في النادي واسبوعين بمعسكر وعلى ذا الحال مدرب الفريق يبلش في لاعبين المنتخب اذا تدربوا معه يلخبطون شغله كله كل يوم بخطه وكل يوم بتكتيك !! لا واحيانا يتصل مدير المنتخب ويقول لاتلعبون فلان ولعبوا فلان ويسوون زحمه بالجرايد !! واللي يشوفهم يقول بس نبي نجيب كاس العالم الحين :clap: اللي جاب سالفة السنه الميلادية والهجرية لي وهي فكرة غبية قلت يمكن انهم يحتاجونها لتبرير موقفهم الغبي لاني اتابع الدوريات الاوربية وتصفيات دوري الابطال واسال نفسي : هو لاعبين الاندية الاوربية الدوليين يغيبون عن فرقهم اكثر من نص الدوري ويغيبون عن الكاس بعد وهل انهم يغيبون عن دوري الابطال الاوربي ؟ مشكلة عجزت افهم الفرق :no: فهموني الله يرحم والديكم :D |
في اوربا يقدرون الاعب المحترف ولا يطلبونه الا في المباريات منتخب بلاده القوية حتى اليابان امس في مبارتها مع السعوديه ما لعبت لاعبينها في الدوريات الاوربيه لانهم يعتبرون منتخبنا ظعيف ومع ذلك كدنا نهزم. الاسبوع هاذا توقف الدوري الانجليزي و الاسباني بسبب مشاركة المنتخبات في تصفيات مع العلم ان الصف الثاني في الفرق الاوربيه لا يفوق مستوى الفريق الاول الي اغلبه دوليين مع لك يتوقف الدوري واستغلت البرازيل و الارجنتين هذا الوقت و لعبوا مبارة وديه في ملعب الارسنال واشكرك على التطرق لهذا الموضوع و اتمنى ان يحذو منتخبنا حذو المنتخبات الاوربيه |
مشكووور على مرورك وأزيدك من الشعر بيت لازم أول شئ يوافق ناديه على انضمامه للمنتخب والمشاركة في المباريات مثل لاعب افريقي اعتقد انه دروجبا من تشلسي لما سمحوا له يطير قبل المباراة بليله لمصر ويلعب مع المنتخب ويرجع بعدها لانجلترا لأن فريقه كان عنده مباراة مهمه ولأن الفريق هو اللي يدفع مقدم العقد والرواتب مو المنتخب |
اللي هنا اعماهم الحقد على الهلال وجابوا احتراف اختراف من عندهم على حسب اهوائهم ورغباتهم حسبي الله عليهم ونعم الوكيل |
حسبي الله ونعم الوكيل مشكور على مرورك تدري وش اللي قاهرني ؟ قهرني دوري ابطال اسيا والله ان الهلال احق فيه من غيره وكان التأهل في جيوبنا لكن حسبي الله عليهم المفروض ان الهلال هو اللي راح يشارك في بطولة العالم للأندية خلها على ربك حنا نبي نشوف حل للخرابيط هذي |
اوافقك اخوي الرايق الازرق حسبي الله ونعم الوكيل |
إقتباس:
مشكور على مرورك خيوو :d بس تتوقع فرق الاسبوع بين الميلادي والهجري هو اللي حايسنا :rolleyes: عطوني شئ نكذب على انفسنا فيه يبرر تدهور المنتخب وتسلطهم على الهلال :d |
ايه ايه يااوخيي خلنا احنا مثل ما حنا عليه احسن منتخبنا يعسكر للهند قبل المباره بسبوع (((الهـــــــند ))) ومستواهم زي وجيهم يجيب المرض شجاب اوربا للسعوديه هههههههه |
إقتباس:
ولا فيزياية (يعني تركيبة جسم الاوربيين) المشكلة عندنا في الثقة بالنفس و في التفكير |
حسبنا الله هو نعم الوكيل .. الحين منتخب الهند المفروض نلعب ضدهم بـ .. رديف .. رديف .. رديف .. رديف .. رديف .. رديف المنتخب السعودي .. مع احترامي لهم .. طيب نبي في الفتره هذي إلى ما بعد مباراة الهند.. نبي لاعبين الهلال المأسورين في ايدي الملابس الخضراء .. الله يعين بس كيف نكلمهم بس .. يلعن ام القهر بس .. بس .. بس .. بس ...........س بالتوفيق للهلال بس .. |
اهلين كريم كراميلا شرفت تدري متي يعطونك لاعبينك ؟؟؟ في رمضان ان شاء الله والعيد تعازمون على الفطور وتعايدون بعض غيره مافيه شئ هم مالقوا احد يردهم ويوقفهم عند حدهم ذبحتنا الوطنية صرنا ندعي ان المنتخب يخسر لا والمثالية لاتنساها بعض الطيبة ماتصلح ودك المواقف هذي فيها بندر بن محمد والله ياكلهم اكل |
| الوقت المعتمد في المنتدى بتوقيت جرينتش +3.
الوقت الان » 06:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd