انتم تعرفون عدنان ولينا كويس بس نسيتوهم.... انا عندي آخر اخبارهم عدنان تزوج
لينا بعد المسلسلة على طول وعاشوا في الجزيرة المفقودة جزيرة جد عدنان بس قبل
ما يتزوج لينا صارت أحداث.... كان الدكتور رامي الله يرحمه موصي لينا انها
ماتتزوج عدنان الا لما يلبس ثوب وشماغ ويصير رجال ويترك عنه الشطانة ولا يطق
احد ويصلي بالمسجد وخاصة الفجر. يوم جاء عدنان يبي يخطب لينا من عمتها اللي
بجزيرة الأمل تذكرونها اللي طاحت على بيتها قذيفة من مركب الرماية حق القلعة
اللي تسوقها سميرة. المهم يوم جاء يخطبها قالت له لينا: اني ياعدنان احبك بس
جدي رامي الله يرحمه موصيني انك لازم تلبس ثوب وتغدي رجال , قالها عدنان يابنت
الحلال انتي تبين تزوجيني والا تبي تزوجين ثوبي أهم شي الجوهر- مهو ناصر
الجوهر مدرب منخبنا الله يوفقه -المهم قالها ان الرجال بأخلاقه مو بمظهره ومن
هالكلام . المهم لينا مااقتنعت قالت : بس ياعدنان جدي رامي الله يتغمد روحة
الينه (على قولت الكويتيين) موصيني بهالوصايا وأنا آسفة ياعدنان إذا قلت لك
اني ارفض الزواج منك لما تحقق وصية جدي . المهم عدنان تعرفونه راسه يابس وهو
بنفس الوقت يحب لينا مشى وطلع من بيت عمة لينا حتى القهوة ماشربها طلع وهو
معصب يوم جاء يبي يركب قاربه يبي يرجع لجزيرة جده قابلة القبطان نامق وعبسي
وقالوا له وش فيك ياعدنان ليش معصب قال ابد مافيه شي بس لينا ما هي راضية
تتزوجني وعلمهم بالقصة, جاء نامق وبدأ يقنع عدنان وقاله: ان الزمن تغير وبنات
هاليومين مالهن الا رايهن فأنت البس ثوب وتزوجها وبعد ماتتزوجها افصخه قال
عدنان: معصي انت تعرف يابو وائل - نامق جاه ولد من سميرة وسماه وائل تيمنا
بأحد بحارته اللي ماتوا وتخليدا لذكراه-المهم قال عدنان : يابووائل انت تعرف اني ماأحب الثوب انا راعي كشتات وصيد وسعة صدر والثوب يضايقني . و بنفس الوقت
كان عبسي مشغول معه ضفدع يعرمشه جاء وقال لعدنان اسمع يابعد عمري ياعدنان -
عاد انتم تعرفون عدنان يعز عبسي- قاله اسمع انت لازم تتزوج لينا لا بكرا تروح
عليك البنية ترا نمرو هالخبيث يخطط عليها - طبعا عبسي منقهر من نمرو أعلمكم
بعدين ليش- المهم بدأ عدنان يلين شوي وقعد يفكر وحسبها زين قال ايه والله باكر
تروح البنية واتوهق انا وابتل عزوبي . جاء ابووائل وعبسي وقالواله: امش يارجال
ارجع خلنا نخطبها لك قال عدنان : اوكي يالله . ولما كانوا رايحيين لبيت عمة
لينا لخطبتها فجأة قابلهم من تتوقعون......... ......

في الحلقة القادمة نكمل

ياقلبييييييييييه ياسمييييييييييره

اتوقع انهم قابلوا نمرو وتلافع هو وعدنان ويتلقف عبسي وياكل هواء

ننتظر الجزء الثاني.. .

تشكرات ... .

هههههههههه
يا حليلك يا نايف
أجل تمووووووووووووت في سميرررررررة

عدنان وليناركبو السفينه

عدنان اقواهم

لينه اجملهم;)

عبسي يشرب ببسي

قطان ياكل ذبان

سميره تشرب بيره.
;)

ملاحظه(قطان)هو(نامق).

صراحه انا لقيت الموضوع بموقع ثاني والكاتب بأسم الجمجمه..؟؟؟


ياليت ياصديقي ماتزعل مني والله انا استغربت من هذين الموضوعين واشكرك جزيل الشكر واسف اذا كنت زعلتك


وشكرا

السلام عليكم
قصة حلوة ومتى نشوف الحلقة الثانية
بس ممكن سؤال نفس السؤال اللي سئلته لك في موضوعك ((الارهابي ))
هذي من تأليفك ؟ وإذا كان جوابك لا
ارجو ان تعلمنا من هو المؤلف
وشكرا;) ;)

هلالي سعودي
من متى حافظ هالكلام بس تصدق حلو


عاشق الهلال حسون
ولا زعل ولاهم يحزنون , ازعل من حبيبي حسون
حسون اللي ياما طلعنا انا وياه ازعل منه
ما اقول الا الله يسلم الايميل
لا انا ولا هو
اذا ما تذكرني تذكر كورنيش الخبر والكابرس وبتذكرني على طول

جمجمة الهلال
نفس الجواب اللي جاوبتك في موضوع الارهابي