السلام عليكم ورحمة الله وبركاته
مساء الخير او صباح للجميع
احبتي كثير من كتاب المنتدى يكونوا مغتربين عن اهلم اما في خارج المملكة او داخلها فيكون هو في مدينة والاهل في مدينة اخرى المهم خوينا من النوع الثاني
الا وهو العضو العزيز جدا على قلبي وعلى قلوبكم (( الاستاذ ::/ البارق 2000 ابو سليمان )) الذي يقطن المنطقة الشرقية ويدرس هناك واهله في منطقة القصيم المهم نبدا بالقصة
في مرة من المرات دخلت المسا نجر والقا ابو سليمان المهم تكلمنا عن الغربة واذا به يدعوني الى ان اجي اسكن عنده عاد انا ماصدقت خبر ونقزت له ورحت عنده المهم يوم دخلت الشقة كني داخل زريبة الله يكرمكم من جهة الثياب مرميه ومن جه حوش صراصير ومن جهة أرشيف الكاركتير المهم انا قلت غديك تزين لنا شاي نتونس به وانا نظار المواضيع المقفلة حقت برهوم والا قصايد المبدع الاسير الهلالي المهم راح المطبخ ويجيك بشاهي اسود تقل شاي صعايدة المهم ذقت طعم الشاهي المزعوم والا مهوب لم الشاي اثره حاط تمر هندي
ومير اقوم واسطره بكف الين ابترم وجه وخنقته العبرة وقلت انت مقلط من انت مقلط (( حسين الدوسري )) ========> هذا اسمي الحقيقي
منتب مقلط كومار حارس العمارة المهم قلت لاعاد تسوي شاي المهم قلت رح جب لي مويه وقام وجابي لي مويه المهم قال تبي عشا قلت انا لا قال الا نبغا المهم تعرف تطبخ قال لا ماعرف اطبخ المهم انا عطيته رقم مقصف الزعيم وقلت دق عليهم تلفون وقل للشيف ((الوصال )) يعلمك أي طبخة المهم دق على الوصال وقعدت تشرح له بالعنوة فهم اخر شي طبخ لنا بيض عيون المهم قال انا باروح اودي ثيابي المغسلة ابي فلوس عاد انا كريم عطيته خمسين وراح وغسل هدومه
واليوم الثاني جا من المدرسة ومري نام يوم قام العصر الين (( حبي تيماوي )) اللزقة جاي وكل شوي خاش لنا في موضوع الين دخت من البربرة حقته وقمت وسطرته وطردته وقلت لعاد تجي هنا تخرب علينا ابو سليمان
المهم طولت وانا اصرف على ابو سليمان اخر شي رجعت انا للرياض وهو الى يومكم وهو مشغلن
تنويه :::ــــــــــ اعتذر للاخت الوصال لادراج اسمه في الموضوع وانا مستعد احذف اسمه من الموضوع اذا ارادت ذلك وكذلك حبي تيماوي تراني امزح معك واذا زعلت لك الي يرضيك