:!: .. مقــــاضي رمضــــــان .. :!: - نادي الهلال السعودي - شبكة الزعيم

هلاليه سنعه · #1 03/09/2006, 10:57 AM

السلام عليكم ورحمة الله وبركاته

هلا والله بأعضاء مجلسنا الموقرين من زعماء وزعيمات
ابد عندي موضوع بسيط ..ابي اطرحه واتناقش معكم فيه ..
<< برنامج وجها لوجه

مثل ما انتم عارفين رمضان على الابواب الله يشرّفه والله يبلغنا إياه ..

وبهذي المناسبه ..ابي اقدم لكم التهنئه قبل الزحمــه ..
كــل عــــام وانتــم بخيــر .. وشهر مبــارك بإذن الله ..
الله يجعلنا من صوّامه وقوّامه .. ويجعله شهر خير وبركه ونصر للأمه الإسلاميه ..

طبعـاً.. قبل رمضان فيه استنفار في البيووت .. وتشفيل صفارات الإنذار

..
استعداد بالأكلات والطبخات.. وتجميع قائمة الطلبات ..
.. والبحث عن شغالات (للي شغالتهم مسافره

)..
وانتشار عروض مراكز التسويق للمشتريات ..
المقـــــاضي .. وما ادراك مالمقـــــاضي ..!!
ماشاء الله ورقة المقاضي كنها مخطووط

فيمتو
تانج
شوربه
مكروونه
شعيريه
لقيمات القاضي
قمر دين
طرايق سمبوووسه
بف باستري
الخ .. الخ .. الخ .. الخ .. الخ .. الخ .. الخ
<<< لاطشه ورقة المقاضي حقة اهلها

ومخازن البيووت تشكي من الاحمال والاثقال ..
انا منيب ضد التقضي بالعكس .. انا عن نفسي احس بمتعه ااذا جيت اتقضى مع اهلي
مقاضي رمضان .. لأن لها روحانيه خاصه..
بس اللي الاحظه اننا انحن يالسعوديين والخليجيين عموما كريميين ..
الواحد يصير قدامه 4 عربيات ولا تكفي يبقى اغراض ماخلصوووها
واذا قضى اسبووع من رمضاان تقضوووو زياده ..
والاجانب ماشاء الله عليهم سله صغيره واشياء بسيطه ..

انا مع الإعتدال .. لإن الإسراف الله ما أوجب فيه .. والاسراف صفه مذمومه
حذرنا الله منها في كتابه : ( ان المبذرين كانو اخوان الشياطين )

لو ان الفائض يستغل في هالشهر لإفطار الصائمين .. يكون له اجر اكثر ..
ويعزز معاني التواصل والاخوووه والعطاء في الشهر الفضيل ..

واللي يعجبني في هالشهر التواصل والتراحم بين العائلات والجيران
يجتمعون على الفطوور .. والسحووور .. ويتراسلوون اكلات ..

واللي مايعجبني قائمة التشرّط عند الاخوان

اللي ياكل سمبوسه جبن اللي ماياكلها ..
اللي يشرب شوربة فطر اللي مايشربها .. اللي يحب كذا واللي مايحب كذا
لا ولا يبووون يتكرر كل يووم شكل .. ومسيكينات هالأمهات والبنات ..
يبدوون المعركه في المطبخ من الظهر ولا ينتهوون الا بعد المغرب ..
الله يكوون بعووننا انحن يالبنات ولا وش فيها اخواننا يعاونونا بس جيدين بالتشرّط ..

كولو الي يجيكم لاتشرّطووون

..

ادري طوولت عليكم .. بس عطووني رايكم في هالاسراف والتبذير ..
وكيف نحد منه ..؟؟ وكيف نترك المنافسه في الاطعمه . ونجعل المنافسه في بذل الطاعات .؟؟
ونستغل مضاعفة الاجر وتربيط الشياطين في عمل الخير ..

وهذا اهداء فلاش عن رمضان ..

http://www.khayma.com/abogssan/webfrm.htm

دمتـــم بخيــر وعافيــه ..,,
أختكم .. هلاليه سنعه ..