:!: .. مقــــاضي رمضــــــان .. :!: - صفحة رقم 2 - نادي الهلال السعودي - شبكة الزعيم

AMJADG · #1 05/09/2006, 04:58 PM

الله يجعلنا من صوامه ان شاء الله .. وكل عام والجميع بخير

الف شكر اختــــــــــــــي

الهنوووف · #2 07/09/2006, 07:25 PM

هلا وغلاا

وراتس ماعلمتيني عن هالمووضوووع نسيت اشوفه

تو ابوي شاري مقاضي رمضان وتذكرت الموضوع

اللهم من علينا بصيام رمضان وقيامة

اشتتقت لرمضان والله واشتقت للصلاة بالمسجد والفطور
جو رمضان جو روحاني الله ينعم علينا

الاسراف
يؤه ياختي صدقتي المشكلة تبين كل شي واذا جا الفطور تمرة وقمتي

استغفر الله عاد الحين يبدون الحريم وصفات وطبخات ومدري ايش
كن رمضان بس اكل وشرب

لا وقولي لهالحريم اقرو قران يقلوون مافي وقت اكيد مافي وقت من جلوسك بالمطبخ على غير سنع

فلاش حلو تسلمين

تسلمين يالغاليه موضووع متميز

كايدهم · #3 14/09/2006, 03:15 PM

فعــلا لما تـفكر وتشوف مائـدتك فيها مالذ وطاب من الاكل ..

وعندما تـرى بعض البلدان الفقيره كالصومال ودول شرق آسيا لا يجدون لقمه لفطورهم

..

تشفق عليهم وتتمنى اعطاءهم ولو قليلا من فـطورك .. ولعل التبرع لهم في رمضان مايخفف عليهم ويخلي مسوؤليتك من اسراف وغيره قد تكون مسوؤل عنه انت او عائلتك ،،

ســ الهلال ــراب · #4 30/09/2006, 09:05 PM

مبارك عليك وعلينا الشهر

ومعاك حق بالنسبه للمشتريات

هلاليه سنعه · #5 04/09/2006, 04:09 AM

.. ابويارا المغترب ..
هلا والله اخوي ابو يارا

إقتباس


	كل عام وانتي بخير..والله يجعلنا واياكم من الفائزين في هذا الشهر الفضيل

وانت بخير وعافيه .. اللهم آميـــــــــــن ..

إقتباس


	مع انها تالي قلت ماصارت مثل اول....

صادق الله يكفينا شر الدنيا ..
يعطيك الف عافيه على المروور والرد ..

=.=.=.=

.. سوسوالهلاليه ..
هلا وغلا بخيتوو سوسو

إقتباس


	والله انا دوامي العادي الى اربع العصر اجل في رمضان الى متى؟؟

برمضات تقل ساعات العمل وان شاء الله تطلعين بدري

شكرا على المروور والرد ..

=.=.=.=

.. الاماكن كلها مشتاقه ..
هلا اخوي .. وانت بخير ..
شكرا على المروور ..

=.=.=.=

.. هلالي وشقاوي ..
هلا اخوي هلالي وشقاوي

إقتباس


	أقول الله يخلف علينا بس رمضان صار عندنا طبخ ونفخ ونوم وافلام ومسلسلات وطلعات

انحن مهوب ضد الطبخ وتصليح اكلات انحن ضد الاسرااف ..اما المسلسلات حدّث ولاحرج
كلن قناة تتنافس من اكثر مسلسلات تعرض مايحلى لهم العرض الا برمضان يلهوون العالم

يعطيك العافيه اخوي على المروور والرد ..

=.=.=.=

.. جراح الهلالي ..
هلا اخوي جراح

إقتباس


	والله يجعله شهر خير ورحمه على المسلمين

اللهم آميــــــن .. يعطيك العافيه على المروور والرد ..

=.=.=.=

.. رهيب الحزين ..
هلا والله اخوي رهيب

إقتباس


	أولا مبارك عليك الشهر

علينا وعليك ..

إقتباس


	ثانيا ليش تسرقين ورقة المقاضي هاه توبي في رمضان

هههههههههه هذا جزاي ابوريكم اياها

يمكن ينقصكم غرض ولا شئ واذكركم
توبه اخر نوبه

..

إقتباس


	ثالثا أنا ضد الاسراف جملة(ن) وتفصيلا إن الله لا يحب المسرفين

كلنا والله مانحب الاسراف الزين الوسط لا افراط ولا تفريط ..
شكرا على مروورك وردك الرائع ..

=.=.=.=

..هلالي القرعاء ..
هلا والله بأخوي هلالي القرعاء
مرحبا بعودتك مرتن ثانيه

..

=.=.=.=

.....SoMe OnE...
هلا اخوي

إقتباس


	ماعليكـ هذي اول عشر ايام .. وتعالي شوفي السفره في يوم 29

اول الايام طفره ودلع اشكال والوان بعدين اصلا الواحد ماعاد يشتهي اكل

شكرا اخوي على مروورك وردك الجميل ..

=.=.=.=

..مملوحة نجد ..
هلا والله بالمملوحه

إقتباس


	وكل عام وانتم بخير ,, وأحلى شهر عندي رمضان ,, لانه له طعم ثاني ,,

وانتي بخير وصحه وسلامه ..
والله كلنا نحبه ودنا انه شهرين مهووب شهر
اذا بدا اوول يووم منه يطير علطوول

يعطيتس العافيه على المروور والرد ..

=.=.=.=

..الذئـــ الأزرق ــــب ..
هلا والله اخوي الذئب

إقتباس


	اولاً: كل عام وانتي وكل الاعضاء وكل المسلمــين بخير ..

وانت بخير وصحه وسلامه ..

إقتباس


	^^^ ماشاء الله وش دراتس اننا ندور؟؟ ^^^

قلت اكيد ان فيه ناس مثلنا شغالتهم رايحه ويدوروون
لأن مايخلى بيت من شغاله واذا كان مافيه بتكون مسافره
عاد والشغل برمضان دبل يعني لازم الاستعانه بشغاله ..
شكرا على المروور والرد ..

=.=.=.=

.. ماجد مقبل ..
هلا والله اخوي ماجد

إقتباس


	شكرا هلالية سنعة على هذا الطرح ...

العفووو .الموضووع زاد رووعه بردوود الاعضاء واثرائهم للموضوع..

إقتباس


	صامو ا عن الأكل ما صاموا عن الحرم كأنما الصوم إمساك عن اللقم .. الصوم مدرسة بالطهر حاشدة وبالعفاف وغض الطرف والشيم من لم يدع قول زور لا صيام له وإن نأى عن لذيذ الشرب والطعم الصائمون بشهر الصوم قد فتحوا أم القرى نظفوها من أذى الصنم في الليل صائمهم يحي لخالقه وفي النهار له الفرسان كالخدم .. الصوم في عصرنا تجميع أطعمة طول النهار وإفطار على الدسم ..

صح لسان قايلها ..
شكرا على الا بيات الرائعه والمعبره عن فضيلة الصووم ومعناه الحقيقي ..

إقتباس


	بارك الله لكم في شعبان وبلغكم رمضان ... وجعله شهر خير وصيام وقيام .. وكتبنا وإياكم فيه من العتقاء من النار ...

اللهم آميـــــــن ..
يعطيك العافيه على المروور والرد الجميل ..

=.=.=.=

..البالون ..
هلا والله اخوي البالون

إقتباس


	آآآووووه هـذا مايجـي ربـع ورقـتنـا بتـاع المقـاضي

لا انحن اكثر بس حطيت لكم نبذه مختصره

إقتباس


	وأنـا اقتـرح أن يتـم تنـويع طبـق من كـل الأكـلات قبـل أذان المغـرب مبـاشـرة وارسـالـه الى أقـرب مسـجـد يـوجد بـه فطـوور خـيري لكي يتـم كسـب الأجـر ..

اقتراح جميل ورائع .. والحمدلله هالحين اغلب الناس صاروا يرسلوون للمسجد افطار قبل الاذان
ماشاء الله كأنهم خلية نحل كلن ماسك معه صينيه الله يزيدهم

ويجزاهم خير يارب ..

إقتباس


	اللـه يـديم المحـبـة والتـواصـل و صـلة الرحـم بيـن الأقـارب والأحـباب في رمضـان أو غيـره

اللهم آميــــــن ..

إقتباس


	يـوم لك ويـوم عليـك يـوم تتشـرطيين عليـهم وتفـرفريـن بهـم فـ الاسـواق و يـوم ضعيفيـن اللـه يدورون حقـهم

ههههههههههههههه يعني وحده بوحده .. بعد اذا ماودوونا هم من يودينا ..

الله يخليهم لنا ويخلينا لهم ..
شكرا اخوي البالوون على الاطراء والله الموضوع صار احلى بردودكم الرائعه
يعطيك الف عافيه على مروورك وردك الرائع ..

=.=.=.=

.. هلالية وراسي مرفوع ..
هلا والله خيتو هلاليه

إقتباس


	اولا مبارك الشهر عليكم يالهلاليين

الله يبارك بعمرتس والله يبلغنا اياه بصحه وسلامه

إقتباس


	مشكوره سنعه على الورقه اللي سرقتيها

العفوو ولو حق وواجب ابي اساعدكم ان كان ناقصكم توت ولا شئ

يعطيتس الف عافيه خيتوووو على الرد ..

=.=.=.=

.. Carlton ..
هلا والله اخوي ابو عبدالله

إقتباس


	يتعود الواحد ما ياكل كثير خصوصا في رمضان وحنا نسوي كذا يعني مع الاذان قهوه وتمر وكنافه وبعد الصلاة نرجع ناكل سمبوسه وورق عنب وشربه طبعا نحاول ناكل لحوم ورز في السحور فقط وبهذا نكون وفرنا جدا جدا جدا...

هذي طريقتنا مع القهووه تمر ولا لقيمات ولا حلى
بعد الصلاة شوربه ومعجنات وصياني
طريقه حلوووه .. بس فيه ناس يحطون كل شئ مع التمر انا مدري وشلوون يمديهم
ياكلوون وراهم صلاة مغرب

واصلا المفروض الواحد مايكثّر وراه صلاة عشاء وتراويح

إقتباس


	ونصيحه لا بقى اكل كثير او سويتم اكل وحسيتوا انه كثير عطوه للسواق يتدبر فيه يعطيه الهنودالي عنده يتصرفون فيه تراهم مساكين وياكلون

شكرا على النصيحه .. نصيحه في محلها .. والعمال يفرحوون بالاكل
يعطيك العافيه اخوي على مروورك وردك الجميل ..

=.=.=.=

شكرا على تفاعلكم الجميــــــل
دمتـــم بخيــر وعافيــه ..,,

الهلالي النايم · #6 04/09/2006, 04:25 AM

اقوول اهم شي الاخلاق وحب الووطن
<< ووش دخل ذي الحين

سندريلا الهلال · #7 04/09/2006, 05:05 AM

هلا وغلا بالســنع كـلة

عساتس بس فرزتي بالفريزر

يابنت الحلال مقاضي رمضان لو بنطاوعها ماتخلص لأن كل يوم بتطلبين شيء جديد
المفروض الاشياء الرئيسيه مثل:
المكرونه الشوربة الفيمتو والتانج مع اني مو أنصــاره بس عشان مايزعلون بعض الناس;) وزيت القلي هي اللي نجيبها بالكراتين والباقي نجيبها على حسب احتياجنا وبعدين هالحين صارت البقاله ماتقصّر تفك أزمه لو نقص لنا غرض

طبعاً وكالعادة السنويه لازم أروح أنا وأمي نطلع نتقضى بعض الأمور الصغيره اللي نحتاجها لأن المقاضي الكبيرة الحمد لله شارينها قبل

أقعد ساعه مع أمي بس عند لقمة القاضي

شوفي هي الأصلية ولالا وأنا مغير ألاحق هالعلامه هي فيه ولالا

طبعاً اللقيمات حبيبة الكل في رمضان طبعاً أنا ما أصلحها لانها ماتطلع لقيمات تطلع أشكال هندسية

تبين الجد أول عشرة أيام من رمضان حماس منقطع النظير أنواع الأشكال والأصناف سواء الفطور الأول اللي يشمل الحلويات ولا الفطور الثاني اللي يشمل الأكلات من فطائر ومقليات

يابنت الحلال حتى الفيمتو يتشرطون لايكون بارد مرره ولا يكون وسط خلوه معتدل مائل للبروده حشى مناخ لبنان

وبصراحه اي شي الواحد يسويه في رمضان ويحتسب الأجر فيه فعلاً يحس له بطعم ولذة غير

والله يبلغنا رمضان وجميع المسلمين وحنا بصحه وعافية

وكل عام وانتي بصحه وسلامه ان شاء الله ياسنعتنا

والله يعطيك ألف عافية على الموضوع اللي استرجعنا معه ذكريات ان شاء الله قادمه لنا بعد أيام

موفقه يارب

ḌĘẊṬĘЯ · #8 04/09/2006, 04:28 PM

الله يجعلنا واياكم من صوامُه وقوامُه

متلثمة بشال الهلال · #9 04/09/2006, 05:16 PM

..الله يبلغنا هذا الشهر ويجعلنا من صوامة وقوامة..
والله صادقة في اللي قلتية..
ومن ناحية ان الاجانب يحبون الرخص فأنت صادقة
والدليل تلقينهم دايم عند التخفيضات..مايشرون شيء غالي حتى لو كانو يحتاجونة..
اذا خفضوا عليه شروة..

<<< عز الله أستلمتيهم..

.. الله يعطيك العافية ياهلالية سنعة..

الـــوردة الزرقاء · #10 04/09/2006, 05:18 PM

...السلام عليكم ورحمه الله وبركاته...

حياااك اختي السنعه...

موضووع شيق واسلووب رائع ...

مقاضي رمضان اعتقد انها ضروريه صحيح تكلف امووال كثيره لكن اذا كانت
تستخدم جميعها فلا مانع من ذلك...

اما اذا كانت هذه المقاضي لا تستخدم وترمى مع نهايه شهر رمضان المبارك فهذا الذي نرفضه...
التبذيررايضا مرفووض..
تصدقين اختي هلاليه سنعه
انا مره كنت في البنك وجات حرمه كبيره تبي تسحب 20 الف ...
وتسولف مع اللي تصرف تقول والله ابي اروح السوبر ماركت اشتري مقاضي ..
رمضان جاي وانا يزوروني ضيوف في رمضان ....!!!!!
والله انا استغربت قلت معقولة 20 الف اكل .......!!!

والله اعتقد في ناس يسوونها ...

انا اصلا صرت ما اكل ابد خاصة من بعد الدوام الغبي ذاا

تخيلي رمضان اللي راح اوصل البيت على آذان المغرب.. :sad:
ارجع تعبانه مالي نفس آكل ابد ..:sad: افطر واحط راسي وانااام :sad:

ـــــــــــــــــ

ولله يعيني ويعين الجميع ,,, وجزاك الله خير على الفلاش
والله يبلغنا رمضان ..
وكل عام وانتِ بخيــر .......

احترامي لك
أختـــك
الــوردة الزرقــاء

أبوياسر · #11 05/09/2006, 01:17 PM

الله يجعلنا واياكم من صوامُه وقوامُه

هلالي القرعاء · #12 05/09/2006, 03:51 PM

إقتباس


	السلام عليكم ورحمة الله وبركاته

وعليكمـ السلامـ ورحمة الله وبركاته ..

إقتباس


	وبهذي المناسبه ..ابي اقدم لكم التهنئه قبل الزحمــه .. كــل عــــام وانتــم بخيــر .. وشهر مبــارك بإذن الله .. الله يجعلنا من صوّامه وقوّامه .. ويجعله شهر خير وبركه ونصر للأمه الإسلاميه ..

كل عام وأنتي والجميع بـ خير إن شاء الله ..
آآآآمين ..

إقتباس


	طبعـاً.. قبل رمضان فيه استنفار في البيووت .. وتشفيل صفارات الإنذار .. استعداد بالأكلات والطبخات.. وتجميع قائمة الطلبات .. .. والبحث عن شغالات (للي شغالتهم مسافره ).. وانتشار عروض مراكز التسويق للمشتريات .. المقـــــاضي .. وما ادراك مالمقـــــاضي ..!! ماشاء الله ورقة المقاضي كنها مخطووط

أوهـ عاد ورقة المقاضي .. حدث ولا حرج ...
إجتماع عائلي شامل وكل واحد يعطي رايه ..
والشغل بدأ من الحين في التجهيز لـ شهر رمضــان ..
الله يعين اللي يدورون شغاله ..
على طاري العروض .. بكرهـ وطني بـ يفتح في جدهـ ..
وأكيد مسوين عروض بـ مناسبة الإفتتاح ..
وأكيد تبي تصير زحمه غيييييير طبيعيه ..

إقتباس


	فيمتو تانج شوربه مكروونه شعيريه لقيمات القاضي قمر دين طرايق سمبوووسه بف باستري الخ .. الخ .. الخ .. الخ .. الخ .. الخ .. الخ <<< لاطشه ورقة المقاضي حقة اهلها

حنا كاتبينها بـ سبوره وكاتبين تحته ممنوع اللمس

لحد يصدق :p

إقتباس


	ومخازن البيووت تشكي من الاحمال والاثقال .. انا منيب ضد التقضي بالعكس .. انا عن نفسي احس بمتعه ااذا جيت اتقضى مع اهلي مقاضي رمضان .. لأن لها روحانيه خاصه.. بس اللي الاحظه اننا انحن يالسعوديين والخليجيين عموما كريميين .. الواحد يصير قدامه 4 عربيات ولا تكفي يبقى اغراض ماخلصوووها واذا قضى اسبووع من رمضاان تقضوووو زياده .. والاجانب ماشاء الله عليهم سله صغيره واشياء بسيطه ..

أي والله ..
الواحد يعبي عربيات بـ أشياء يمكن مايحتاجه .. لكن يحطه ...
والبزران حلويات وعلوك وأشياء مايدرون وشي هي .. بس يستغلون الفرصه ..
دام يشوفون الوالد والوالدهـ حط حط حط .. هم يبدون حط حط حط ...
وتجي الفاتورة فوق الـ 700 ريال .. اللي يشوفهم يقول هذولا آخر مرهـ يبون يقضون ..
الأجانب على ماأظن السبب في أنهم مايقضون كثير أنهم قنوعين ويخاذون على قد حاجتهم بس ..

إقتباس


	انا مع الإعتدال .. لإن الإسراف الله ما أوجب فيه .. والاسراف صفه مذمومه حذرنا الله منها في كتابه : ( ان المبذرين كانو اخوان الشياطين )

من يسمع !

إقتباس


	لو ان الفائض يستغل في هالشهر لإفطار الصائمين .. يكون له اجر اكثر .. ويعزز معاني التواصل والاخوووه والعطاء في الشهر الفضيل ..

أيضـًا من يسمع !

إقتباس


	واللي يعجبني في هالشهر التواصل والتراحم بين العائلات والجيران يجتمعون على الفطوور .. والسحووور .. ويتراسلوون اكلات ..

للإسف هذي ماعاد صرنا نشوفه هالأيام .. من زمان كنا دايم مع الجيران لكن الحين جارنا اللي جنبنا ماأعرف أسمه .. الله يخلف بس ..

إقتباس


	واللي مايعجبني قائمة التشرّط عند الاخوان اللي ياكل سمبوسه جبن اللي ماياكلها .. اللي يشرب شوربة فطر اللي مايشربها .. اللي يحب كذا واللي مايحب كذا لا ولا يبووون يتكرر كل يووم شكل .. ومسيكينات هالأمهات والبنات .. يبدوون المعركه في المطبخ من الظهر ولا ينتهوون الا بعد المغرب .. الله يكوون بعووننا انحن يالبنات ولا وش فيها اخواننا يعاونونا بس جيدين بالتشرّط .. كولو الي يجيكم لاتشرّطووون ..

احح ..
هو أيه لا <<<تحسون أنه مايدري وش يقول ..
والله ياأخيتي شهر رمضان له ميزة وبعضهم يعجبه هالأكله ولا تعجبه الثانيه .. والثاني العكس .. وكذا ...
بعدين لا تنسين الشغالات ..

ا

إقتباس


	دري طوولت عليكم .. بس عطووني رايكم في هالاسراف والتبذير .. وكيف نحد منه ..؟؟ وكيف نترك المنافسه في الاطعمه . ونجعل المنافسه في بذل الطاعات .؟؟ ونستغل مضاعفة الاجر وتربيط الشياطين في عمل الخير ..

والله بالنسبه لـ الحد من الإسراف ..
أول شي نقنع اللي عندنا أنه ياخذون اللي يحتاجونه ومايبالغون في التقضي ..
ومانخليهم يقضون وهم جوعانين ..

وننصحهم يتصدقون بدال مايسرفون ،،

إقتباس


	وهذا اهداء فلاش عن رمضان .. http://www.khayma.com/abogssan/webfrm.htm دمتـــم بخيــر وعافيــه ..,, أختكم .. هلاليه سنعه ..

الله يعطيك العافيه أختي على الموضوع ..
مشكوووورهـ ...

الهلال حـبي · #13 05/09/2006, 03:43 PM

السلام عليكم

][الله لا يشغلنا الا بطاعته ؛ ملينا البطون واكلنا من الجريش والمرقوق ؛ ونسينا عباده ربنا عالم الاسرار والامور

الله يبلغنا رمضان ويبارك لنا في شعبان ][

تحيـــاتي ؛

الكلاسيكي · #14 05/09/2006, 04:52 PM

اولاً اشكرك اختي على ها الموضوع الرائع اللي جاء في وقته ..
بالفعل اختي الناس تتجهز لرمضان مو للطاعه .. يتجهزون بالمقاضي والأكل ..
اخشى ان يصبح بدلاً من شهر العباده يصبح شهر الاكل والسهر ..

والله يا اختي استغرب الناس .. يتقضون بأغراض لعشر عوائل .. وفي الاخير تخرب وتنتهي
صلاحيتها محد اكلها او اكلوا نصفها ..
اتمنى من كل العوائل اللي تشتري بهذا الكم الهائل بدلاً من انه يجلس بالمخازن ويخرب ..
انهم يتبرعون به للمحتاجين .. كم من محتاج لم يجد له مايفطر عليه هو وابنائه ..
وعلينا ان نرى المحتاجين بعدها راح نكون منطقين في شراء الاغراض ..

وايضا لابد علينا اذا كان هناك اماكن ومخيمات لافطار الصائمين ان نبعث لهم ولو بالقليل ..
ومثل ماقلتي ان الميزه الوحيده عندنا تبدال الزيارت والافطار في رمضان ..

ولو ان شهر رمضان تفرغ فيه الكثير للاكل والسهر .. ونسوا الطاعه والعباده ..
نسو ان الاجر مضاعف .. الله المستعان ..

اشكرك اختي على موضوعك الرائع واللي جاء في وقته جزاك الله خير ..

الكناري الأزرق · #15 07/09/2006, 11:20 PM

السلام عليكم و رحمة الله و بركاتــــه ؛؛

يا شيخة قولي مقاضي المطرسة و العذاب اللي يجي منـه ..

توي جيت من المكتبـة .. ( ثاني اكبر مكـتبة بالمدينة و هي احسن وحـده بمقاضي الدراسـة ) ..و انـواع الزحـمة و اخوي الصغير طلع براسي شيب الله يرجـه

..

و كل شوي اقابل واحد من اخوياي ..

مشكورة على الموضوع ..