فبل قليل استضافه برنامج كل الرياضه على الهاتف الكابتـن ناصر الجوهر

مدرب المنتخب ، تحدث عن استعداد المنتخب لخوض مباراه العراق في الاردن ،

من الحديث سال المقدم خالد السعيد عن امكانيه او ما تحدثت به وسائل الاعلام

عن ضم الجمعان و خميس فقال :

انا ليس لي شاءن في ضم الاعبين وانما هذا اختصاص الاتحاد السعودي عندما يرى

الاتحاد امكانية ضم لاعبين فانه سيضمهم !!!!!!!!!!!!!

عجبا لك يالجوهر من المدرب انت ام الاتحاد ، من الذي يترجم امكانبة ضم الاعبين

للتشكيله انت ام الاتحاد ، هذا اختصاصك ياجوهر الله يهديك ..

بالله الجوهر قال كذا!!!!
فعلا كلام غريب ان الإتحاد هو المسؤول عن اخيار اللاعبين الجدد..
اقول اخوي..ماكان فيه سؤال عن تشكيلة المباراة الجاية ولا شئ..خلنا نشوف من المسؤول عن وضع التشكيلة بعد..فعلا شئ يرفع الضغط والله...

افا وش ذا الكلالالالالالالالالالالالالام

اجل وش عليه مدرب

اذا كان الإتحاد هو اللي يضم و يشيل ,,

اجل انت وش طرطنقي

و الله فضيحه ,, مدرب هذا و الا بس واجهه مدرب

على العموم ,, الكلام و الله اذا ما تأهل المنتخب

سلالالالالالام

وش هالكلام ... انا ما اصدق لين اسمع بإذني .. مع احترامي لك اخوي ... لكن الخبر هذا يبي له قعده ...

اكيد انك فاهم غلك او شيء .؟؟

يا جماعه ليه الاستعجال وفهم الكلام غلط مع احترامي لكم معروف ان المدرب ايا كان يقوم باقتراح لاعبين والاتحاد السعودي هو الذي يضم اللاعبين ويوافق على الشي هذا يعني لو طلب اي لاعب وما وافق الاتحاد السعودي لايمكن انه يجي للمنتخب وهذا هو المقصود من الكلام

السلام عليكم ...
يا الحبايب وانتم ما عرفتو الى الحين من يوم فيه دوله اسمها سعوديه
واللاعبين ما يختارهم الا الاتحاد السعودي .. ولا فيه مدرب عاقل ياخذ
لاعب اسمه ( * )

كلنا نعلم أن إنضمام اللاعبين للمنتخب وإختيار التشكيلة في المباريات ليس لناصر الجوهر

أي رأي فيها و كفاية نضحك على أنفسنا .

وما يجري حاليا هو تكملة لما كان يجري سابقا وسيجري لاحقا من إختيار أسماء اللاعبين

للإنضمام إلى المعسكرات التي تسبق البطولات ومن ثم إستبعاد البعض منها وإختيار التشكيلة

التي تلعب المباريات........إلخ

بالمختصر المفيد ........السبب في تدهور مستوى المنتخب هم المسؤولين عنه .

أريد أن أسأل سؤال.....لماذا تبقى طريقة اللعب هي نفسها بالرغم من تغير المدربين ؟

من المستحيل أن جميع المدربين الذين أشرفوا على المنتخب يلعبون بنفس الطريقة

ويبقى السؤال الذي يطرح نفسه.................................

.من المدرب الحقيقي للمنتخب السعودي ؟ !!!

كأنكم كارهين الجوهر أصلا و تحترون كلمة عليه.

يا شباب الجوهر مدرب فنان و لو سمحتو راجعو لغة الأرقام و دلوني على مدرب سوى أفضل من الجوهر.
ما فييييييييه..


الجوهر عيبه لسانه ما يعرف يتصرف فيه. أو ممكن أن الصحافة تصرف لسانه على كيفها. هي وحدة من الثنتين.

يا ليت لو نعقل و نوقف ورى الجوهر البطل للنهاية.

السلام عليكم ورحمةالله وبركاته
اخواني انا صراحة يعني اتوافق مع البعض ان المدرب هو الي يختار اللاعبين لكن المدرب سانتراش السابق طالب بضم عبد العزيز الخثران الى المنتخب لكنه لم يجده في قائمة الاسماء
وعلى فكرة الخثران يلعب بوث ( يعني برجله اليمين واليسار)
وشكرا لكم;)

انا اللي سمعته مثل ما قال الاخ سمسمهو يطلب اللاعب والرئاسه ترا ان كان يستطيع القدوم ام لا...يعني يمكن يكون مرتبط او شي<<<<<<<<<<<<<<<ياشين الفلسفه


انشاءالله يكون كلامك غلط

ما اصدق

شكله قالها زلة لسان

والا ليش حاطين مدرب

صحيح ان الجوهر قال هالكلام ..

ولكن مقصده من اللي انا فهمته ومن طريقته بالرد , انه مايبي يقول الخبر صراحة من لسانه بانه طالب بضمهم , عشان لو ما تم ضمهم وما وافقوه الاتحاد على طلبه .. ما يطلع حكي على الاتحاد والجوهر ..

وماقال كذى إلا تمويه , وحتى يهرب من الإجابة على السؤال .. لانه مش متأكد من الموافقه على الطلب ( بسبب تاريخ خميس وعودته من ايقاف ,, وكذلك الجمعان وموقفه بعد عدم ضمه للمنتخب )..

يعني هو اختارهم بنفسه اكيد .. وينتظر رد الاتحاد بالموافقه ..

وهذا اللي فهمته واللي انا متأكدة منه .. وياليت ما أحد يحكم عليه من جملة قالها ويمكن خانه التعبير فيها ..( لا تتدققون ) , ولاتنسون مشواره مع المنتخب والواضح فيه انه معطى كل الصلاحيات , كذلك شجاعته في طلب ضم الثنائي , لانه لو أحد غيره ما ضمهم لو كان مقتنع فيهم لان المنتخب امتلأ بالهلاليين ..

لا تفهمون ابو خالد غلط هو قصده انه لو يبي
يستدعي خميس والجمعان لازم يوافق الإتحاد على
كذا .... وعموما السالفة أخذت اكبر من حجمها
وانفهمت خطأ خطأ ياجماعة.