|
الحياة دايم حكايهـ00نقراها فرحه في البدايهـ الحياة دايم حكايهـ00نقراها فرحه في البدايهـ البدايه: طفوله بريئه زهور يانعه 00رائحة عبير زكيه ربيع من الورد في بستان عيون بريئه 00نظرات حانيهـ ابتسامهـ عذبه 00من شفاة رقيقه همسات ناعمه 00 لمسات حساسهـ شموع مضيئه ما أجمل البرائه بدينا نمشي بعد ما كان احد يحملنا عرفنا نروح ونجي نتنقل بين الغرف وصرنا نرقى فوق الدرج وكل مانرقى درجه نطير من الفرح 00سوينا انجاز وصرنا نعرف نجمع الألعاب ونفرقها كبرنا شوي :تعودنا نقوم من الصبح بدري وصوت العصافير هو اللي يصحينا ونطلع مع اطفال الحي للشارع ضحك معاهم لعب شقاوه هواش على اللعبه00نكسرها نتضارب بعد شوي نرجع مع بعض ولاشي صار 00 ياحبي للبرائه وإذا جا الليل تعبنا وملينا ولا نبي إلا النوم ننام ولا نفكر وش بيصير بكرهـ ياليت ان الزمن يرجع ورا والليالي تدور ويرجع وقتنا الأول وننعم في بساطتنا زمان اول احسه غيرزمن فيه صدق شعور نحب ونخلص النيه وتجمعنا محبتنا زمن مافيه لا غيبه ولاحتى نفاق وزور ياليته بس لو يرجع ونسترجع طفولتنا صغار قلوبنا بيضا نعيش بعالم محصور لا نعرف ابد اغراب ما غير عيال حارتنا صحيح صغار في التفكيرلكن ما علينا قصور نخطط نكسر اللعبه وتسعدنا شقاوتنا كبرنا شوي : وصارت المدرسهـ حلم ويوم ندري ان خلاص سجلنا بالمدرسهـ ياربي الفرحه ما تاسعنا وخلاص كلامنا كله عن المدرسه 00بالمدرسه نبي نسوي كذا وكذا ..... ونعلم كل الناس انا خلاص بروح المدرسه وإذا جات اول ليله بالمدرسه ما ننام نفكر في بكره والعالم الجديد ونقوم من دون محد يصحينا 00شنطه جديده 00ملابس جديده 00جزمه جديد 00كل شي جديد نروح ونشوف ناس جدد وعالم جديد وما نصدق نرجع للبيت عشان نقول لأمنا على اللي صار معنا ياربي على ذيك الأيام تعودنا على المدرسه وصار لنا فيها اصحاب واحباب وناس نتهاوش معهم ونتشيقى بالحصص ونلعب والفسحه يوووووووووه يالفسحه ياربي ما نمل من اللعب فيها ننسى الأكل ونقضيها لعب << شوقتكم الأيام الأبتدائيهـ نجي بدري قبل الطابور عشان نكمل لعبتنا الي ما كملناها امس ونتواعد وش نسوي بكرهـ00ولا نمل ولا نشبع نرح المدرسه بدري ونضحك داخل الطابور نحاول نزعج العالم في روحتنا وجيتنا وعشان نأخر الحصه نخبي علبة الطبشور نشاغب بس في الآخر تميزنا برائتنا كبرنا شوي :قل اللعب بدينا نثقل 00بس في برائتنا وصرنا نحب نسولف 00المزح 00المقالب بدينا تنعلم اشياء ماكنا نستوعبها بس مازل طيف الطفوله يلاعبنا ونحاول نثقل انفسنا بس برائة الطفولهـ تغلبنا كبرنا 00وكبرنا وصارت ترفع فينا الدنيا فوق وتنزلنا وتقلب فينا مرهـ تضحكنا ومرهـ تبكينا وتمزج لنا الأحزان مع الأفراح كبرنا وصارت الدنيا تصف احزانا بالدور وتهدينا الألم والهم غصب عن عين رغبتنا تعلمنا لوعة الفرقا فارقنا من لعب معنا وضحك نسينا ذيك الأيام وحلاوتها تركنا الورد مزروع بذيك الأيام ومشينا مع طريق الشوك وما بقى إلا ذكرى حلوهـ تونسنا إذا ضاق الكون فينا ياليت ربي ما خلق حب وفراق ولا خلق حب على غير فرقا مشينا مع طريق الحيرهـ ودوخنا هالطريق ساعه يونسنا وساعه يضايقنا ودخلنا في صراع الوقت 00تعلمنا القلق وسرق منا راحتنا تعلمنا السهر ونسينا النوم تحول حلمنا الوردي إلى سراب تبخر مع طول الأيام بس هذي الدنيا وعلى كل حال لازم بنماشيها وانا ما أقول غير ياليت ان الزمان يدور ويرجع للورا فترهـ نعدل وضع عيشتنا النهايهـ :الله سبحانه وتعالى يبتلينا عشان يمتحنا وماخلق داء وإلا وضع له دواء وخلق الشر وخلق معاه الخير ومهما ابتلانا بأعظم المصائب إلا وضع لنا فرج من عندهـ قال تعالى :(إن مع العسر يسرى) لكن الله يبتلينا ليمتحن قوة إيمانا يعني الأيمان هو أعظم سلاح لنا في هالحياة ليه الحزن ؟ وحنا نؤمن بالأقدار وليه نكتئب ؟ وحنا نؤمن بالمكتوب وليه القلق ؟؟ وحنا نؤمن ان الدنيا فيه خير وشر ولابد نجرب الأثنين دع المقادير تجري في أعنتها ولا تنامن إلا خالي البال ما بين غمضة عين وإنتباهتها يغير الله من حال إلى حال وليه ننظر للحياة بزاوية الحزن واليأس والعذاب ونحكم على الحياه منها مع ان فيه زواية للفرح وزاويه للأمل وزايه للتفائل وووو000الخ ليه نشغل الفكر بالأيام وما تسوي ونخفي الضحكه ورا سور الأحزان وليه الكدرومعنا أعظم كتاب وهو القرآن الكريم وحنا نعرف انا إذا قرينا حرف بس منه لنا عشرات الحسنات وليه العذاب وليه التعب وليه الألم وليه وليه ............. وربي انعم علينا بنعمة الأسلام وهو الشمعه اللي تنور حياتنا يا حبنا للعنا دع الأيام تفعل ما تشاء وطب نفسا إذا حكم القضاء ولاتجزع لحادثة اليالي فما لحوادث الدنيا بقاء تحياتي و اشواقي : أسير الهلال الشمري |
صباح المدرسه والوقفه اللي فاول الطابور على رغم الوقوف الخوف كان اقوى من الرغبه تذكرت اول ايام المدرسه والصبا والنور تذكرت القدوم وفرحة التلميذ في كتبه تذكرت الدفاتر والقلم والبنسل المكسور تذكرت التعب والإمتحان ولعنة الرهبه عسى رهباتنا هذي يترجمها النجاح سرور عشان قلوب خفاقه لنا وعيون مرتقبه أخذت أكبر وقام الحلم يكبر والخيال يثور تنامى بارض ما كانت سوى ارض احلامي الخصبه مشيت برغبتي حتى وصلت الجامعه والسور تماديت بطموحي ما حسبت حساب للعقبة تورطت بتعبها والجفا وسخرية الدكتور كرهت الإبتسام اللي عشانه يعتبر قربه تعب عابد يهودي مات لاجنه ولا من حور على رغم العباده والتعب في النار والكربه صحيح سنين دواره وحنا والسنين ندور يكون بمستوى الضحكات دايم مستوى النكبه تعلمت السنين وعلمتني في ثلاث امور تعلمت الوفا والصبر والخلان والصحبه حقيقه وش يقول الدمع يادمع الوفا المنثور يعذبني وأنا احسب نهاية هذي الحسبه لقيت اني بعد هذا وقفت بخارج الطابور وقفت وكانت الوقفه جحيم ونار ملتهبه بالحب والإشراق |
ذكرتنا بالماضي وضحكتنا لان مافي شي يستاهل مدامعنا ذكرتنا بكيكتنا وقهوتنا وضحكنا على مقالبنا وذكرتني برسايلنا //إحدى رسائل من فارقتهم\\ جلست اقلب اوراقي.. لقيت ايام ماضينا.. بكت عيني وبكت روحي.. على ماكان يجمعنا!! ترجيت الزمن يرجع!! عشان امسح مدامعنا.. لقيت ان العمر يمشي.. ومو سامع مواجعنا.. عرفت ان الزمن راااااااحل ولا راضي يجمعنا!! .. تسلم خيو ولكنني استغرب اين الردود!! |
تعبنا والله تعبنا تونا في بدايه اعمارنا وهموم وغموم ومشاكل وبلاوي ووو .. بس الشكوى لغير الله مذمه يعطيكم العافية اخواني واتمنى انكم تقبلوني بينكم كأخ عزيز لا أقل ولا أكثر |
آآآآه بس ماابغى اتكلم لاني لوتكلمت بأبكي يعطيك العافيه اخوووي |
الله يعطيك العافية والحياة حلوه بمراتها التي لاتدوم وحلاوتها التي تزورنا وترحل!! موفق يارب |
اشكركم على رودوكم الرائعه والمميزه والروعة منكم وإلى الامام وأنتظر ردودكم المميزه تحياتي واشواقي : أسير الهلال الشمري |
إقتباس:
ما شاء الله اسلوب رائع بالكتابه وتسلسل يشد القارئ :yes: |
يعطيـــك العافيــــه ..,, فعـــــلاً رووووووعة .. كلمات لها .. ذكريــات .. :) |
>>ذكـــريات<< أذكـــر عندمــا ولدت كنت طفلــه في قمة برائتي..لا أعرف للأحزان أي عنـــوان..أذكر أنه لم يــولد الأسى معي ..بل كــانت أيامي ملئـــها الفرحـــه والبرائه.. أرســم أحلامي على لوحتــــي..وأبني حيـــاتي بيدي.. شيئـــاً فشيئ.. سرقـــــت لوحتي الثمينه اللتي رســـمتُ بها أحلامي.. وهُـدِم كـــلَ بنيـــــاني اللذي بنيت.. شيــئاً فشيئ تحطـــمت أنا مع مابنيت وهدمت كما هُــدم بنياني.. وكـــانت النهـــاية اللتــــي رُســمت على قـــلبي.. عـــفواً..قبري.. ((كُـــــــــوني حـــــــــزينــــــــه لـلأبــــــــــــــد )) .. جبـــتها ع الجـــرح يا أخوي,, وتسلم على المــــوضوع ,, |
اشكركم على ردودكم الحلوه وشيقة والرائعة واشكركم على تميزكم بالرد الحلو والجذاب والرائع اما بنسبة ( رعبوبة الزعيم ) ليه دائما ً حزينه تفائلي بالحياة الحياة حلوه والرومانسية تحياتي و اشواقي : أسير الهلال الشمري |
| الوقت المعتمد في المنتدى بتوقيت جرينتش +3.
الوقت الان » 12:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd