ودعت ناجح من مطار القريات...((قصيده صوتيه طريفه)) - نادي الهلال السعودي - شبكة الزعيم

الخيال2006 · #1 28/08/2006, 06:21 AM

قالها شاعر من القريات يكنى بأبو فهد الشراري

وادعت ناجح مـن مطـار القريـات
يـوم ركبونـا الطائـره وشلعتـنـا
لفت ودارت وامرجت بيـن لحظـات
لـولا الكراسـي والمحـازم رمتـنـا
طاروا بنا حمـر العلابـي خواجـات
زغـل العيـون وجيههـم هولتـنـا
تكفى تشهد يا ( فهد ) واقـرأ آيـات
المـوت جانـا والظـروف اجبرتنـا
جانا المضيف وقال وش فيه خدمات
قلـت نزلونـا بطـونـا موجعتـنـا
من قبل اشوف الغيم دون السمـوات
واليوم اشوفه يـا فهـد مـن تحتنـا
عز الله اني ما حسبـت الحسابـات
والا تــرى سيـارتـي موصلتـنـا
يا زين ممشى الارض لو هي مسافات
إلنـا بشعيـب ٍ مجهزيـن قهوتـنـا
وش جابنـي لطائـره والمطـارات
والله مـا عُـو د ركوبهـا إن نزلتنـا
لو تنفجر قامـت تذيـع المحطـات
رح عـاد دور قشنـا مـع جثثـنـا
القصيده صوتيه في المرفقات أو من هنا

سوسوالهلاليه · #2 28/08/2006, 06:53 AM

إقتباس


	قلـت نزلونـا بطـونـا موجعتـنـا من قبل اشوف الغيم دون السمـوات واليوم اشوفه يـا فهـد مـن تحتنـا عز الله اني ما حسبـت الحسابـات

تسلم يا حلو
قصيدة رائعه وممتعه

الخيال2006 · #3 28/08/2006, 07:11 AM

أهلين أخت سوسو

مشكور على المرور

abu_riman · #4 28/08/2006, 09:47 AM

رح عاد دور قشنا مع جثثنا !
صح لسان قايلها و دام ناقلها ..

ابويارا المغترب · #5 28/08/2006, 09:52 AM

عوااااااااااااااافي....

الخيال2006 · #6 29/08/2006, 12:35 AM

abu_riman
ابويارا المغترب

مشكور على المرور

مغرور حدي · #7 29/08/2006, 05:45 AM

قصيده جدا رائعه .. وحصل فيها ردود من بعض الشعراء ورد عليهم نفس الشاعر .. انصحكم بسماعها .. ولو وجدتها لوضعتها ..

تحياتي
أحمد

الـــوردة الزرقاء · #8 29/08/2006, 10:23 AM

إقتباس


	وش جابنـي لطائـره والمطـارات والله مـا عُـو د ركوبهـا إن نزلتنـا

قصيده رهيبه اخووي الخيال...
ووصف لحال كل من يركب الطيارة اول مره

الخيال2006 · #9 30/08/2006, 09:25 PM

مغرور حدي

إقتباس


	قصيده جدا رائعه .. وحصل فيها ردود من بعض الشعراء ورد عليهم نفس الشاعر .. انصحكم بسماعها .. ولو وجدتها لوضعتها ..

مشكور أخوي

بالله لو قدرت تنزل الردود سواء العنزي أو نفسه الشراري أكون لك شاكر

دورتها كثير وما لقيتها

الـــوردة الزرقاء
مشكور على المرور

الرايق الازرق · #10 31/08/2006, 12:28 AM

مشكوووووووووور

الخيال2006 · #11 01/09/2006, 03:56 AM

مشكور على المرور أخوي رايق