لا تطيرون في العجة<<أتمنى من الجميع الدخول>> - نادي الهلال السعودي - شبكة الزعيم

هلاااااااااالية · #1 30/08/2006, 03:36 PM

بسم الله الرحمن الرحيم

السلام عليكم ورحمة الله و بركاته

جمهور الزعيم...

الرقم الصعب...

أولاً : هاردلك الخروج من البطولة الخليجية وان شاء الله نعوضها في البطولات الجاية..

ثانياً : كثر كلام الجمهور عن أسباب خروج الهلال من البطولة الخليجية

منهم من قال: المدرب<<يا ناس اصبروا عليه لا تحكمون عليه من مباراة ولا مباراتين وان شاء الله يبدع مع الهلال

ولا تطالبون بإقالته ونصير زي النصر(اللهم لا شماته) يخلص الموسم وهم يا جايبين مدرب ويا مروحين مدرب وهذا حالهم لا بطولات ولا هم يحزنون...

واللي يقول: الرئيس الظاهرة محمد بن فيصل<<سؤال وش دخل الرجال ما قصر ويبغي يسعدكم وتعاقد مع طارق التايب وسوا اللي تبغون وما صدقتوا يطلع الهلال من بطولة إلا وحطيتوا اللوم عليه قسم بالله شي يقهر...

واللي يقول : الاتحاد السعودي<<هذي انا معكم فيها وما أقول إلا (حسبي الله ونعم الوكيل)

واللي يقول :المنتخب<<وحتى هذي ساحبين لاعبين الهلال عشان معسكر قبل مباراتهم مع اليابان وما أدري شكل باكيتا حالف ان الهلال ما ياخذ بطوله إلا معه وأول يوم كان مدرب للهلال كان يطالب مدرب المنتخب انه ما يكثر معسكرات ومباريات ودية عشان الفريق والحين مستقعد لنا

هذي وجهه نظري واتمنى انكم تتقبلونها

الله الله بالردود اللي توسع الصدر

القيصر رهيب · #2 30/08/2006, 03:38 PM

حلوة النقطة الاخيرة حقت المنتخب

D.Aziz · #3 30/08/2006, 03:40 PM

كلامك صح

إقتباس


	وما أدري شكل باكيتا حالف ان الهلال ما ياخذ بطوله إلا معه

هههههه والله شكله

زعيم الكرة الارضية · #4 30/08/2006, 03:43 PM

والله لاعبينا اللي داجين البطوله على ارضهم وخارجين بهزيمه وتعادلين

لو لعبوا بالناشئين كانوا تاهلوا

الهدايه من الله

هلالي وشقاوي · #5 30/08/2006, 03:46 PM

ياشين البنات اذا شجعوا كوره

Ronaldenho · #6 30/08/2006, 03:51 PM

كلامك سليم ،،،

alzaeem love · #7 30/08/2006, 04:34 PM

إقتباس

الرسالة الأصلية كتبت بواسطة هلالي وشقاوي


	ياشين البنات اذا شجعوا كوره

لا عادي البنات الحين صارن يفهمن بالكورة اكثر من الرجال

بكرى نشوف الرجال بالمطبخ يسوي العشاء والبنت بالملعب

هلالي مبسووط · #8 30/08/2006, 04:39 PM

حلووه نقطه باكيتا ويعطيك العافيه على الحماس الزايد وبالتوفيق

راعدالصوت · #9 30/08/2006, 04:40 PM

اخي العزيز انت نادي كبير ما توقف مع الرفاع ومسقط ولا حتى السالمية

عندك نواف وعزيز ورودريقو والجمعان والعتيبي وتفاريز وخليل والمرشدي

والعديد العديد ام ناخذ كاس فيصل لسنتين بالاولمبي؟؟؟؟؟؟

هل اندية المملكة كلها اضعف من الرفاع ؟؟؟؟؟؟؟؟؟ اللي بال يالله تعادلنا معهم

ومسقط اللي جمدنا طول المباراة والسالمية اللي قلب النتيجة علينا

ياعمي روح نام بس له معهم حوالي الشهر في تونس ما امداه يعرف له تشكيلة

اتمنى انخي العزيز ان تزور هذا الموضوع لتعرف وجهة نظري

كنا نريد ان نعتبر بغيرنا وهاقد اصبحنا عبرة & بيسيرو & مدربون غير مرتبطين

هلاااااااااالية · #10 30/08/2006, 04:45 PM

مشكورين ع المرور

هلالي وشقاوي

(أذا خاطبهم الجاهلون قالوا سلاما)

راعد الصوت

وجهة نظرك احترمها لكني بنت

ḌĘẊṬĘЯ · #11 30/08/2006, 04:45 PM

هذي مشكلة الجمهور اللي متعود على البطولات

مايرضى الا بالذهب

يعطيك العافيه

المجمعاوي · #12 30/08/2006, 04:47 PM

مشكوره عزيزتي

هلالي وشقاوي · #13 30/08/2006, 04:51 PM

هلالية لاتزعلين كلام الحق مايزعل

تلومني فيك · #14 30/08/2006, 04:53 PM

كلامك صحيح خيتو

Carlton · #15 30/08/2006, 05:04 PM

كلامك كله سليم لكن فريق مثل الهلال المفترض يكون له ثلاث فرق رديف لكي يستطيع الإلتزام بكل البطولات
التي يلعب فيها

شكرا لك على طرحك وتحياتي لك اختي

ابوعبدالله