10/09/2006, 07:13 PM
|
| زعيــم فعــال | | تاريخ التسجيل: 13/10/2004 المكان: الرياض
مشاركات: 308
| |
|
حقائق مهمة
بسم الله الرحمن الرحيم
إلى أعضاء المنتدى الرائع السلام عليكم ورحمة الله وبركاته وبعد....
راح اطرح أكثر من موضوع وأتمنى إني ما أطيل عليكم وسامحوني على رداءة الكتابة أو أخطاء إملائية إن وجدت:-
1/ تقصير سمو الأمير محمد بن فيصل
نعم تقصير سمو الأمير في فرنسا حينما يكون سمو الأمير في فرنسا لقضاء إجازة ليستريح من التعب والإخلاص الذي لازمة طوال السنتين الماضيتين ليس تقصيرا منه بقضاء إجازته وإنما حينما أثر علينا الإعلام بمطالبة الرئيس بالعودة وضرورة وجودة وها نحن استجبنا للأسف لمطالب الإعلام وبدأنا بالهجوم على سمو الأمير وأنه يتحمل الخروج من البطولة الخليجية وغيرهااااااااااااااااا الكثير.. يا جماعه سمو الأمير أدرى بمصلحة الهلال أكثر من أي شخص مهما ادعى حبه وتفانيه لنادي الهلال ليش نبغي نكون أنانيين كلنا استرحنا في هالصيف كلا على طريقته يعني حلال علينا وحرام على أميرنا المحبوب بعدين سمو الأمير واضع أفضل الكفاءات في المجال الإداري قبل ما يروح هذا غير اتصالاته اليومية كما يذكرها الأستاذ طارق التو يجري يا جماعه بالسرعة هذي أثر علينا الإعلام المتخبط النصراوي والاتحادي أثر على محبتنا في رئيسنا الذهبي اللي من قدومه والبطولات بدت تكتسح باللون الأزرق والاستثمارات التي بدأت تغرق النادي من الأموال ما شاء الله ونطمح بالمزيد إلى أحلى جمهور وأعضاء شبكة الزعيم الكرام أعرف والله يعلم من القصد أن ثلة هم من هاجموا الرئيس وغالبيتهم من المندسين فأتمنى أن لا ننسى جهود أبو سلطان من تعاقدات وصرف أموال ودخول الملعب بالمجان وتجديد عقود وغيرها الكثير الذي مهما تكلمت عن سمو رئيسنا المحبوب لن أوفيه حقه.
2/الهدوء والعقلانية باختصار الركادة زينة يا زعماء
كلنا شفنا لعب الهلال في البطولة الخليجية وكلنا زعلنا وخفنا على هلالنا طبعا لنا الحق لكن مو بالطريقة هذي يا جماعه والله العظيم يكرم أسلوب أعضاء منتدى الفقر والتشادية بدينا نصير زيهم حبايبي في البطولة الخليجية ومع احترامي اتضح انه هناك أعضاء يشجعو الهلال كأنهم مغصوبين يعني البطولة الخليجية محد طلع منها سالم المدرب وسبيناه نواف بكبره وعرضه ونجوميته وأخلاقه سبيناه وشبهناه بالاعب الغير مخلص والبارد والجمعان اللي بعد انظباطه وتفانيه في التمارين نجي نسبه ونطالب بتسريحه يا أخوان اللاعب ترى بشر مو ماكينة إذا اخطأ عاتبناه وانتقدناه وإذا سجل وصلناه للسماء زي إبداع نواف ضد الاتفاق الكل أشاد فيه يعني بالعربي طيب وين اللي سبوا نواف وانتقدوه على فكره هم أول ناس أشادوا فيه بعد مباراة الاتفاق وهذا يدل على العشوائية وانفصام التعبير حتى الصويلح ما سلم يا جماعه ترى اللي يحب الهلال مو مثل اللي يشجع الهلال.
3/بوسيروو VS رودريقو
الحكم عليهم بدري وصدقوني أنا متفائل فيهم إلى أبعد حد واضح أن بوسيروو جديد ويوم عن يوم يقترب من التشكيلة المثالية يا جماعه الحمد لله خلو المدرب بنفسه يكتشف التشكيلة المثالية حتى لو فرطنا في الخليجية يا جماعه ترى كأس الأمير فيصل بن فهد أقوى منها مستوى فني وبعدين اعتبروها تجربه حالها حال بطولة الصداقة من أول ولاتعتبرون الكلام هذا تهرب ترى غيرنا ما أخذ له بطولة 11 سنه وما سوى اللي سويناه أما بالنسبة رودريقو فهذي قبلة على جبين الكابتن صالح السلومي اللي جاب لنا لاعب أظن بأنه سيكون له شأن وينسنا كوما تشو انشاء الله.
4/ متفرقات هلالية
· هلالنا قريبا سيخوض أول لقاءاته في الدوري أمام الخليج فليكن حضورنا مناسبة للترحيب بأمير البطولات وترحيب بعودة الدوليين وتجديد ثقة في لاعبينا الرائعين.
· كم هي مؤلمة مجرد التفكير بلحظة اعتزال أسطورة الكرة السعودية في نهاية هذا الموسم.
· عبد الله الجمعان إلى الأمام يا حاسم البطولات ومدفعجي الكتيبة الزرقاء.
· تفاريس ستظل من أوفى اللاعبين الأجانب الذين مروا على تاريخ الهلال وأتمنى منك عدم الحصول على البطاقات من بداية الموسم لكي لا نفتقدك في المباريات الهامة كما حصل في الموسم الماضي.
· باص عيون كم نحن بانتضارها يا برنس فعجل بالعودة لكي تطرب وأنت ترى جمهور الهلال يساندك ويمد يد العون لك.
· هذا الموسم هو الموسم الذي لا أتمنى أن ينتهي فبنهايته سنودع جوهرتين خدمت النادي والمملكة بوجودهم وهم سمو الأمير محمد بن فيصل وأسطورة ومفخرة الكرة السعودية سامي الجابر فليكن حضور المباريات على قدر المحبة.
· المذيع المبتدئ والذي دافع عن ألوان ناديه في قناة حكومية حصل على جزاءه وجزاء من ينقص ويشكك في زعيم الأندية السعودية والعالمية.
ووأسف على الاطالة.... |
الوضع العادي
