آآآآآآآآآخ وينك ياكماتشو .. !! - نادي الهلال السعودي - شبكة الزعيم

M O U R I N H O · #1 29/08/2006, 11:16 PM

السلام عليكم ..

هارد لك الخسارة والخروج المبكر من البطولة الخليجية ..

كلنا شفنا وسط الهلال والدفاع وشلون ضااايع ..

مناولات خطأ + لعب يرفع الضغط

الهليل ؛ لا جديد ؛ أول مايدخل يحوس الفريق فوق تحت

خليل ؛ ما أدري متى يكون متفاهم مع الحارس والدفاع

.. بكره ولا بعد سنة ولا 10 سنين إضافية

.. ياناس ياعالم والله هالاعب فاقع مرارتي نسقوه وفكونا منه ..

البرقان ؛ لا تعليق !!

الحربي ؛ فاشل فاشل فاشل .. وما أدري وش وظيفته في الملعب !!

التمياط ؛ ماله وظيفه في الملعب غير الإستعراض !!

الصويلح ؛ بالله هذا لاعب راجع من النمسا لعبه كذا كله مناقز ومطامر على غير سنع ؛

العتيبي ؛ أبدعت بالمباراة الأولى والثانية ؛ والثالثة مرتبك على إيش ما أدري ؛ لكن الحمد لله كنت أفضل من بعض لاعبين الحواري اللي عندنا

رودريجو <<< أكبررررررررر فااااااااشل ؛ أي لمسه من لاعبين الخصم يطيح ؛ كل فاول يبي يشوته وبعيييييييييده ؛ والله الجمعان ارحم منه

وييينك ياكماتشو

والله الوسط ضاايع

لكن إن شاء الله يتبدل الحال بعودة الدوليين ..

إن شاء الله ماطولت عليكم ؛

تحياتي ؛

هلالي للابد ! · #2 29/08/2006, 11:21 PM

ااااه ياكماتشو

جايبيلنا هالدلخ كل لعبه مراكض ويطيح

القيصر رهيب · #3 29/08/2006, 11:22 PM

كماتشو كماتشو كماتشو كماتشو كماتشو كماتشو كماتشو كماتشو كماتشو كماتشو كماتشو كماتشو كماتشو كماتشو كماتشو كماتشو كماتشو كماتشو كمكماتشو كماتشو كماتشو اتشو كماتشو

هلالي رغم ابتعادي · #4 29/08/2006, 11:28 PM

والله فقدنا كماتشو

أبوأثيل · #5 29/08/2006, 11:37 PM

من شاف الهيلمة الي سبقت ردريغو وانه بينسينا كماتشوا ويشوفه في الخليجية يستغرب من هالمستوى الي ما يجي ولا ظفر كماتشوا الله يعيد ايامة صراحة
ماتعرف قيمتي لين تجرب غيري

alfares1004 · #6 29/08/2006, 11:49 PM

اااااااااااالأماااااااااااااااااااااااكن كلها مشتاقه لك ياكماتشو

الغالي 15 · #7 29/08/2006, 11:52 PM

يـا الزعمــاء الموسم في اوله ..

لاتحكمون علـ احد الان

الافضل · #8 29/08/2006, 11:57 PM

رونالدووو

مع احترامي لك كلامك مدري وش يبي

تنتقد لاعب او لاعبين ممكن

اما تنتقد فريق كامل عسى ماشر

هونها وتهون ترا كلها خليجيه واعداد للدوري

[ T H A M E R ] · #9 29/08/2006, 11:59 PM

ردودريقو عيبه الوحيد كثرة السقوط ،،

لكن اكيد راح يعدل هالمشكله وينسينا كماتشو ،،

وبدري ع الحكم على اللاعب ،،

M O U R I N H O · #10 30/08/2006, 12:01 AM

إقتباس

الرسالة الأصلية كتبت بواسطة beckham_T


	ردودريقو عيبه الوحيد كثرة السقوط ،، لكن اكيد راح يعدل هالمشكله وينسينا كماتشو ،، وبدري ع الحكم على اللاعب ،،

إيه هين ؛

ولا فاول زي الناس ؛ ذبحني فقع مرارتي بدلاخته

15tiger15 · #11 30/08/2006, 12:02 AM

اولا:بالنسبة لكماتشو <<<اللي ما يبينا ما نبيه

وثانيا:يا خوي تراها بطولة وحدة وشرشحة اللاعبيين ...اجل النصراويين وش يقولون 9سنوات ما جابو ولا بطولة

بعدين الدوليين مب موجودين ...وان شاء الله تكون هذي البطولة درس للاعبيين ...وانتضر عودة الشلهوب والقناص و الغامدي والغنام وايضا التايب

ان شاء الله اذا اكتمل الهلال بتشوفونه على حقيقته

وارجوا من جميع الاعضاء عدم القسوة على اللاعبيين وان شاء الله اللاعبيين بيرضون الجميع

وجهة نظر

مهـــــج99دهم · #12 30/08/2006, 12:05 AM

قد سبقتنتي بإنزال الموضوع ياخووي ومكشوور ياخوي
ردرديقرو ربما لانه يلعلم انه يلعب بإسم الكيان الهلالي

وليس احد الااحد الانديه البرازليه المغموره الكل شاهده في البطوله لاعب إستعراضي

لم يقدم اي لمحه تجبرك انت ايها المشاهد الإستمتاع بها كما يفعل كماتشو

اعتقد والله وجدوده كعدمه في الهلال
اينا شهرت اللاعبين البرازلين في الكرات الثابته
الكل يضع يده وخاصتا في المناطق الحساسه عندا القيام الاعب البرازيلي بالتصدي لها والتهيئ في تنفيذها
هل فعلا انت رودريجو البرازيلي إذان فعل كما يفعل ابن جلدتك والإ فرحل فالهلال غني عندك

زعيمنا الغالي · #13 30/08/2006, 12:08 AM

آآآآآآآآآآآآآآآآآآآآآآآآآآآآه ياكماتشو

الــhilalــوادي · #14 30/08/2006, 12:09 AM

فعلا

زي ماقلت فيه لاعبين للاسف لاتعليق

اما بنسبه لرودريقو فتوه جديد ننتظره ونشوف .. ولا نسيت كماتشو وش سوى في بدايته مع الهلال

M O U R I N H O · #15 30/08/2006, 12:11 AM

إقتباس

الرسالة الأصلية كتبت بواسطة 15tiger15


	اولا:بالنسبة لكماتشو <<<اللي ما يبينا ما نبيه وثانيا:يا خوي تراها بطولة وحدة وشرشحة اللاعبيين ...اجل النصراويين وش يقولون 9سنوات ما جابو ولا بطولة بعدين الدوليين مب موجودين ...وان شاء الله تكون هذي البطولة درس للاعبيين ...وانتضر عودة الشلهوب والقناص و الغامدي والغنام وايضا التايب ان شاء الله اذا اكتمل الهلال بتشوفونه على حقيقته وارجوا من جميع الاعضاء عدم القسوة على اللاعبيين وان شاء الله اللاعبيين بيرضون الجميع وجهة نظر

كماتشو كان يبي الهلال .. ووافق على الـ 800 ألف دولار لكن الهلال مايبونه

جبنا رودريجو وويلتون بـ 200 ألف دولار

وهذا القهر ؛ على العموم إن شاء الله يرجع الهلال كما كان وأفضل بعودة الدوليين ..

ومشكور على مرورك

؛