#1  
قديم 29/08/2006, 04:32 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
Wink SMS



مع التقدم التقني في الحياة وتواصل التقدم التقني << يرحم امك اسكت << يا شين اللي ما يعرف يكتب مقدمات قلت لكم مع التقدم التقني في الحياة وتواصل التقدم التقني وتطور التقدم التقني وازدهار التقدم التقني
<< يا شين اللي تورط

اي تقدم تقني عندنا !! والا فرحانين بالجيل الثالث !! والا فرحانين بالتقدم ان الـ dsl عندنا في عام 2009 اذا الله احيانا بيوصل سرعة 1 ميغا !! عام 2009 ويقولون تقدم !! والا فرحانين بالتقدم ان الاتصالات عندنا نار !! والا فرحانين بالتقدم وبعض المناطق وحنا في عام 2006 مافيها شبكة !! والا فرحانين بالتقدم ان التقرير للرسايل بـ 10 هللات !!
وش اقول ووش اخلي !! ما اقول الا مالت علينا وعلى تقدمنا !! والله يا حنا نسمع بالتقدم ولا ندري وينه فيه !!

المهم اقولكم الحين صارت الدعوة خرابيط وسواليف وقلة حيا :sad: كل من هب ودب فتح له قناة وحط رقم للرسايل ويالله يالعالم المخفات تدهر وترسل للقنوات سواليف ومسخرة وقلة حيا :sad: !! رأس مالها مليون وتحجز لك قناة وادهر من هالأغاني من طقة البرتقالة << والله يا انت قديم شكلك ما سمعت بـ الواوا !! وخل اول اسبوعين الترقيم مفتوح شوي يعني لا تدقق والاسبوعين الثانيات خفف شوي وبعدها رجعت المليون بمليونين ووش لك بالأسهم والخرابيط ونزل المؤشر وما نزل ارتفع السوق والا ماارتفع متعلق بكم شركة وخرابيط ثانية !! وحط لك بالكنترول واحد فاهم يرسل بـ أسامي بنات وشف بعض التماسيح المخفات يجونك ركض ولا يهون بعض امهات الركب السود !! اجل ارسل اسمك واسم حبيبتك عشان تشوفون التوافق بينكم طيب لو واحد عنده حبيب مهوب حبيبه ووحده عندها حبيبه مهوب حبيب وش يصلحووون !! << لا تقولون وش تبي ترى هالحركات كثيرة ;) وخصوصا في هالوقت التالي كثرت عند البنات بشكل كبير ;) ..

اجل بالله برنامج يحطون لك اكثر من موضوع والمشاهدين هم اللي يختارون الموضوع عن طريق التصويت بالرسايل (( وجه يقول احد قال اليوم السابع )) اجل وين راح المعد ووش يسوي اذا المشاهدين هم اللي يختارون !! اقول مالت عليكم بس من شفت محمود سعد هو المقدم وانا غاسل(ن) يدي !!

والا حط لك وحده حلوه ولابسه من غير هدوم وخلها تفتن هالمهابيل وابشر بالاتصالات والرسايل !! اجل هذاك اليوم في قناة مدري وش اسمها << علينا يا مناحي .. جايبين لبنانية حلوه وموت (( صورة واحد تقوطر سعابيله من حلاتها )) المهم هالبنت كل شوي اذا محد اتصل توخر شعرها شوي عشان يبان صدرها شوي وهذي شغلتها اذا قلت هالاتصالات تلعب بالشعر يمين ويسار عشان تفتن هالعالم << اشوى ان جوالي مافيه خدمة 700 والا تسان اتصلت
(( تبون الصدز ضيعت العيال وهم يلعبون بلوت اجل واحد يشتري صن وما معه الا ولد وثلاث سبعات وتسعه ))

المهم الحين القنوات صرنا ما نشوف منها شي كلها يا شريط إخباري والا اسعار الاسهم والا سواليف وتشات !! طيب وبعدين والى متى وحنا كذا ؟؟ << اسكت بس اشوى انك 24 ساعة مسنتر وتدهر بالرسايل


الحين بعد ما عرفنا عن التقدم التقني في الحياة وتواصله وتطوره وازدهاره ونموه واكتمال نموه كل هذا بإستخدامك نيدو

خلونا نمر على بعض الرسايل عند بعض الناس ..

واحد كل اخوياه طفرانين ..

×× كلها الرجاء الاتصال بي << طبعا بالانقلش وتعرفون ثقافتي فرنسية انا



واحد راعي اسهم ..

×× اشتر في تبوك للاسمنت واترك المواشي الزراعية
×× اقحش من سابك المصرفية وبعها بعد كم شهر
×× اترك الراجحي للاسمنت واشتر في سامبا للمعادن
×× انحش عن ساب للعقارات تراك تبي تتورط

< واضح اني افهم في الاسهم احمدوا ربكم ما اعطيكم توصيات والا تسان صرتوا هوامير بس مديونين



واحد توه صاير مغفل يعني توه متزوج

×× اول سنة كلها رسايل حب وغرام ..
×× ثاني سنة رسايل شوق ووله << كل واحد بدأ يمل من الثاني ويصرفها بالشوق يا مسكين يهالشوق ملعوب(ن) في حسبته
×× السنة الثالثة جب خبز معك وجب غداء ما طبخت !!
×× لا تنسى تجيب بامبرز للعيال !!
×× نبي سيريلاك ونيدو ما عندنا !!
×× نبي طماط وبصل عشان الغداء تسانك تبين اطبخ ولو تجيب من المطعم يكون احسن !!




واحد صايع ..

×× كل رسايله مشفره ;) !! << مالها داعي نتوقف على آخر عمرنا وش يقولون عني !! وش عندنا غير السمعة الحسنة والذكر الطيب << يحلفون ان هالشي مستحيل


بنت صايعه ..

×× كل رسايلها شحن رصيد !!



بنت ما عندها الا بنت عمها تعرفها << احد قايل الفيروسه والماسة او خل نقول مجموعة بنات في منتدى ..

×× فاتس صدى الامس نزل موضوع الحقي عليه لا يفوتس ضحك ووناسه وكل شئ !! << بتقولون وش تبي انت مصدق عمرك بقولكم هذا موضوعي وانا حر
×× لا يفوتس موضوع بالمجلس العام !!
×× فيه مضاربة في موضوع بالمجلس العام نبي الفزعة !!
×× وش صار على موضوعنا اللي بالتطوير قصدي اللي بالاستشاري << لا هذي واضح انها الفيروسه والماسة
×× تراني كاتبه موضوع ارفعيه نزل تحت ومحد رد !!
×× فاتس عرس نوير بنت جيراننا بتصل عليتس بعدين بقولتس كل السواليف الحين تعبانه وبنام !! << عاد ترد عليها وتقول تكفين لا تنسين شي ابي اعرف وش صار ووشلون لبسهم وعرسهم والطقاقة ومن رقص ومن ما رقص والعروس وشلون كان شكلها يعني بالتفصيل ابي برنت كامل عن كل شي !!



واحد يعرف له كم واحد بالمنتدى ..

×× فاتك صدى الامس منزل موضوع الحق لا يفوتك انواع التنسيم والضحك !! << راجع الصندوق الوارد اللي فوق وتعرف السبب ليش قلت هالكلام
×× تراي نزلت موضوع تكفى رد كثر الردود !!
×× فيه موضوع منزله الوصخ ****** خل نخربه عليه !!
×× فيه موضوع لخوينا ***** لاترد اليوم رد باتسر عشان يكون نزل شوي وانت ترفعه لان انا برد اليوم !!
×× لاتنسى تراي كلمت خوينا ونبي ننزل موضوع كبير ونبيه غصب يتثبت !!
×× شفت العضوة ****** شكلها خوية العضو ****** !! << يرد الثاني ويقول انا شاك من اول وقلت لك هالشئ !!
×× شكلي بشبك العضوة ****** وبجيبها للماسنجر غصب !!



واحد حاط الحد الأئتماني 300 ..

×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!





قفطه قصدي قفله

لاتشرهون شوفوا متى منزل الموضوع وتعرفون << هذي تصريفتك ايم






لا جد اتركوا عنكم الرسايل حتى لو كانت لقناة الزعيم << مندس




اللي يبي يتصيد من الأخطاء بينبسط وبيفلها

,.,



اضافة رد مع اقتباس
  #2  
قديم 29/08/2006, 05:06 AM
زعيــم مميــز
تاريخ التسجيل: 18/12/2004
المكان: الجــوف
مشاركات: 2,578
ههههههههههههههههههههههههههههههههههههههههههههه

sms

دس عقلك عن امريكا لا ياخذونك ويجنسونك وتضيع مواهبك اليانعه . انتهى <<< حسيت اني مثقف وقوي

والله يالغالي هالقنوات مدهره وحنا ماغير شغلتنا نبقق عيونا خخخخخخخخخخخخخ اقصد الاسهم << خاف انه ينحرف

واكثر هالجلسات اذا ماهي سوالف عن اغاني تلقاها اسهم وانت ماتدري من وين تلقاها ... مش حالك وربك يعين ...

تحياتي لك
اضافة رد مع اقتباس
  #3  
قديم 29/08/2006, 05:14 AM
عضو استشاري سابق للمجلس العام
تاريخ التسجيل: 28/01/2005
المكان: الريـــــاض
مشاركات: 6,514
الله يعطيك ألف عافية

الحقــقيقة كل اللي ذكرته واقع وقاعدين نشوفه ونلاحظه سواء من الشباب أو البنات صغار أو كبار

برامج التصويت أياً كانت تخاطب الشعب السعودي أولاً!! أي برنامج لازم ينجح لازم يكون أحد المشتركين فيه سعودي !!

هل لأننا شعب ثري !! هل لأننا شعب غير واعي!!هل لأننا شعب يفوق 26 مليون نسمة !! هل لأننا شعب الفراغ مسيطر على بعضنا والبطالة على أغلبنا!! هل لأن أغلب فئة المجتمع فئة مراهقة!!

في أي برنامج تلفزيوني أول رقم تشاهده خط السعودية في أي برنامج أول توقيت السعوديه!!

لماذا!!!

الرسائل والبرامج بصراحة أخذت منا الكثير تــهدم لا تبني !تهلك لا تعالج !


الأمور هذي لايمكن أن يسيطر عليها سلطة الان دور التربية هي من تنقذ الشخص من هذه التفاهات

الان الكل يملك جهاز محمول يستخدمه في أي غرض لا يستطيع أحد أن يمنعك عن أي شي !!

الان اللي يمنع اي انسان من اي تصرف هي تربيته اللي تربى عليها فالتربية الان يتم حصاد زرعها

وان شاء الله ربي يصلحنا ويهدينا جميعاً
اضافة رد مع اقتباس
  #4  
قديم 29/08/2006, 06:29 AM
الصورة الرمزية الخاصة بـ تيماوي
مشرف سابق بمنتدى الجمهور الهلالي
تاريخ التسجيل: 11/02/2001
مشاركات: 6,535
@ صدى الدجه موضوعك هذا اكيد كاتبه وأنت تعيش عصر التقدم التقني ...


@ ذكرتني بسالفة واحد من الزملاء مستلم الشباب عندنا نصائح أتركوا الرسائل اللي ما منها الاخسارة في المال ودمار للعقل والدين ولا تُكسب صاحبها الا الأثم ... شوي الا ويقول ما ودكم ارسل رسالة لها المزيونه ارفع من معنوياتها شوي ما احد عطها وجه الليلة ...



@ تحياتي يا صدى كل الأزمان واعتقد مثل ما قالت الأخت سندريلا التربية لها الدور الأكبر في حياة الناس وتصرفاتهم ..
اضافة رد مع اقتباس
  #5  
قديم 29/08/2006, 06:52 AM
موقوف
تاريخ التسجيل: 09/07/2006
المكان: في الوادي ..في الغرفه الي فوق مع الي تخبرون
مشاركات: 221
هههههههههههههههههههههههههههههههههههههه
بصراحه اصفق لك بيدي وبرجولي
من يوم ما قريت الموضوع
وما فيه الا قوه ضحك
لا والادهى من ذلك يوم وصلت السطر الثالث الا وانقز اشوف الاسم
ابشوف من نزل هيك موضوع
سؤال يبطح نفسح
وشلون خدمه 700 وش قصدك
(يتغيبى((
وتعال نبي نضمك
في مخطط الانقلاب انت تنفع لنا
اضافة رد مع اقتباس
  #6  
قديم 29/08/2006, 10:13 AM
زعيــم مميــز
تاريخ التسجيل: 10/05/2005
المكان: بيـــــ الـورود ـــن
مشاركات: 3,542
برافوووووووا صدى


.......... احييك بصراااحه على مقدمتك

إقتباس
اي تقدم تقني عندنا !! والا فرحانين بالجيل الثالث !! والا فرحانين بالتقدم ان الـ dsl عندنا في عام 2009 اذا الله احيانا بيوصل سرعة 1 ميغا !! عام 2009 ويقولون تقدم !! والا فرحانين بالتقدم ان الاتصالات عندنا نار !! والا فرحانين بالتقدم وبعض المناطق وحنا في عام 2006 مافيها شبكة !! والا فرحانين بالتقدم ان التقرير للرسايل بـ 10 هللات !!


برافوووا اخوي صدى ..اقف لك احتراما على هذا الكلام الواقعي ...
للأسف السعودية اغنى دولة لكنها افقر دولة من ناحيه التقنيه ...

خاصة بين دول الخليج نحن الأسوا مع عمان اكيد :p
نفسي افهم ليه ؟؟ وش السبب؟؟؟ والله عيب كذا
والله قاهرني ادي اس ال السرعة تفشل والله تفشل لا بعد غالية
وفي الدول الثانيه اشياء رمزية مثل ((مصر والأمارات ))

..××× ابسألم اللي تحته خط وش يعني انا هالشهر قامت توصل لي رسايل
التقرير انها وصلت رسالتي ؟؟؟
لايكون بفلووس وانا اشوووف فاتورتي وصلت 500 وماكمل الشهر ×××
يالله كل يوم بعد يوم اكتشف ان الاتصالات السعودية اكبر شركة نصاابة على مستوى الشرق الاوسط ...


إقتباس
المهم اقولكم الحين صارت الدعوة خرابيط وسواليف وقلة حيا :sad: كل من هب ودب فتح له قناة وحط رقم للرسايل ويالله يالعالم المخفات تدهر وترسل للقنوات سواليف ومسخرة وقلة حيا :sad: !!



الله لايكثرهم الله لايكثرهم هالقنوات الحراميه..
ياربييييييي منهم اكرههم والله اكرههم سذاااااااااجه اوووف ..

لا بعد القنوات اللي فيها الاختلافات ولعبه عمليه الحسابيه اذا حركت عود ثقاب تنحل المسألة >>احب افكر بالحل بس لو يمووتون ما اتصل ما استخفيت باقي

للأسف حتى الفروسية اللي في السعودية يوم الجمعه
يجي نفس ذا البرنامج الالعاب ذي
كان يقدمه واحد اسمه الحميد
كل ماشفته قلت جاا حرامي الجمعه > صار مشهور بهالاسم؟؟:p

اما القنوات الثانية مسميتهم حراميه الليالي ...

بس ليه السعوديين والسعوديات للأسف هم اللي يرسلون؟؟ ليه مو غيرههم؟؟؟؟

هنا المشكله ...؟؟

ــــــ
إقتباس
اجل بالله برنامج يحطون لك اكثر من موضوع والمشاهدين هم اللي يختارون الموضوع عن طريق التصويت بالرسايل (( وجه يقول احد قال اليوم السابع )) اجل وين راح المعد ووش يسوي اذا المشاهدين هم اللي يختارون !! اقول مالت عليكم بس من شفت محمود سعد هو المقدم وانا غاسل(ن) يدي !!



ياخي انت موضوعك ذو شجوون جبت الاشياا اللي اكرهها ورافعه ضغطي
المدعو محمود سعد الله يخلف عليه بس ...مدري عليه له جماهير
هالبرنامج مستحيل اتابعه لو تكلموا عن الهلال وسامي بعد>>قوووية :p

ـــــــــ


إقتباس
واحد كل اخوياه طفرانين ..

×× كلها الرجاء الاتصال بي <<


هذا انا :sad:
إقتباس

×× فاتس عرس نوير بنت جيراننا بتصل عليتس بعدين بقولتس كل السواليف الحين تعبانه وبنام !! << عاد ترد عليها وتقول تكفين لا تنسين شي ابي اعرف وش صار ووشلون لبسهم وعرسهم والطقاقة ومن رقص ومن ما رقص والعروس وشلون كان شكلها يعني بالتفصيل ابي برنت كامل عن كل شي !!



ورى ما يتصلون على بعض والله اريحلهم

ما احب اكتب بالجوال ملللللللللللللل وانا ماعندي صبر ابد ...
الا في الضرورة حتى لو كنت بالقاعه وعندي محاظره استصعب اكتب رساله ,,
وادور على الحرووف >>واضغط ثلاث مرات ويطلع حرف الرا وحوووسه :sad:
اتصل على زميلتي اذا غفلت الدكتوره وبصوت واطي وارتااح ;)

ـــــــــــ

نجي للنقطه الثانيه
إقتباس
واحد حاط الحد الأئتماني 300 ..

×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!



هذا انا بعد حدي 500
ومجننه 902 كل شوي ازيد بالحد شكله بيوصل 3000
ـــــــــــــ
نجي للنقطه اللي بعدها >>

إقتباس
لا جد اتركوا عنكم الرسايل حتى لو كانت لقناة الزعيم << مندس

اقوول روووح لمنتداكم ونادييكم الفقر و فكنااا يالفقراووي

...صورة مع التحيه لمنتدى الجمهورالهلالي.. ;)

عن قناة الزعيم ياخي ماعجبتني الفكره ابد والله ماتمنينا قناة كذا :sad:
لكن اذا فيها دعم لزعيمنا يمكن افكر ويمكن ما افكرارسل >>دخيلك

ـــــــــــــــــــــــ


تصدق ردي طوووويل والله زمان يا الوردة
زمان مارديت هالردود...
لكن الموضوع نقاطه اعجبتني والله على الجرح ;)
اخوي صدى الأمس اعجبني موووضوعك
ياليت تكثر منه كل يوم >>فاهمه غلط

أختـــك

الوردة الزرقــاء






اضافة رد مع اقتباس
  #7  
قديم 29/08/2006, 10:29 AM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376
هلا بـ ولد الامس ..

وصلني تنبيهك اني ارفع موضوعك وارد عليه ردود كثيره ----->> انطلق صاروخ .

إقتباس
<< يرحم امك اسكت

أي والله اسكت صاجنا فـ هالصبحية مدري الظهريه تقدم تقني وتأخر فكري الأخيرة إضافة مني

إقتباس
والا فرحانين بالتقدم ان التقرير للرسايل بـ 10 هللات !!

وش عندددددددددددك حاط تقرير تبي تشوفه متى يستلم الرسالة ;)
تعجبك الاتصالات حطت عليها قيمة لانها تعرف ان ربعنا ملاقيييف

إقتباس
لا تقولون وش تبي ترى هالحركات كثيرة وخصوصا في هالوقت التالي كثرت عند البنات بشكل كبير ..

إي بـ الله أشهد أنها كثرت صدى تبيني اقولك وش يسوون ووين اماكن تجمعهم بـ الإجازات
علمني وش يسوون عندكم ووين يتجمعون واعلمك لازم نتبادل المعلومات

إقتباس
<< اشوى ان جوالي مافيه خدمة 700 والا تسان اتصلت

انت موبايلك مافيه هـ الخدمة ! علييييييييييييينا

اشوى انك حاطها واذا وصلك اول مسج ان حدك الائتماني قرب رحت وشلتها ، صدى مايقدر يعيش من دون خدمة 700 .

إقتباس
(( تبون الصدز ضيعت العيال وهم يلعبون بلوت اجل واحد يشتري صن وما معه الا ولد وثلاث سبعات وتسعه ))

أبي العب بلوت جد ابي العب بلوت واصير دافوره فيه
علمني وشلون ألعب بشوف هـ اللعبة اللي فاتنتكم من سنة جدي .
اخاف العبها ويقفل مخي عاد انا مافيه الا فتحه صغنونه فيه إذا تقفلت رحت فيها .

إقتباس
المهم الحين القنوات صرنا ما نشوف منها شي كلها يا شريط إخباري والا اسعار الاسهم والا سواليف وتشات !! طيب وبعدين والى متى وحنا كذا ؟؟
<< اسكت بس اشوى انك 24 ساعة مسنتر وتدهر بالرسايل

ماشاء الله عليك يـ أنت عندك وقت كبير فاضي فيه
اذا ماعندي شغله ولاطلعنا رحت وقلبت بـ هالقنوات وشفت خبالهم عاد استانس ع شريط يوسع الصدر خبالهم وتفاهتهم .

إقتباس
×× نبي طماط وبصل عشان الغداء تسانك تبين اطبخ ولو تجيب من المطعم يكون احسن !!

هذي رسايل اللي توصل القاضي

إقتباس
×× كل رسايله مشفره !!

لا إلا الصايع لاتشفرون رسايله ... صدى ترى الفجرية الدنيا نايمه طلع الرسايل خل نشوفها والظهر شفرها

إقتباس
بنت ما عندها الا بنت عمها تعرفها << احد قايل الفيروسه والماسة او خل نقول مجموعة بنات في منتدى ..

×× فاتس صدى الامس نزل موضوع الحقي عليه لا يفوتس ضحك ووناسه وكل شئ !! << بتقولون وش تبي انت مصدق عمرك بقولكم هذا موضوعي وانا حر


لوووووووووووووووووووووووووو وووووووووووووووووووووووووووووووووووووووووووووووووووووووووووووو ووووووووووووووووووووووووووووووو ووووووووووووووووووووووووووووووووووووووووووووو وووووووووووووووووووووووووووووووووووووووووووووووووول

مشكلة اللي ماخذ مقلب بـ عمره

إقتباس
راجع الصندوق الوارد اللي فوق وتعرف السبب ليش قلت هالكلام

لوووووووووووووووو ووووووووووووووووووول
هـ التماسيح مايهرولون عبث

إقتباس
×× لاتنسى تراي كلمت خوينا ونبي ننزل موضوع كبير ونبيه غصب يتثبت !!

هذا يمكن حالهم الحين طالع إجتماع القاضي مع الأعضاء

إقتباس
×× شفت العضوة ****** شكلها خوية العضو ****** !! << يرد الثاني ويقول انا شاك من اول وقلت لك هالشئ !!
×× شكلي بشبك العضوة ****** وبجيبها للماسنجر غصب !!

لوووووووووووووووووووووووووووووووووووووووووو وووووووووووووووووووووو وووووووووووووووووووووووووووووووووووووووووووووووووووووووووول

إقتباس
اللي يبي يتصيد من الأخطاء بينبسط وبيفلها

لأ ماراح اتصيد ---->> المخ بيقفل جاء موعد النوم
بس تراك ارتكبت جريمة بـ ميسو حرفت يوزرها وخليته " الماسة "
لو تنتبه لك بـ تروح فيها عاد ابعد عن ميسو لاعصبت .



اريجاتو صدى ع هيك موضوع يوسع الصدر











الفيروسه الزرقاء
اضافة رد مع اقتباس
  #8  
قديم 29/08/2006, 11:40 AM
مشرف سابق بمنتدى المجلس العام
تاريخ التسجيل: 02/12/2001
المكان: حيث الأمل
مشاركات: 5,600
صراحة الموضوع من جهة و المقدمة الروعة من جهة أخرى.

إقتباس
فاتس عرس نوير بنت جيراننا بتصل عليتس بعدين بقولتس كل السواليف الحين تعبانه وبنام !! << عاد ترد عليها وتقول تكفين لا تنسين شي ابي اعرف وش صار ووشلون لبسهم وعرسهم والطقاقة ومن رقص ومن ما رقص والعروس وشلون كان شكلها يعني بالتفصيل ابي برنت كامل عن كل شي !!

هذا شوي و احلف انها الفيروسة. وبعدين ترى رسائل أم عبدالله لي يتخللها مدح لي بأني أفضل و أزين رجل في العالم و أن الحياة بدونك ما تسوى هللة ، ثم " ترى إذا تتأخر أقفل الباب و خل ربعك ينفعونك" . أنا أدري أنها تداعبني فقط.

صدى الأمس ، أنا شفت لك موضوع عن اليوزرات و أنواعها لكنه اختفى فماذا حدث ؟ لا يكون .. و الا بلاش.
اضافة رد مع اقتباس
  #9  
قديم 29/08/2006, 11:54 AM
الصورة الرمزية الخاصة بـ عريب عبدالله
إشراقة المجلس العام
تاريخ التسجيل: 13/10/2004
المكان: الرياض
مشاركات: 3,980
كلام رائع

مدري ليه حسيت أنك من المهبل اللي يسنترون عند الشات في القنوات
متابع ممتاز

أنا لما أفتح قناة فيها شريط تحت ماعمري قريت أي شي فيه
عشان مايرتفع ضغطي أو تجيني سكته قلبيه بسم الله علي

فعلاً كلامك رااائع وحقيقي
يمكن لأن المراهقين مسيطرين على الوضع وعددهم كبير

الشهر اللي راح فاتورة أخوي الصغير 800 ريال
واللي قهرني أن أبوي سددها له بدون أي عقاب
وكلها رايحه على هالهبال والخرابيط
والله مايضيع عيالنا الا الدلع الزايد
أجل بزر وفاتورته كذا كيف لين كبر

يعطيك العافيه صدى الأمس

ننتظر روائعك القادمه
بالحب والإشراق
اضافة رد مع اقتباس
  #10  
قديم 29/08/2006, 01:20 PM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
يعني وش تبيهم يسوون يفتحون بوفيه

ذكرتني يا صدى الدجه بشلة قعاطى مبطين عنهم قلت اسير
يوم جى وقت العشاء قالو يالله يا شباب قطتكم قلت غديني اعشيكم هالمره
قالوا لا لاتفسد الشباب علينا واحدن منهم ابلشنا قعيطي كح تلابشوا
بغو يتهاوشون قلت ابعشيكم لا بارك الله فعدونكم .. عقب العشاء قام خوينا القعيطي
ونقز نقزة رجل واحد ولزق بالتلفزيون بسم الله وش عنده كانوا حاطين قناة ام شعر
على الصدر بس الشهاده لله كانوا مقصرين الصوت طول الرجال متسمر عند التلفزيون
شوي صرخ صرخة رجل واحد شوفو شوفو بسرعه انا خفت احسب شفطه الكهرب
والا احترق شي اثره يقول شوفوا المسج اللي ارسلته لكم طلع كاتب
شباب الاستراحه يرحبون بأبو حاتم بصراحه انا استانست قلت لهم ترى العشاء بكرى علي
اضافة رد مع اقتباس
  #11  
قديم 29/08/2006, 01:28 PM
زعيــم مميــز
تاريخ التسجيل: 23/04/2004
المكان: بين النجوم
مشاركات: 4,461
هلا بصدى الامس
موضوع جميل والمقدمه اجمل
بس حقت الحد الاتماني شي
إقتباس
شباب الاستراحه يرحبون بأبو حاتم بصراحه انا استانست قلت لهم ترى العشاء بكرى علي

اخوياه شغل مصاريا
قاعد اكتب على الاب توب وما اعرف له زين علشان كذا يالله

تشــــــــــــــــــــــاو
اضافة رد مع اقتباس
  #12  
قديم 30/08/2006, 01:37 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
والله انك صدقت في كل كلمه قلتها ...
يقولون تطور .. الا والله تدهور .. والـ DSL واصل عند الغرب وقت الدوله السعوديه الاولى <<ياشين النصب
والاتصالات ماعغير يبلعون وحنا المساكينالضحيه ..الفواتير على الظهر .. هذا غير اللي يكلم آخر الليل..
ويقولون خصم .. وهو والله لفلوسنا هدم .. وقطاف وانا وراهم مخاف <<يعني مخفات خخ

صاروا الشباب كنهم مهابيل لما يشفون لنانيه في التلفزيون .. وكلها خرابيط والله مالها فايده .
ولو جاوبت يقولون بنسوي سحب .. يعني طالع طالع الله لا يعوق بشر ..

ولو بعد تقرا شريط الرسايل وتدقق كان شفت العجب وبأقرب كاس عندك تكسر الشاشه ..
هذا حال واقعنا .. اللي يبغى الفلوس ماعليه الا يحط قناة ويجيب لبنانيه .. ويسوي شات ..
واكسب ملايين من جيوب هالمهبّل .. <<بتشديد الباء

والرسايل بين احياناً تنقذ .. وتعين وتعاون .. ولو يوقفون الرسايل صرنا في خبر كان ..
وهي جسر للتواصل بينالاعضاء . نو للوصايا .. احذف .. ارفع .. اكتب .. امدح حح

يالله وش نقول .. هذا حالنا .. من تطور لتدهور .. والله موضوعك حلو وشامل ..
بس لا تجيب طاري الزعيم .. لأهجم عليك هجوماً شرساً كهجوم جمهور النصر على لاعبيه .. خخخ

دمت بخير .. ولاتحرمنا من مواضيعكالحلوه الهادفه .. واسوبك الشيق الممتع ..
بانتظارك مره اخرى ..
دمت بخير . ياوجه الخير..
اضافة رد مع اقتباس
  #13  
قديم 30/08/2006, 02:47 AM
زعيــم فعــال
تاريخ التسجيل: 18/07/2006
المكان: الريــــــــــــــــــاض
مشاركات: 451
ايييه والله مالت علينا وعلى شباب وشابات السعوديه
أجل تصدقووون في مرتن من المرارير قريت موضووووع يقووول أن قناة نسيييت والله الموضوووع بالتفصيييل بس انت تدخل بالهبل وتقوول ان ثلاث أرباع المسجااات من السعوودين مدري هو جنون أم ماذا <<<<<<<<<< لو سمحتي لا تتكلمييين فصحى
اي والله ان شبابنا مطااافيق يعرفووون يستغلوون التقنيه صح <<<<<< ايه كثري لي منها

والا البلوووتوث و ما أدراك ما البلوووتوس
كل يووم والثاني مألفييين لهم مقطع بلووووووتوث
وأنوااااع الإبتكااارات و التفنن في التعذييييب حسبي الله ونعم الوكييييل


نرجع لمحور حديثناااا

المسجااات
أنا جاي على بالي أكتب مسجاااتي <<<<<<<< أقوول اسكتي واللي يرحم والديييك
بس جد ثلاث أرباعها سواليف يعني ماله دااااعي أكتبهااا أخااااف تعرفوون من أنااا<<<<<<< ما حد قدها المشهوووووووره

يالله عاااد خلصت حتسي

مع السلامه
اضافة رد مع اقتباس
  #14  
قديم 30/08/2006, 03:46 AM
عضو سابق في اللجنه الإعلامية
تاريخ التسجيل: 21/04/2003
المكان: في كل مكان
مشاركات: 1,222
لاحول ولا قوة الا بالله

اللهم اجرنا في مصيبتنا واخلف لنا خير منها


____ شبااب في احد مثلي منقهر من شركة الاتصالات ----------


صدى الامس
يالله حيه كيف حالك

إقتباس
×× كلها الرجاء الاتصال بي

الحمد لله ذا العطله ماصرت تجينا واجد


إقتباس
×× كل رسايلها شحن رصيد !!






الله يعين ع شركة الاتصالات

ويعطيك الف عافيه على الموضوع الجميل


اضافة رد مع اقتباس
  #15  
قديم 30/08/2006, 04:30 AM
زعيــم مميــز
تاريخ التسجيل: 17/03/2002
المكان: الرياض
مشاركات: 2,196
هههههههههههههههههههههههههههههه

حياك الله صدى الامس ...شلونك؟

إقتباس
كل من هب ودب فتح له قناة وحط رقم للرسايل ويالله يالعالم المخفات تدهر وترسل للقنوات سواليف ومسخرة وقلة حيا !!

تصدق لسه اليوم والله اقلب بالتلفزيون ويجي فبالي هالموضوع

إقتباس
اقول مالت عليكم بس من شفت محمود سعد هو المقدم وانا غاسل(ن) يدي !!

الانسان هذا اكرهه لله في الله

إقتباس
المهم هالبنت كل شوي اذا محد اتصل توخر شعرها شوي عشان يبان صدرها شوي وهذي شغلتها اذا قلت هالاتصالات تلعب بالشعر يمين ويسار عشان تفتن هالعالم

الا قلي في احد اتصل بالاخير ولالا
اذكر جلست اضحك عليها متفشله محد دق خخخخخخخخ


إقتباس
×× فاتس صدى الامس نزل موضوع الحقي عليه لا يفوتس ضحك ووناسه وكل شئ !! << بتقولون وش تبي انت مصدق عمرك بقولكم هذا موضوعي وانا حر
×× لا يفوتس موضوع بالمجلس العام !!
×× فيه مضاربة في موضوع بالمجلس العام نبي الفزعة !


واللهي جبتها
هههههههههههههههههههههههه

اقولك شي
اول ماقريت موضوعك رحت لفيوو على طول قلتلها لايفوتك موضوع صدى الامس
بس فشلتني قالتلي : خخخخخخخخخخخخخخخ شفته ورديت


إقتباس
واحد حاط الحد الأئتماني 300 ..

×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!
×× لقد اوشكت على بلوغ حدك الائتماني !!

انـــا


يعطيك العافيه عالموضوع وسعت صدورنا الله يوسع صدرك بالعافيه

^_^
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:56 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube