رحت الملعب ويريتني مارحت ؟!!
 

السلام عليكم ورحمة الله وبركاتة ..
أخواني الزعماء تحية طيبة ..
طبعاً الكل شاهد أو سمع إنه منتخبنا لعب اليوم مباراة ودية مع منتخب الإمارات ..
ولحسن حظي إني اليوم رحت الملعب ..
وهي فرصة إني أروح الملعب لأنه من النوادر ان منتخبنا يشرفنا في جدة ..
بدايةً أول مادخلت الملعب كأني داخل عزاء حتى إني لخبط هل المباراة اليوم ولا بكرة ..
أول مرة أشوف مباراة على الصامت ..
وين الرابطة وين الناس ولا في أحد .. الله يرضى عليكـ يالحقوي ..
يعني محد تبرع وقال المنتخب يستاهل إننا نصفقله ونغنيله ..
بصراحة أنا توقعت حضور أحدى الرابطتين الأهلي أو الإتحاد ..
مايكفي اننا نحن نظحي بالغالي والرخيص تجاه الوطن والدليل الخليجية وغيرها وغيرها لاكن االه المستعان ..
أما بخصوص المباراة فكانت ممللللله معدا بعض اللمحات الفنية من نجمنا الغالي ياسر إلي فوقت الجمهور شوي ..
هذه مباراة ودية أما أمام اليابان فنحنا نسعى للصدارة ..
فأتمنى أن نشاهد مباراة تليق بسمعة الأخضر ونجومه خاصاً إني ناوي أروح الملعب فأتمنا انه يوم الأحد القادم يكون أفضل من اليوم ..
في الختام تقبلوا تحياتي وأسف على الإطاله ..
أخوكـــم البطل ..

نشكرك ياأخي على هذه الموضوع وهذه الحقيقة أن بعض الناس يظن أن منتخبنا ضعيف وأنه غير قادر لتوصل إلى ماتوصل إليه غيره وهذا بالطبعه ونرجوا حقيقة فتح الموضوع في هذا المنتدى بشكل أكبر وأوسع
ودمتم سالمين

شكرا أخي البطل السامي على هذا الموضوع
ودمتم سالمين

مشكور أخوي إنك عبرتني ...

بالتوفيق للأخضر أمام اليابان

بالتوفيق للاخضر في مباراته ضد اليابان

ما نقدر نقول الا اللـه يستـر قدام اليـابان ويخـيب الظن ونفـوز ولا نتـعادل على الاقـل

لو البنت عادي تسوق سيارة كان حركت السيارة اللي لها سنة واقفه قدام الباب
وجيتك اصفق بيدين واغني بعد لو تبي


لكن وش نقووول


تحياااتي

تصدق ذكرتني بمباراتنا مع بولندا مافي احد يشجع غير بزارين كلمات غريبة يقولون اخضرنا واك واك؟

وش دعوى ديوك؟


جيت انا وواحد نسوي كم اهزوجة لكن ماش ماحد كمل بس فالحين يمسكها الدوخي اسمع كابتن كابتن وباردين بقوة

مشكورين أخواني مروركــم على الموضوع ...وبالتوفيق للأخضر الأحد القادم ..

يعطيك العافيه

المفروض رابطه الاتحاد او الاهلى كانو يحضروه

انا آخر شي افكر فيه اني اروح مباراه لمنتخب سلطان