فوضى هي !! - نادي الهلال السعودي - شبكة الزعيم

المجمعة وبس · #1 26/08/2006, 11:43 PM

السلام عليكم ورحمة الله وبركاتة

ياخوان مدري كيف ابدأ

لكن نبدأ بسم الله الرحمن الرحيم

ياخوان وش هالمأساة اللي نشوفها بعد نهاية كل مباراة

الاغاني شغاله والبواري ماتسكت واللي طالع من الدريشه ويستعرض عضلاته

واللي متضارب

والله ياخوان عيب عليكم والله عيب

ياخوان تخيلوا ان فيه واحد ضرب بزر!! والسبب ان البزر ناظر فيه

يعني مايصير ياخوان

هذا غير اللي معه عصا ويستعرض عضلاته

والله ياخوان انه هذا سبب من عدم حضور بعض الجماهير للمباريات

بالتوفيق للهلال في المباريات القادمه وبإذن تختفي هذه الظاهره السيئة

والسلام عليكم

أحبك مووووت يا هلال · #2 26/08/2006, 11:46 PM

مشكووور اخوي
والله معك حق :::هذا سبب لعدم حضور بعض الجماهير للمباريات

المجمعة وبس · #3 26/08/2006, 11:51 PM

مشكور اخوي الله يعطيك العافيه

9التـــحــليــه9 · #4 27/08/2006, 12:04 AM

أهلا أخوي المجمعه وبس

أولا : يا هلا والله بأهل المجمعه وسدير وأنا برضو من أهل المجمعه....

ثانيا: كلامك عين الصواااااب اكبر دليل مباراة الامس الهلال خارج من المباراة بالتعادل وبالنسبه لنا بمثابة الخساره والجمهور برا الملعب فرحااااان ومبسووووووط ورافع للاغاني ومطلع شعااااارات الهلال كأنه فايز بالكأس..

لا ياجمهور الزعيم عيب والله عيب الي تسوونه اذا صرت فابز افرح على كيفك لكن بحدود لا تتعداها
وأرجوا من الزعماء تطبيق هذا الكلام في المباريات القادمة

ودمتم هلاليين,’,’,’,’,’,

الزعيييييييييييييييم · #5 27/08/2006, 12:06 AM

اصلا اعرفو ان اللي يسوي كذا ما جا يشجع جا يستعرض عضلاته او انه مب هلالي علشان يجي احد مب هلالي يقولون ناظروا اخلاق الهلاليين

المجمعة وبس · #6 27/08/2006, 12:09 AM

مشكورين اخواني على الردود وياليت كل اللي في الملعب مثلكم

سامي (188) · #7 27/08/2006, 12:09 AM

والله كلامك سليم 100% يا اخوي المجمعة وبس
واتمنى تختفي هالظاهره

وحيا الله ولد ديرتنا <<<<<<< من المجمعة

.MeZoOo · #8 27/08/2006, 12:14 AM

صادق اخوي
عشان كذا انقطعت وانقطع الكثير من الجماهير
عن حضور المباريات

الف شكر لك اخوي
على طرحك لهذي المشكله

تقبل تحياتي

تلومني فيك · #9 27/08/2006, 12:21 AM

انا السبب الرئيسي ان اذا خلصت المبارات ابي امشي بسياره الي موقف وساد الطريق وجالس يناقز يعني لو ابي اطلع من الملعب وامشي يبيلي ساعه من الزحمه والي جايب معه 10 وجالس يهايط يحسب نفسه طرزان ومشاكل داخل الملعب خلها على ربك اخر مبارات حضرتها مبارت الهلال والاتحاد الي فاز 2 -1 بعدها منيب طاب ملعب انزرف جوالي وبنشرو الكفر جلست سنه اطلع الاستبنه خلها على ربك بس

مجنون الكيان الازرق · #10 27/08/2006, 12:32 AM

السلام عليكم ورحمة الله وبركاته

انا معك أخوي المجمعة في أن سبب عدم وجود الجماهير هو بعض الجماهير اللي تقوله من رقم 9 في الهلال يقولك الظاهر انه خالد مسعد .. ولعل هذا الداء انتشر في الآونة الأخيرة في جمهور الهلال والسبب أولا وأخيرا الحضور المجاني ..
ياليت التذكرة ب100 المهم مافيه أطفال الملاعب وياليتهم اطفال ..

شكرا أخوي على موضوعك الرائع ..

تقبل تحياتي أخوك مجنون ..