26/08/2006, 02:28 AM
|
| زعيــم متواصــل | | تاريخ التسجيل: 31/08/2005
مشاركات: 134
| |
|
مجزرة الملز والله عيب ياهل الرفاع ،، وعلى الخط مرينا سدير وليتنا ما مرينا :)
السلام عليكم ورحمة الله وبركاته
في البداية نقول قدر الله وما شاء فعل الحمد لله على كل حال ،،
اليوم طلعنا بالتعادل واتوقع انه افضل من الهزيمه عطفاً على المستوى الي شفناه ،، الصراحه المستوى هذا ما يسر اي هلالي ولا هو طموحنا ابداً ،،
نجي للدفاع في البدايه تغيير احمد خليل مكان المرشدي اتوقع انها اكبر خطاء وقع فيه بسيرو لأنه كلنا شفنا التفاهم الكبير بينهم في مباراة الخليج هذا غير المستوى الرائع الي قدمه المرشدي ، بالنسبه لأحمد خليل انا ما الومه في الهدف كثير لأنه الكوره جته بشكل مفاجئ وسريع وما احس انه كان جاهز للمبارة مثل المرشدي ، بالنسبه للوسط اشوف انه بسيرو حاس نفسه بنفسه في البداية بداء 1-5-4 وبعد إصابة الموري غيرها إلى 4-4-2 من بعد حوالي سبع دقايق من بداية المباراة وهذا لخبط اللعيبه شوي المفروض انه من البداية لاعب 4-4-2 ، بعد دخول الصويلح نشط الهجوم ولكن بدون فاعيليه ، عبد الله الجمعان مستواه عليه اكثر من علامة استفهام كان عالة على الهجوم لكن وش نسوي ما عندنا مهاجمين حالين غيره هو والصويلح في ضل غياب ياسر للمنتخب والعنبر للاصابة اما بالنسبه للخراشي مع انه مو في طموحنا بس لو لعب يمكن يكون افضل منه اذا هذا مستواه ، طارق التايب كم تمنينا وجودك الليله ولكن ماذا نفعل بالحقد التركي على ذهابك أخروا وصول بطاقتك عنوه ، اما بالنسبه للمبارة بشكل عام الخشونه ثم الخشونه ثم الخشونه هي علامة فريق الرفاع لإيقاف الموج الازرق إلي شفناه اليوم ما توقعناه من اخوان واشقاء وضيوف لهم حق الضيافه علينا ولنا عليهم حق المضيف كان يتعمدون الخشونه مع كل هجمه حتى صرنا ندعوا الله ان يستر على لاعبينا من الإصابات ، كانو يلعبون بشحن نفسي وعصبي غريب على لقاء اخوي وحبي والسؤال هنا من وراء هذا الشحن .. ؟ هل هو مدربهم الذي طرد من ارض الملعب ..؟
تفاريس أرحت اعصابنا وقلوبنا انت فعلن تفاريس قلب الاسد هذا كل ما استطيع ان اقوله لك فقلمي يعجز عن وصفك ،،
سدير و عنابي سدير الصراحه اليوم العنابي سواها وقدها وقدود يالعنابي ، رسالتك وصلت انت فعلاً تستحق ان تكون ضمن الكبار فأنت اسقطت عالمي الكبار الذي اصبح حالمي الكبار مع مرور الزمن فأنت من جعلت جماهيره ترمي الاعلام وجعلتها تغادر مكسورة الخاطر نعم لقد لقنتهم درس في فنون الكره نعم تستحق النتيجه والمستوى نعم تستحق ان نرفع لك القبعه احترام لك ولنجومك ،، حالهم حال وكل من حظر يقول مرينا سدير وليتنا ما مرينا !!
الفيصلي انت فعلاً الحصان الاسود لهذا الموسم اذا استمر مستواك على هذا الحال ،،
وفي النهايه نتمنى من مدربنا القدير السيد بسيرو ان يعيد النظر في وضع الفريق قبل لقائه المقبل مع مسقط العماني لأنه مباراة مسقط راح تحدد وبشكل كبير مصيرنا بالمجموعة فياليت يراجع ويعدل اخطاء المباراة ويكون التشكيل في المباراة القادمه منطقي ومعقول ويكون الاعتماد على افضل العناصر الموجوده ،،، |
)..
الوضع العادي
