شيء غريب وعجيب
 

1- شيء غريب يحدث في إدارة من إدارت أحد الوزارات المهمة
ظباط طيارين من نقيب وما فوق يتحدثون اللغة الإنجليزية بكل ركاكة.

2- شركة من شركات التوازن الاقتصادي نصف موظفيها لهم مميزات رائعة من
رواتب وبدلات ضعف رواتب النصف الآخر من الموظفين.

3- شركتين من شركات التوازن الاقتصادي ليست لهما علاقة ببعضهما سوى
أن مدير الشركة الثانية كان مدير الشركة الأولى ومع ذلك فقد منع توظيف
الأشخاص الذين يستقيلون من الشركة الثانية ويتقدمون للتوظيف في الشركة
الأولى فهل هذا من الحسد والحقد المنتشر في المجتمع .

4- ليه كل واحد يحاول يترزق الله ويفتح أي محل سواء محل خضار أو محل
الكترونيات أو مغسلة ملابس إلا ويفتح بجنبه 4 أو 5 محلات بنفس النشاط.

5- من يوقف أطفال حي الريان وحي الربوة أصحاب أجسام البغال وعقول العصافير
عن تصرفاتهم الطفولية من تفحيط وقيادة السيارات بشكل مقرف والله عمري ما
شفت أسوأ من هذه القيادة إلا في الرياض.

6- إلى متى قلة الذوق في القيادة يمسك الخط الأيسر ويمشي على أقل من مهلة
ولا يهمه إللي وراه ويمشي 70 أو 80 كم/ الساعة على الطرق السريعة واللي
يبي ينغث وتحوم كبده يسوق في الدائري يا إخوان حتى الأجانب صاروا يسوون
زيهم.

7- أول مرة أشوف طرق سريعة مثل طريق خريص والدائري وطريق الملك فهد
مزدحم بشكل رهيب ، طريق خريص من الساعة 7 صباحاً إلى ما بعد الظهر
والسرعة القصوى من 10 - 20 كم / الساعة.

8- فيه ناس ملاقيف بشكل مثل واحد قدر الله عليه وبنشرت سيارته على طريق خريص
أظن أن ما فيها شيء لكن الناس ما تخليك في حالك لازم يعطلون السير ويتفرجون
عليه وهو يصلح البنشر .

السلام عليكم.. .

النقاط الاولى والثانيه والثالثه مدري وش ارد بصراحه:rolleyes: .

بالنسبه للباقيات.. .

النقطه الرابعه :
عـاد وش تبيهم يسوون؟؟؟ باب رزق وفتح الله على شخص ليه مايجربون حضهم وفي نفس المكان...أعتقد انه حق مشاع للكل...بس تصرف يقهر.

النقطه الخامسه :
لاتجـيب طاري بزارين حارتنا فاهم;) :rolleyes: , عـاد وش تبيـهم يسـوون فـراغ , وسـيارات , وشـوارع حلـوه!!! .

النقطه السـادسه :
يالله ياودي اكفــخ الشـكل هـذا ويرفع ضغطك بعد اذا صار يكلم بالجوال:mad: .. .

النقطه الـسابعه :
عـاد هـذا شـيء مـاله حـل لو وشو..واصبر الزحمه الصدقيه , اذا فتحوا كليات البنات , كل الرياض تبي تمسك خريص والدائري الشرقي , والله يعين.

النقطه الثـامنه :
هـذولي عد واغلط من كثرهم , لأ وتلقى السايد الثاني موقف ليه؟؟ على شان يشوفون اللي مبنشر!!!!؟؟

تحياتي لك.. .

تعليق : النقطة الخامسة

الله أكبر يعني بس عيال الريان اللي يفحطون ؟؟؟؟؟؟؟

وعيال الحارات الثانية هادين ماشاء الله عليهم ؟؟؟؟؟؟

# هلا جنكيز خان : النقطة السادسة انا معاك انها قلة ذوق ومظهر غير حضاري وتعطيل لإنسيابية وحركة المرور !!!!

# لكن تقول الأجانب صارو يقلدون وكأنك تقصد السعوديين !!!!!! ياخي اكثر من يسوي هالحركة هم الاجانب وخاصة الباكستانيين والهنود ومعهم المصاريه ؟؟؟؟؟