هماك تقول اني امون عليك .... شف وش انا قايلنبك
واللي يبي يضارب يطلعلى بشعيب ابو عوض ...
بس ترى الدعوى عباره ترى الدعوى عباره ..المسأله عباره عن مزح
وترويح عن النفس على قولة اسيروه ..
بسم الله =====>
( j.a.j )
روحـك مـرحة ، وتحـب البساطه والملوخيــه .. واذا تكدر خاطرك وزعلك احد على طول يدهنون سيرك بكلمتين لأنك طيب وحبوب ومخــفه ، واصل دعاباتك
( سعود )
تحس انك مضطهد ومنبوذ وان الناس مطنشينك ،، لكن ولا يهمك اتبع المثل اللي يقول ماكل تطنيشه يتاكل لحمها ، تواجه مشاكل نفسيه بسبب تقديمك في الجامعه عقب صقعة الملف في وجهك الله يعينك القلب داعي لك
( عاشق النمر )
التزليب والركبه هوايتك المحببه والمواعيد عندك الله يخلف لكن فيك ميزه زينه هي انك فزوع عيذك بالله من يوم يامرك احد تقحص كنك مقروص ... يخوي اثقل
( طلال )
انت انسان عاطفي ورومانسي وتحب الهدوء بس ثقفل معك اذا سمعت زعاق البزران والصجه وتسبب بلاوي اذا ركبت رايك وقامت تقودك الجنيه حقتك .
( هاجس )
طبعك حساس ومرهف ، بس اسمح لي كلمة توديك وكلمة ترجعك ، يرحم والديك خل لك كلمة لحالك لا يلعبون عليك الناس
اسعد ايامك يوم الخميس ياحظك مافيه دراسه
( الاسير الهلالي )
تحــب الكشخة والزكرته يعني لا سمح الله لو يوقع ذباب على شماغك على طول فصخته ووديته غسيل مستعجل ،، مع انه المفروض ان الذباب هو اللي يروح يغسل مهوب انت
( هلال الخبر )
انت شخص خفيف عقل قصدي خفيف دم ومرح وفكاهي بس احيانا تجيك مصاله وتستخف دمك في مواقف مال **ها داعي .. انضبط احسن لك . مسلسلك المفضل كعبول ورقم الحظ 2
( فهودي بالانجليزي )
مشكلتك انك راعي نوم بقوه مع انك ما تسوي اي مجهود لا وزياده على سذا تفرم فرم يروع يعني مالك داعي تعيش بصراحه ،، القيلوله تسبب لك احلام مزعجه عليك بالتخلص منها فورا
( ابو طوخ ===> مقتبسه من الاعصار )
انت كسرة في دراستك ، وشكلك كذا يقول انك شلخة آدمي لكن في داخلك انسان ثاني له طموح ( ايه هين بس ) ولا تهتم بالاصوات الحاقده فقط اثبت لهم انك ماجبت خبرهم ولا عندك بهم
( نايف )
تخاف من الليل والظلام وتخاف تنام الحالك لأنه صار لك موقف في الليل يوم يكش عليك القطو الاسود تذكر ؟ المهم حاول استثمار وقتك في لعب السوني وكراش لعل وعسى انك تنسى ذيك الكشـه
:p
;) ;) ;) ;) ;)