فمان الله اودعك
وادعي المولى وين ماكنت يوفقك
يا حلمي الصغير ووطن طفولتي
تذكر ??
جدار البيت اللي وقفنا تحت بابه
والسجادة الحرير
اسمع صوت قلبك ودقاته
واحس برجفة شفاتك
اشتقت لايام الوفى
وحنيت لايام الصبى
بعد ماخنتني سنيني
جيت ادق على بابك
مجروح ومفدور
ادور بر وامان
مرسى وحنان
بردان
تكفى
ابي ريحة وفى
وحضن ودفى
جيت ادق على بابك
ارتجي من يمسح دمعتي
ويداوي جرحي
ويرجع بسمتي
ارتجيك وانا محتريك
ناخذني لدنيا غير هالدنيا
توصلني لدرب مابه صدود
توعدني بوعود مابها انتظار
ودي انام الليل كامل لو مرة
انام واتحرى الفجر ويجي النهار
ابي ليلي يرجع ليل
ونهاري يرد نهار
عيت عيوني السهر
وضاق فيني الانتظار
جيت ادق على بابك
ادور فعيونك السود
اسمي وعنواني
ويمكن القى بعض احلامي
ادور في اوراق الماضي
عن اصلي بعد ماتاهت بي دوربي
وضعت في اوهامي
جيت ادق على بابك
وانا من الزمان اللي مضى
تذكرني??
ما اظن تنساني!!
انا وجهي تركته في احلامك
تذكرني??
انا الليل
انا السهر
انا الحلم الصغير
انا في كل بيت شعر
تذكرني??
ماودي تنساني



<<< بقلم عاشقة الهلال
هاقد عدت لكم يا اعضاء;)