نادي الهلال السعودي - شبكة الزعيم - الموقع الرسمي - •₪• الستـامفـورد بريـدج .. مـن الداخـل •₪•

- المواضيع المتميزة (http://vb.alhilal.com/f56/)

•₪• الستـامفـورد بريـدج .. مـن الداخـل •₪•

صباح / مساء
الورد والخيرات على الجميـع ..

زرنا بريطانيا .. وتحديدا لندن .. وقلنا ياولد دامك وصلت لها .. ليه ما تمر على احد ملاعبها
المشهورة .. رحت لـ ملعب الارسنـال الجديد .. " ملعب الامارات " .. ولـ الاسف ماطلع عنـدهم نظام التور ..
" الجولة " دااخل الملعب ..

فـ رحت لـ الملعب الثاني .. ملعب " خيال " صراحة .. كل شي متوفـّر فيه .. ابراهيموفتش مدلـّـعهم آخر دلـع ..
ماراح احـرق عليكـمـ .. هذي رحلتـي في الملعـب بـ التفصيــل ..

*-*-*-*-*-*-*-*-*-*-*-*-*-*-*-*-*-*-*-*-*

في البداية .. الـ " ميغا ستور " ..
المحل الرسمي لـ الفريق يبيع كللل شي يخص الفريق من تي شيرتات وجزم " يكرم الجميع " ..
وفوط ودي في ديات لـ مشوار الفريق وكلل شي يجي ع البال بـ خصوص تشيلسي ..

http://upload.alhilal.com/img/004/z.jpg

هذي صورته من برا ..

وهنا صورة الممر اللي يدخلك على مبنى الملعب من جوا

http://upload.alhilal.com/img/004/z (1).jpg

بعد مادخلنا على مبنى الملعب .. جلسونا في غرفة ..
فيها مجسم لـ الملعب .. وفيها شعارات النادي من تأسيسه الى الشعار الاخير .. وشاشات لـ الملعب .. بأمكانك تشوف المباراة منها .. الظاهر انها غرفة لـ الحجوزات .. لـ الـ vip او الصحافه .. مو متأكد بالضبط لانهم ما تكلموا عنها ..

وهذي صور لها وللزاوية اللي تطل ع الملعب

http://upload.alhilal.com/img/004/z (2).jpg

http://upload.alhilal.com/img/004/z (6).jpg

وهنا الشعارات

http://upload.alhilal.com/img/004/z (3).jpg
http://upload.alhilal.com/img/004/z (4).jpg
http://upload.alhilal.com/img/004/z (5).jpg

بعدها .. أخذنـا المضيف لـ غرفة " المؤتمرات الصحفية " ..
الغرفة اللي يقومون فيها بالتصاريح والمؤتمرات لـ النادي .. وهو نفسه المكان اللي يكون فيه
التوقيع مع اللاعبين الجدد المنتدبين لـ النادي ..

http://upload.alhilal.com/img/004/z (7).jpg

المكان اللي قاعد فيه .. هو المكان اللي يجلس فيه خوزيه مورينهو ..

- - -

الحين بـ ندخل على غرفة الملابس حقت الضيوف .. Away team
والمضيف اللي يمشينـا تشلساوي متعصب .. قعد ينتـّف في حقين مانشستر وارسنال تنتيف مو طبيعي
يسأل يقول تعرفون من اخر فريق زار هالمكان ؟

جاوبوه وقالو مانشستر .. قال عرفتوا الحين ليه ريحتها كريهه كذا ؟
( وجـه يناظر هلالي موت ) :d

http://upload.alhilal.com/img/004/z (8).jpg

المكان اللي يكون فيه التكتيك والخطة لـ مدرب الفريق الضيف ..

http://upload.alhilal.com/img/004/z (9).jpg

مكان المساج والتدليك ..
على فكرة .. بـ النسبة لـ هالمكان .. سأل المضيف من يعرف اخر شخص جلس على هـ الكرسي ..
قالوله واين روني .. قال عشان كذا اضطرينا نضم الكرسيين لـ بعض :D

ابو حميد موب انا اللي قايل هالكلام .. :D

- - -

الحين غرفة ملابس صاحب الارض " تشيلسي " ..
والله يا ان ابراهيموفتش مدلـّـع لعيبته اخر دلع .. اجل درج كل لاعب فيه تكييف بسيط عشان لبسه
مايحتر .. ولا فيه دروج مخصصه للمجوهرات ودرج للجوال ودرج للمفتاح مع التهوية

http://upload.alhilal.com/img/004/z (10).jpg

تي شيرت شيفا موجود مع القائمة ..

http://upload.alhilal.com/img/004/z (11).jpg

وبالاك بعد ..

http://upload.alhilal.com/img/004/z (12).jpg

وبنفس غرفة الملابس .. فيه تلفزيون مسطح ودي في دي .. ودش يعرض لـ اللعيبة
قناة الام تي في قبل المباريات عشان يوسعون صدورهم ..:d " تراني صادق " هذا الكلام اللي ترجمته من الرجال

http://upload.alhilal.com/img/004/z (13).jpg

صورة الخزنـة اللي اتكلم عنها ..

http://upload.alhilal.com/img/004/z (14).jpg

المساج والتدليك ..

http://upload.alhilal.com/img/004/z (15).jpg

وهذا المطبخ .. اللي حضرموت بكبرها ماتجي قيمة البزبوز بس :D

http://upload.alhilal.com/img/004/z (17).jpg

غرفة التكتيك ..

.. على فكرة ..

يقول لك المضيف خويّنـا ..
ان فيه لاعبين اثنين من الفريق يقعد 10 دقايق الى ربع ساعة كااملة قبل كل مباراة على بال
مايضبط شعيراته بـ الجل والحركات .. وهم تيري ولامبارد ..

وياهو قعـد لـ بيكهام بعد بـ خصوص حركات المظهر قبل المباراة

ويقول ان جون تيري يسوق " بنتلي " [ رولز رايز ] يعني .. ولامبارد استون مارتن ..
وغالاس ومكاليلي مخربينها .. يسوقون مرسيدس ماكلارين .. " الفسقة على الخوال تشطح وااجد "

ويقول اردى لاعب يسوق موتر مااش .. هو كالو .. يسوق ميني كوبر ..
وبعد قال معلومة .. ان ارين روبن ما معه موتر
ويجي النادي ويتنقل بـ " سيكل "
هذا ماتعوّد ع العز .. ولا انه من ربع اللي مايحبون الاسراف ..

- - - -

الحين بـ النسبة لي احلى " بارت " بـ الجولة كلها ..

][ الملعــب ][

http://upload.alhilal.com/img/004/z (18).jpg

الممر اللي يطلعك لـ ارضية الملعب ..
مشغلين لك اصوات .. طبق الاصل من الاصوات اللي يسمعونها اللاعبين وهم داخلين الارضية ..
عاالية جدا ..

صور لـ الملعب ..

http://upload.alhilal.com/img/004/z (22).jpg

http://upload.alhilal.com/img/004/z (20).jpg

سألته .. وقال لي هذا هو الباب اللي سجل فيه ايتو الرأسيه الشهيرة ;)

http://upload.alhilal.com/img/004/z (21).jpg

شاشتين في الملعب ..
كل شاشة فيهم مكلفة " مليون " دولار ..

http://upload.alhilal.com/img/004/z (23).jpg

http://upload.alhilal.com/img/004/z (24).jpg

اللي بالسهم هو مكان مورينهو ..

- - - -

][ المــتــحــف ][

http://upload.alhilal.com/img/004/z (25).jpg

فيـّاالي

http://upload.alhilal.com/img/004/z (26).jpg

وهذي بعض الكؤوس والدروع المعروضه ..

http://upload.alhilal.com/img/004/z (27).jpg

http://upload.alhilal.com/img/004/z (30).jpg

http://upload.alhilal.com/img/004/z (31).jpg

شالات وشعارات

http://upload.alhilal.com/img/004/z (32).jpg

http://upload.alhilal.com/img/004/z (33).jpg

فنيلـة خولييت

http://upload.alhilal.com/img/004/z (28).jpg

الخمااسية الشهيرة

http://upload.alhilal.com/img/004/z (34).jpg

جيانفرانكو زولا

http://upload.alhilal.com/img/004/z (35).jpg

وفي الاخير .. تمثالين من الشمع لـ لامبارد وجون تيري

- - - - - - - -

ختاما ارجو اني وفقـت في تقديم الملعب لـ عشاق البلوز اولا وعشاق المستديرة ثانيا ..
وهـ الموضوع اهـداء لـ الغالي " ابو حميد " و الغالي " بدر " بمناسبـة الاشـراف ع العالمية ..

تقبلوا تحياتي ..

السلام عليكم

أول شي الحمدلله على السلامه يبو حميد .. غبت عننا و وعدتني بموضوع قوووي سيكون من خلاله بدايه عودتك لتميزك السابق .. وهذا انت توفي بوعدك s60s

إقتباس:

فـ رحت لـ الملعب الثاني .. ملعب " خيال " صراحة .. كل شي متوفـّر فيه .. ابراهيموفتش مدلـّـعهم آخر دلـع ..
ماراح احـرق عليكـمـ .. هذي رحلتـي في الملعـب بـ التفصيــل ..

والله لو أنه الاولدترافورد :razz: <<<< بدينا هواش :d .. باين انه تحفه .. واردد للمره المليون .. يا حسره على ملاعبنا :wallbash: متى نتعلم منهم :cry:

إقتباس:

المحل الرسمي لـ الفريق يبيع كللل شي يخص الفريق من تي شيرتات وجزم " يكرم الجميع " ..
وفوط ودي في ديات لـ مشوار الفريق وكلل شي يجي ع البال بـ خصوص تشيلسي ..

اتمنى ان تقوم الانديه السعوديه بهذه الخطوه اللي راح توفر دخل كبير للأنديه .. المحل شكله خباااااااال و صوره لامبارد على الواجهه خيااال s60s

http://upload.alhilal.com/img/004/z%20(1).jpg

يا حول ما عندهم الا صوره كاسين :D .. ابو عابد لا تدف ياخي نمزح :razz:

إقتباس:

بعدها .. أخذنـا المضيف لـ غرفة " المؤتمرات الصحفية " ..
الغرفة اللي يقومون فيها بالتصاريح والمؤتمرات لـ النادي .. وهو نفسه المكان اللي يكون فيه
التوقيع مع اللاعبين الجدد المنتدبين لـ النادي ..

http://upload.alhilal.com/img/004/z%20(7).jpg

من هنا يا شباب يهايط مورينهو ترى :D

الغرفه بسيطه كعاده الانديه الاوروبيه .. يجمعون البساطه بالفخامه وشلون مدري s60s

إقتباس:

والمضيف اللي يمشينـا تشلساوي متعصب .. قعد ينتـّف في حقين مانشستر وارسنال تنتيف مو طبيعي
يسأل يقول تعرفون من اخر فريق زار هالمكان ؟

جاوبوه وقالو مانشستر .. قال عرفتوا الحين ليه ريحتها كريهه كذا ؟
( وجـه يناظر هلالي موت )

آآآآخـ يا محمد لو أنا مكانك .. بسأله سؤال واحد بس .. بقوله كم عدد الفرق بالبطولات بينكم وبينه وبمشي وبخليه :D احسه بيدبجك وقتها :D ويقولك ليه الاحراج :D

من جد فيهم تعصب غير طبيعي :razz: نفس الكلام اللي قاله ابو الريش بموضوعه عن الاولدترافورد .. قعد يذب بحقين ارسنال و تشلسي :D

إقتباس:

مكان المساج والتدليك ..
على فكرة .. بـ النسبة لـ هالمكان .. سأل المضيف من يعرف اخر شخص جلس على هـ الكرسي ..
قالوله واين روني .. قال عشان كذا اضطرينا نضم الكرسيين لـ بعض

ابو حميد موب انا اللي قايل هالكلام ..

قله والله ان جاك روني و عطاك بقس على سبلكس خلفي وقتها تعرف تذب :D .. عاد انا صدقته يمكن لما أصيب بذيك المباراة الله لا يعيدها :sad:

إقتباس:

والله يا ان ابراهيموفتش مدلـّـع لعيبته اخر دلع .. اجل درج كل لاعب فيه تكييف بسيط عشان لبسه
مايحتر .. ولا فيه دروج مخصصه للمجوهرات ودرج للجوال ودرج للمفتاح مع التهوية

ما يسلفونا روسيّهم يومين بس :razz: يقطع شكلة من وين له كل هالكنوز .. اجل يجي شيفا ياخذ فنيلته يلقاها مثلجّه :D يقطع ابو هيك تطور :D

إقتباس:

وبنفس غرفة الملابس .. فيه تلفزيون مسطح ودي في دي .. ودش يعرض لـ اللعيبة
قناة الام تي في قبل المباريات عشان يوسعون صدورهم .. " تراني صادق " هذا الكلام اللي ترجمته من الرجال

آآخ منه هالروسي مفسدهم :D

إقتباس:

وهذا المطبخ .. اللي حضرموت بكبرها ماتجي قيمة البزبوز بس

ههههههههههههههههههههههههههه

يقطع بليسك يا شيخ قسم طحت من قوه الذبه :d

إقتباس:

ان فيه لاعبين اثنين من الفريق يقعد 10 دقايق الى ربع ساعة كااملة قبل كل مباراة على بال
مايضبط شعيراته بـ الجل والحركات .. وهم تيري ولامبارد ..

هههههههههههههههههههههههه .. عاد مهنا ذيك الشعور :D بعدين وين راح دروغبا :D .. اشوف مورينهو مكثر من الخوال بفريقه اثره علشان هالسالفه :D

إقتباس:

ويقول اردى لاعب يسوق موتر مااش .. هو كالو .. يسوق ميني كوبر ..

بكره يجيبله قولين ويفكله الروسي اطلق سياره :razz:

إقتباس:

وبعد قال معلومة .. ان ارين روبن ما معه موتر
ويجي النادي ويتنقل بـ " سيكل "
هذا ماتعوّد ع العز .. ولا انه من ربع اللي مايحبون الاسراف ..

الله من القعاطه عند الهولنديين وانا اخوك :D

http://upload.alhilal.com/img/004/z%20(27).jpg

كؤوسهم وراها مصديّه كذا :D .. تحس انها من أمهات خمسين ريال وانت نازل :D .. بس شكلهم بيبلشون بالكؤوس .. تشلسي فريق قاادم لا محاله لحصد الكثير منها :) بس ان شاء الله بعيده عنهم :D

إقتباس:

ختاما ارجو اني وفقـت في تقديم الملعب لـ عشاق البلوز اولا وعشاق المستديرة ثانيا ..
وهـ الموضوع اهـداء لـ الغالي " ابو حميد " و الغالي " بدر " بمناسبـة الاشـراف ع العالمية ..

ربي يسلمك يا غالي .. اجمل هديّه والله .. و الأجمل منها هي عودتك لنا بهذا الموضوع التحفه و الرااائع s60s .. و يالله يبو حميد ورانا موسم شااق وتغطيات واجده :d شد حيلك :D

ببساطه .. ما توقعت ملعب الستامفورد بريدج بهالروعه s60s ولا يزعلون علينا مشجعين تشلسي تراني أمزح s60s .. عوافي ابو حميد .

تثبيت + نسخه للمميزه :) .. وهذا أقل ما يستحقه s60s

فـ مان الله ,.,.,

مجهود رائع .. جهد جبار .. تسلم أخوي ..

المنتدى ما يزال فيه أعضاء متميزين بـ الفعل;) .. و يجيبون الجديد لـ أعضاء المنتدى الغالينs60s ..

إقتباس:

الرسالة الأصلية كتبت بواسطة 10Ronaldinho10

http://upload.alhilal.com/img/004/z (23).jpg

آآآآآآه ليتني معكم .. كان وطيت الملعب رايح جاي <==== حقد عليه من الكلام اللي قاله عن عمانه المان :d ..

روووعه ..

يعطيك العافيه...

وموضوع مثل هذا يستحق شرائه قبل تثبيته ..

بصراحه وفقت في تغطيتك الرائعه ...

السلام عليكم

الله يـعطيك العافيـه على هالجوله هذي ؛ والصور والرائعـــه لمملـكه الستـامفورد بريـدج . .

ونحــن كأعضاء لرابطـه تشيلسي نقدم لـك كل الشكــر والأئمتنان

تحيــاتي لك ؛

إبـــــــــــــــداع عنــــــــوانــــــــه Ronaldinho10

الـــف شكــــر اخـــوي علـــى المجهـــود الأكثــــر مــــن رائــــــع

http://upload.alhilal.com/img/004/z%20(10).jpg

يالبـــــــى قلبــــــــــــك ;)

http://upload.alhilal.com/img/004/z%20(35).jpg

انتــم تستـــاهلـــون تمثـــال علـــى دوار بوســـــط لنـــدن مــو بالنـــادي بـــس s60s

مشكوووووووووووووووور على الموضوع الي اقل ما ينقال عنه رائعة

إقتباس:

ان ارين روبن ما معه موتر
ويجي النادي ويتنقل بـ " سيكل "
هذا ماتعوّد ع العز .. ولا انه من ربع اللي مايحبون الاسراف

بس للمعلومة المضيف الي قالك الكلام هاذا يذب على روبين لأنه هولندي والهولندين معروفين بأن وسيلة التنقل الأول عندهم هي السيكل

السلام عليكم

أول شي ألف الحمد لله على السلامة محمد بعد الرجعة من بلاد الكفرة :d

حقيقة .. موضوع عادي جدا ولا أرى داعي حتى لتثبيته ;) <<< متى آخر مرة انجلدت أقول :d :d

الصراحة ماتوقعت الموضوع زي كذا حمودي :) موضوع حقيقة أقل مايقال عنه مميز الى أبعد درجة .. تسلم ايديك يالغالي ..

الله يعطيك ألف عافية محمد على هالموضوع .. عقبال الكامب نو عاد .. :) << لاتنسانى عاد :d

الا تعال .. وين القيفيت اللي مواعدني تجيبها لي .. صرف هاه :D

الصراحة لو بقعد أقتبس من كلامك كان ماخلصت .. :)

لكن موضوع متعوب عليه ..

إقتباس:

الرسالة الأصلية كتبت بواسطة $$أبو__صالح$$

مشكوووووووووووووووور على الموضوع الي اقل ما ينقال عنه رائعة

بس للمعلومة المضيف الي قالك الكلام هاذا يذب على روبين لأنه هولندي والهولندين معروفين بأن وسيلة التنقل الأول عندهم هي السيكل

العفــوو ..

للمعلوميـة ياغالـي ..
هو ذكـر هـ الكلام .. وقال انه فعلا يتطبـع بـ عادة الهولنديين .. ويجي بـ سيكل لـ النادي ..
وكلامـه بالحرف ( سأل الزوار .. من تتوقعون اللاعب اللي يجي للنادي بدون سيارة .. ويجي بـ سيكل رغم الملايين ..
قالو اكيد الهولندي .. روبن .. لان هذي اطباعهم ..قال فعلا :)

موضوع رائع وجهد جبار وتعليقات ولا اروع
وكننا والله دخلنا الستانفورد بريدج
بس والله شكل الي معكم منسم منتهي ومتعصب
ليتني معكم ياشيخ<<<<<<<والله ما قصرت يارونالدينو حطينا بالصورة يالغالي
ولاتحرمنا من ابداعاتك رونالدينوو

تحياتي

الله يعطيك الف عافيه .. :)

بصراحه موضوع كامل ومُتكامل من جميع النواحي .. :)

صور رائعه وتعليقات أروع و أروع .. :)

سلمت يمينك أخي / 10Ronaldinho10 .. :)

تحياتي لك ,’,’,’

http://upload.alhilal.com/img/004/z%20(8).jpg

يلبى خشتك ياسحابة وله قصدي يارونالدينو خخخخخخخخخخ

http://upload.alhilal.com/img/004/z%20(28).jpg

مستانسين بالخمسه ولا وش قصتهم غرريبه !

عـ العموم مشكور يالغالي وتراني معلق هناك أكثرر

سلاام

اول شي الحمد لله على سلامتك يابو حميد

ثاني شي الموضوع توحفففففففففه :thumbup:

إقتباس:

الرسالة الأصلية كتبت بواسطة 10Ronaldinho10

فـ رحت لـ الملعب الثاني .. ملعب " خيال " صراحة .. كل شي متوفـّر فيه .. ابراهيموفتش مدلـّـعهم آخر دلـع ..

بلاه والله ضرب الملايين وراه مايدلعهم :D

إقتباس:

الرسالة الأصلية كتبت بواسطة 10Ronaldinho10

في البداية .. الـ " ميغا ستور " ..
المحل الرسمي لـ الفريق يبيع كللل شي يخص الفريق من تي شيرتات وجزم " يكرم الجميع " ..
وفوط ودي في ديات لـ مشوار الفريق وكلل شي يجي ع البال بـ خصوص تشيلسي ..

لو ادخله حملت كل شي يخص شيفا وطلعت :cry:

إقتباس:

الرسالة الأصلية كتبت بواسطة 10Ronaldinho10

http://upload.alhilal.com/img/004/z (7).jpg
المكان اللي قاعد فيه .. هو المكان اللي يجلس فيه خوزيه مورينهو ..

والله من المهاوش اللي يصير بذا الغرفه الله يعينهم عليه :d

- - -

إقتباس:

الرسالة الأصلية كتبت بواسطة 10Ronaldinho10

والمضيف اللي يمشينـا تشلساوي متعصب .. قعد ينتـّف في حقين مانشستر وارسنال تنتيف مو طبيعي
يسأل يقول تعرفون من اخر فريق زار هالمكان ؟
جاوبوه وقالو مانشستر .. قال عرفتوا الحين ليه ريحتها كريهه كذا ؟

يلعن ابو الذبه الاليمه :D

إقتباس:

الرسالة الأصلية كتبت بواسطة 10Ronaldinho10

مكان المساج والتدليك ..
على فكرة .. بـ النسبة لـ هالمكان .. سأل المضيف من يعرف اخر شخص جلس على هـ الكرسي ..
قالوله واين روني .. قال عشان كذا اضطرينا نضم الكرسيين لـ بعض :D

محدن سلم من شره ذا المضيف :laugh:

إقتباس:

الرسالة الأصلية كتبت بواسطة 10Ronaldinho10

الحين غرفة ملابس صاحب الارض " تشيلسي " ..
والله يا ان ابراهيموفتش مدلـّـع لعيبته اخر دلع .. اجل درج كل لاعب فيه تكييف بسيط عشان لبسه
مايحتر .. ولا فيه دروج مخصصه للمجوهرات ودرج للجوال ودرج للمفتاح مع التهوية

يارجال انا غرفتي مافيها مكيَف وهالروسي حتى الدروج فيها مكيفات

ايييييه :d

إقتباس:

الرسالة الأصلية كتبت بواسطة 10Ronaldinho10

http://upload.alhilal.com/img/004/z (10).jpg
تي شيرت شيفا موجود مع القائمة ..

يااااااااااابعدهم والله ياشيفا

إقتباس:

الرسالة الأصلية كتبت بواسطة 10Ronaldinho10

http://upload.alhilal.com/img/004/z (12).jpg

وبنفس غرفة الملابس .. فيه تلفزيون مسطح ودي في دي .. ودش يعرض لـ اللعيبة
قناة الام تي في قبل المباريات عشان يوسعون صدورهم ..:d " تراني صادق " هذا الكلام اللي ترجمته من الرجال

عشان كذا الواحد لادخل الملعب يدخل وهو مبسوط وفالها

اثر شايفن التمرقص والتسدح قبل يدخل :razz:

إقتباس:

الرسالة الأصلية كتبت بواسطة 10Ronaldinho10

http://upload.alhilal.com/img/004/z (15).jpg
وهذا المطبخ .. اللي حضرموت بكبرها ماتجي قيمة البزبوز بس :D

لايسمعك موراتي حق الانتر همن يحقد عليك :D

إقتباس:

الرسالة الأصلية كتبت بواسطة 10Ronaldinho10

ويقول ان جون تيري يسوق " بنتلي " [ رولز رايز ] يعني .. ولامبارد استون مارتن ..
وغالاس ومكاليلي مخربينها .. يسوقون مرسيدس ماكلارين .. " الفسقة على الخوال تشطح وااجد "

اشهد انها فسقه ماعقبها فسقه يامحمد

مهوب لاعبينا على ايكو وكورلا :laugh:

إقتباس:

الرسالة الأصلية كتبت بواسطة 10Ronaldinho10

مابقى الا يذب على ابراموفيتش :thumbup:

إقتباس:

الرسالة الأصلية كتبت بواسطة 10Ronaldinho10

الحين بـ النسبة لي احلى " بارت " بـ الجولة كلها ..

][ الملعــب ][
http://upload.alhilal.com/img/004/z (18).jpg
الممر اللي يطلعك لـ ارضية الملعب ..
مشغلين لك اصوات .. طبق الاصل من الاصوات اللي يسمعونها اللاعبين وهم داخلين الارضية ..
عاالية جدا ..

يعني نفس دعاية سعد الذابح حقت موبايلي << اطلع برااا :D

إقتباس:

الرسالة الأصلية كتبت بواسطة 10Ronaldinho10

http://upload.alhilal.com/img/004/z (20).jpg
سألته .. وقال لي هذا هو الباب اللي سجل فيه ايتو الرأسيه الشهيرة ;)

ياكايدهم يالخال :thumbup:

إقتباس:

الرسالة الأصلية كتبت بواسطة 10Ronaldinho10

وهذي بعض الكؤوس والدروع المعروضه ..
http://upload.alhilal.com/img/004/z (27).jpg
http://upload.alhilal.com/img/004/z (30).jpg
http://upload.alhilal.com/img/004/z (31).jpg

وش ذا الكؤوس المصديه ..

الظاهر كؤوس حواري << بيحقد عليه اسير الزعيم :clap:

إقتباس:

الرسالة الأصلية كتبت بواسطة 10Ronaldinho10

بدون مجامله يابو حميد الموضوع اكثر من رائع حسيت اني معك في هالجوله

وان تسان به غيرها لاتبخل علينا وسع صدورنا بمثل هالمواضيع

الله يعطيك الف عافية

الحمد لله على السلامة :d

وموضوع الحقيقة روعة روعة روعة

وننتظر احد يروح للسان سيرو :d

مشكور وما تقصر ويستاهل التثبيت :)

ماشاء الله تبارك الله .. صراحه الملعب خيال من جد

والتغطيه ولا احلا تصدقون خشيت جو احسبني اللي داخل

>> فقشه أليمممه .. لووووووووووووووول

وزي ماقال شيفا قاهر الحراس نبي نشوف السان سيرو

ونبي تقرير عنه اذا بالاماكن يعني

ولا هنتوا حبايبي

بانتظار جديدكم

== فورزا ميلانو ==