يعطيك العافيه مقدر

نصائح جميله ومفيده وبالتوفيق لطلاب والطالبات

دائمآ مميز مقدر

لاهنت اخووووي

مشكور على النصائح وبالتوفيق للجميع

إقتباس اي 20 يوم يا اخوي انا دراستي بتدأ اليوم انتم بعد 20 يوم الله يخلف عليكم بس

هلا بالنادر ياخوي شد حيلك

إقتباس اففففففف الله يعين على ضيقة الصدر.....

لحول ضيقة صدر مره وحده

إقتباس انا متضايق من قرب المدرسه ولو على كيفي الغيت الدراسه هههههههه

هههههههههههههههههههههههه

والله ونعم الجيل القادم ولازم تشد الحيل

إقتباس هالحين أنت وشوله جبت طاري المدرسه ,, على قول المصاريه ( إذا طريت القط جاك ينط ),, الله يعين على الشقى بس ,, أنا عن نفسي ماجهزت ولا شي للمدرسه <<عجازه ما أسوي شي الا بالوقت الضايع ,,

يابنت الحلال الدراسه جايه جايه وما باليد حيله اختي مملوحه

إقتباس 20 يوم باقي على الهم يلا هذي أخر سنه لي بالثانوي <<< يا حرام الولد بـ ثالث ثانوي كان أجلت موضوعك لسنه القادمه .. علشان أدخل الموضوع وأقووول يــا حــرام قربت المدارس دمت بحفظ الرحمن

عاد شد حيلك وانا اخوك

إقتباس مساكين طيب العاطل وش يسوي ?!

ههههههههههههههههههههههههههه

العاطل يقشر بصل

إقتباس ياهلا والله باخوي مقدر وين الغيبات > مايعرف يدخل بالموضوع اجل تقول باقي 20 يوم ع العطله وتنتهي والله توني ادري وزاد وانا اقول المكتبه امس مليانه اثر المدرسه قربت >> احسب فيه تخفيض ودخلت >> امزح الله يعين اجل وبالتوفيق لــ ابنائنا الطلاب امزح >> بالتوفيق ان شاء الله لــ اخويانا الطلاب والله يعينكم ان شاء الله ع الغثاء وضيقة الصدر والهم والغم اما اللي في ثالث ولا ثاني ثانوي كلها واحد بالتوفيق لهم ان شاء الله طيب انا عندي نصيحه لك اخوي من اخوك الصغير لاتكتب باللوان تعمي العيون

والله عاد طولنا الغيبه بسبة ظروووف اخوي الغالي

والله العظيم اني داخل المكتبه قبل كم يوووم وقعدت اضحك على الطلبه

واما بالنسبه للون من عيوني كل ماتامر عليه


QUOTE=]اشوف شباب المنتدى كلهم زيي .. ثالث

الله يعين بــس ..

والله شايل هم هـ الثالث من بداية الاجازه < < مسوي دافور وهو من جمبهآ

بس ادعولنآ بالتوفيق ..

وبعدين يقولون ان الفصل الثآني من السنه هذي بيكون اطوول ترم مرّ ع التآريخ السعودي .. يعني حبكت تجي في آخر سنه لي

مشكوور ابو ليونة ع النصآيح وان شاء الله نحآول نطبقهآ مع ان مآ فيه آمل خصوصآ الثآنيه

وبالتوفيق لنا ولـ ثاني [/QUOTE]

صدقني نايف والله بظل ادعيلكم مثل مادعي لأخواني

الله يعين على الدراسه وهمها وغثاها وتعبها ونكدها وضيقة الصدر فيها ..

لا والأسوأ من هــذا أننا بـ ندرس في رمضاااان ..

خلونا على الأقل نتفرغ للعبادة والصيام وقراءة القرآن ..

الإجازهـ الصيفيه خوذوا منها شهر بس عطونا إجازهـ في رمضـــان ..

الله يعين الجميع وخاصه طلاب الثانوي .. طلاب ثااااالث ثانوي ..

أعانكم الله على الإختبارات ..

ومع بداية الإختبارات أشتروا 10 أقلام عشان كل يوم بعد الإختبار تكسرون قلم ..

بالنسبه لي كسرت 8 أقلام بس .. لأن إختبار الأحياء الله يذكرهـ بالخير بدعت فيه رغم أني كنت طول اليوم اللي قبل الإختبار ناااايم ..

لا .. والوزارهـ الحين يبون يبدون بالتراكمي .. يعني تعقيد أفضــل لضمان زيادة البطاله ..

آآآآآخ بس لو أصير وزير التربيه والتعليم ..

أول شي أسويه أشيل نظام التراكمي ..والدرجه بـ 6 والدرجه بـ 4 .. والغثى هـــذا

يقولون أنهم بيخلون الإبتدائي بدون إختبارات يعني تقويم مستمر إلى سادس إبتدائي ..

وأنا أتمنى أنه يصير هالشي .. لأنه بيريح عوائل كثير أولهم عائلتنا ...

طلاب ثااااااااااالث شدوا حيلكم آخر سنه ..

أنا كانوا يقولون لي كذا وأقول إن شاء الله .. يصير خير .. لا توصون حريص .....إلخ

أهم شي الشباب جهزوا نفسكم لـ الحش ببعض بعد كل إختبار والفطور عند أقرب كافتيريا ..

أما البنات .. أهم شي 100 منديل مزدوج وياليت يكون كلينكس ..

لأن أغلب البنات تكرف عيونه بالإختبار وترجع للبيت تلقى عيونه (متجرحه) نوعًا ما ..

حبيت أسولف عليكم شوي وأقول اللي بخاطري ..

إقتباس الرسالة الأصلية كتبت بواسطة رعبوبة الزعيم ونقهر وزاره المعارف

كح كح ..
وزارة الـ وشو

رعبوبه الظاهر يبيلك (تحديث)

صار أسمها وزارة التربيه والتعليم ..

مقدر الهلال .. يعطيك العافيه

أخوك (الجامعي) حديثـًا <<<مبسوط

طلاب الثانوي ..

تراهـ أنا 12 سنه من الدراسه .. يعني خبرهـ ..

اللي عندهـ اي سؤال أو أي شي لا يتردد


وهذا التقويم للعام الدراسي الجديــد ..

,,,,,,, الموضوع التاريخ الهجري التاريخ الميلادي ,,,,,,,
1 بداية الدراسة للفصل الأول يوم السبت 16/8/1427هـ 9/9 /2006
2 اليوم الوطني للملكة العربية السعودية السبت 30/8/1427هـ 23/9/2006
3 بداية إجازة عيد الفطر المبارك نهاية دوام يوم الثلاثاء 24/9/1427هـ 17/10/ 2006
4 بداية الدراسة بعد إجازة عيد الفطر يوم السبت 6/10/1427هـ 28/10 /2006
5 بداية إجازة عيد الأضحى نهاية دوام يوم الإثنين 4/12/1427هـ 25/12 /2006
6 بداية الدراسة بعد إجازة عيد الأضحى يوم السبت 16/12/1427هـ 6/1 /2007
7 بداية اختبار الفصل الأول يوم السبت 8/1/1428هـ 27 /1/2007
8 بداية إجازة منتصف العام نهاية دوام يوم الأربعاء 19/1/1428هـ 7/2 /2007
9 بداية الدراسة للفصل الدراسي الثاني يوم السبت 29/1/1428هـ 17/2 /2007
10 بداية اختبار الفصل الثاني يوم السبت 23 /5/1428هـ 9/6 /2007
11 بداية إجازة نهاية العام للطلاب نهاية دوام يوم الأربعاء 5/6/1428هـ 20/6/ 2007
12 بداية إجازة المعلمين بنهاية دوام الأربعاء 12/ 6/ 1428هـ 27 /6/ 2007
13 عودة المعلمين يوم السبت 5/8/1428هـ 18/8 /2007
14 بداية اختبارات الدور الثاني يوم الإثنين 7/8/1428هـ 20/8/ 2007
15 بداية العام الدراسي 1428/1429هـ يوم السبت 26/8/1428هـ 8/9/2007


لاحظوا أن يوم 30/8 ويوافق يوم السبت فيه يوم وطني ..
يعني وناسه :p


والسلاااااااام خير ختام

مشكور على النصائح