آآآآآآه يافهد المفرج ..........؟؟ - نادي الهلال السعودي - شبكة الزعيم

هلالي وشقاوي · #1 21/08/2006, 10:56 AM

بسم الله الرحمن الرحيم
آآآآه يافهد المفرج لاأعرف لماذا انت محارب من قبل الجمهور الهلالي والله لو علموا مافي قلبك من حب للزعيم لما تجرأ أحد على الكلام
آآآآآآآآه يافهد لو علمت الجمهور عن أخلاقك داخل الملعب وخارجه لما استطاع أحد أن يتلفط عليك .
آآآآآآآآه لو علم الجمهور كم من مرة شج رأسك من أجل إنقاذ الزعيم لعرفوا من أنت .
آآآآآآآه لو شاهدوك أثناء التمارين وأنت أول شخص يطمئن على المصابين ويجلس معهم وآخر من يغادر النادي لقطعن ألسنتهم .
لماذا عندما ينقض فهد المفرج الهلال من أهداف محققه لايتكلمون عنك وعندما تخطي في مباراة رموا أسلحتهم عليك .

بالعقل والمنطق منذ حضور السيد باكيتا المدرب الحالي للمنتخب وأنت لاعب أساسي كم مره أخطأ وكم مره نجحت في إنقاذ الزعيم ....؟؟
هل المدربين ماتارونا وآآديمووس وبكيتا وكندينيو وكليبر لايفقهون في عالم الكوره حتى يضعوك في القائمه ...؟؟؟؟؟؟

ثم إذا كان باكيتا مدرب الهلال سابقا لموسمين يلعب بفهد المفرج أساسيا ثم يتم ضم اللاعب أحمد خليل للمنتخب وبكيتا من وضعه إحتايطيا لفهد وبكيتا من يضم أحمد خليل فما معنى ذلك .....؟
يامن تحارب فهد هل فهد قاتل أحد أبويك

لماذا يحرم من المنتخب ........؟؟
ولنا في كأس العالم عبره ياأيها الجمهور ومع اللاعب الفلته لاعب الغفله رضا تكر ......,

في الصميم (( فهد المفرج لاتلتفت الى أعين الحاقدين فنحن من محبيك وأنت نجم النجوم ويكفينا منك روحك القتاليه في الملعب ))
<< ذكروا أنك تسببت في ضربة جزاء في ذلك النهائي ولم يذكروا من كان السبب في الهدفين .....؟ >>

الهلال&يوفنتوس · #2 21/08/2006, 11:33 AM

ما ادري ليه يبون يتنسق

والله الاعب قام بلي عليه
تحاسبونه على غلطه وحده

اتمنى بقائه بالهلال

حبيبcom · #3 21/08/2006, 12:15 PM

كلام سليم .. فهد المفرج .. من أفضل المدافعين السعوديين ..

وكل واحد يخطي ..اخطاءه قليله ..

قائد فدائيين سامي · #4 21/08/2006, 12:15 PM

صدقوني يازعماء لايغركم مثل كاتبي مثل هذه المواضيع لاني اقطع يدي من هنا اذا ماكانوا يقربون للمفرج او من ربعه

الحين اغلب جماهير الهلال تقريبا 85% يقول فهد المفرج فاشل فاشل لابعد الحدود

ومايعرف حتى يركض موب عاد يلعب والاخوان جاين يقولون لاللتنسيق اوكي انا معكم

لاللتنسيق ولكن ينقل الى مسجد النادي كأمام او مؤذن وصدقوني اني مااستهبل ولكن

الله يجزاه خير ويهدينا مثل ماهداه ويثبته بس هذا المكان المناسب ....

LBa your heart · #5 21/08/2006, 12:22 PM

إقتباس

الرسالة الأصلية كتبت بواسطة قائد فدائيين سامي


	صدقوني يازعماء لايغركم مثل كاتبي مثل هذه المواضيع لاني اقطع يدي من هنا اذا ماكانوا يقربون للمفرج او من ربعه الحين اغلب جماهير الهلال تقريبا 85% يقول فهد المفرج فاشل فاشل لابعد الحدود ومايعرف حتى يركض موب عاد يلعب والاخوان جاين يقولون لاللتنسيق اوكي انا معكم لاللتنسيق ولكن ينقل الى مسجد النادي كأمام او مؤذن وصدقوني اني مااستهبل ولكن الله يجزاه خير ويهدينا مثل ماهداه ويثبته بس هذا المكان المناسب ....

وانت نخليك حارس لبوابة النادي شراييك

ياشييخ طير بس

فهد المفرج أخطى

وسامي أخطى

ونواف أخطى

والشلهوب أخطى

وغيره وغيره

كل لاعب وله أخطائه

لاحد ينقز لي الحيين ويقول ان سامي مااخطى ولا نواف

فهد المفرج بيقعد بالهلال غصب عنكم

<---عصبي صح ؟!

((عاشق الزعيم)) · #6 21/08/2006, 12:26 PM

ياشباب أنا أقول سوى اللي عليه عاد يعطي فرصة للمرشدي والله اللاعب بينفع الهلال
أصبروا عليه, والمفرج كبر في السن يمكن الحين عمر30

هلالي وشقاوي · #7 21/08/2006, 12:35 PM

[quote=قائد فدائيين سامي]

صدقوني يازعماء لايغركم مثل كاتبي مثل هذه المواضيع لاني اقطع يدي من هنا اذا ماكانوا يقربون للمفرج او من ربعه

أي نقرب له أو من ربعه شكلك مازعك المفرج بالكوره وحاقد يازجالوا السعوديه

قائد فدائيين سامي · #8 21/08/2006, 12:41 PM

ماقلت لكم انهم يقربون له شوفوا وشلون اكلوني على سالفة مؤذن النادي

ياليتني حارس النادي وبواب ياشيخ اقوى جربعه للمفرج من يوم يقبل

بالعجرا على راسه اكمل على العمليات اللي في دميجته ...

falcon1515 · #9 21/08/2006, 01:07 PM

والله شف يالحبيب المفرج لاعب مجتهد ومخلص وهذه حقيقة مافيه اي غبار لكن الواقع يقول انه لاعب ينكب في المباريات النهائية ومستواه عااااادي جدا ......... ولا ينفع النادي ابدا وهناك لاعبين افضل منه وشف احمد خليل مع انه لاعب عادي لكن افضل من المفرج بمراحل ........ االامور الاخرى من ناحية الاخلاق والدين فهو الله يجزاه خير راااائع ...

تحياتي

ابو زيد الهلالي 9 · #10 21/08/2006, 01:19 PM

إقتباس

الرسالة الأصلية كتبت بواسطة الهلال&يوفنتوس


	ما ادري ليه يبون يتنسق والله الاعب قام بلي عليه تحاسبونه على غلطه وحده اتمنى بقائه بالهلال

ولكن انت طالبت بتنسيقه في احد ردك على موضوع يتعلق به...

فهد المفرج ...انظباط في التمارين ... الروح الرياضيه العاليه... عدم وجود اي خلافات له مع اللاعبين او المدربين..

تحياتي لكم

maj2002 · #11 21/08/2006, 01:23 PM

والله شف يالحبيب المفرج لاعب مجتهد ومخلص وهذه حقيقة مافيه اي غبار لكن الواقع يقول انه لاعب ينكب في المباريات النهائية ومستواه عااااادي جدا ......... ولا ينفع النادي ابدا وهناك لاعبين افضل منه وشف احمد خليل مع انه لاعب عادي لكن افضل من المفرج بمراحل ........ االامور الاخرى من ناحية الاخلاق والدين فهو الله يجزاه خير راااائع ...

تحياتي
8
8
8
صح كلامك وهو واضح انه لاعب اقل من العادي وبكثير بعد ولاعب الواسطه المفضوح ههههههههههه والدليل ان باكيتا مقتنع باحمد خليل اكثر منه ومن قبل اصابه المفرج وهو مستدعي الاحتياط بنادي الهلال وتارك اللي ملعبه اساسي

وانا بالنسبه لي ما لي شغل بأخلاقه

اخلاقه له انا ما يهمني الا واحد يأدي دوره تمام وفهد ما له ومال الكووره بصراحه واخلاقه ما اقول فيها شي توب بس الله يهديه ويبعده عن الكوره احسن له

أبو المها · #12 21/08/2006, 01:24 PM

لا و الله فهد المفرج أفضل مدافع سعودي بالفترة هذي ..

يا ناس هذا لاعب فدائي .. و الله لاعب رهيب ..

و ان كان يخطئ .. كل اللاعبين يخطون مو بس هو

عادل الروضة · #13 21/08/2006, 01:31 PM

إقتباس

الرسالة الأصلية كتبت بواسطة قائد فدائيين سامي


	صدقوني يازعماء لايغركم مثل كاتبي مثل هذه المواضيع لاني اقطع يدي من هنا اذا ماكانوا يقربون للمفرج او من ربعه الحين اغلب جماهير الهلال تقريبا 85% يقول فهد المفرج فاشل فاشل لابعد الحدود ومايعرف حتى يركض موب عاد يلعب والاخوان جاين يقولون لاللتنسيق اوكي انا معكم لاللتنسيق ولكن ينقل الى مسجد النادي كأمام او مؤذن وصدقوني اني مااستهبل ولكن الله يجزاه خير ويهدينا مثل ماهداه ويثبته بس هذا المكان المناسب ....

والله معك حق ليش مايعطووون المرشدي فرصة وتبي الجد المدرب مبسوووط من المرشدي ولاعليكم خوووف

جحفاني · #14 21/08/2006, 01:42 PM

الله يكتب الي فيه الخير

كيف نعيش بلا ياسر · #15 21/08/2006, 01:46 PM

يكفي انا فهد المفرج يعطي كل اللي عنده في المباراه