|
لو سمحت ما شفت بنت لابسه... بسم الله الرحمن الرحيم السلام عليكم ورحمه الله وبركاته احبتي الاعضاء والعضوات قد جات لكم اليوم لانبهكم بامر خطير يحدث في دولتنا الحبيبه هو خطر على فلذات اكابدنا نعم خطر على صغارنا ففي هذا العصر تحدث امور يشيب لها الراس ويصاب اصحابها بالجنون انه امر يتسبب فيه بالغالب ...امهات فقدوا معنى الامومه صحيح ذلك ان الام حريصه على هذا الشيء واحرص الناس عليه هذا الذي ساتكلم عنه ما يحدث في اسوقنا ومتاجرنا في مملكتنا الحبيبه وما تسببه الام في تقصير لاطفالها الصغار ساتحدث لكم عن قصه يرويها لي صديق اثق به ففي احد الايام اتصلت وقلت له اريد ان اراك اليوم فوافق وذهبنا الى مجمع الراشد في الخبر وونحن هناك مر عليه شريط الذكريات فاخبرني بقصه انها قصه محزنه يقول لي في احد الايام وبعد صلاه العشاء مباشره ذهبت الى مجمع الراشد لاخذ قهوه من هناك وذلك لتغير الجو والترفيه عن النفس ذهبت وبعد ان شربت قهوتي ذهبت لاتجول قليلا وابحث عن بعض الملابس وهو يتجول وجد طفل صغير يبكي ....وجده وحيدا ...يقول ذهبت اليه وسالته ما بك فعلم من من الطفل بانه تائه فاخذ الطفل وبدا يبحث عن امه (قد ياتي سائل ويسئل لم لم ياخذه الى الامن ليبلغ عن الطفل ؟قد سالته هذا السؤال فاجاب لقد تعلق بي الطفل واستامنني ولم ارد ان اتركه ) واستمر في البحث وبعد ساعتان ونصف وجد ام الطفل في احد المحلات وهي تتفاوض مع البائع وجدها وسئلها اهذا ابنك فقالت معم انه ابني فقال لها وهو غاضب اتعلمين كم من الوقت كان معي فقالت ربما انها دقائق خمس فقال لها اتقي الله ان طفلك بقي معي لـساعتان ونصف وانت تقولين خمس دقائق لم هذا الاهمال اين حرص الام على طفلها فقال لها اذا كنت لن تهتمي بطفلك ولن تراقبيه فجعليه في البيت اامن له انتهى وبعدها بايام ذهبت انا الى احد الاسواق ووجد امراه تسير وكانها تائه...تلتفت يمنه ويسره..تمشي تاره ببطاء وتسرع تاره.. وبعد فتره اقتربت من شخص قريب مني وسالته بصوت حزين مزج بالبكاء الخافت وقالت لو سمحت ما شفت بنت صغيره لابسه....فقال لا واكملت طريقها وبحثها حزنت لامرها ولم يكن بيدي سوى الدعاء لها وبعد ساعتان او اكثر سمعت نداء يفيد بوجود طفله ضائه تبحث عن امها فحمدا لله قد عادت هذه الطفله الى امه قفله.....واستغراب ......وتوجيه.... احبتي الاعضاء كلنا علمنا بما حدث للطفله الابتهال وكيف عان اهلها فبضل الله عادت لاهلها ولكن بعد فتره من الزمن حمدا لله على عودتها وهناك الكثير لم يعودوا فلم هذا التقصير من الاهل؟؟ اهل هذا يرضي الله؟؟ اليس من حقوق الطفل ان يراقب من قبل اهله؟؟ ارجو من جميع الامهات ان ينتبهوا لابنائهم واطفالهم فهم فلذات اكبادنا وزهره حيتنا وان نتاخذ الحيطه قبل ان يحدث مالا يحمد عقباه تشـــــــــــــــــــــــــــــاو |
// \\ المُشكـلة أننا في زمنٍ .. يشيبُ منهُ الرأس ..! الخطر من كلِ ناحيةٍ يُحاصرنا .. والمفاسدُ تعجُ في مُحيطنا ..! والأهل في غفلة ..! الفضائيات / ألعاب الحاسوب / ......................!! جميعها في أيدي أطفالنا .. بلا حسيـبٍ ولا رقيـب ..! والأدهى .. أن الأهل هم من يشترون ذلك ويسلمونهُ لأبنـائهم ..! رغم أن الأبنـاء .. أمانةٌ في أعناقِ الوالـدين .. وهم مسؤولون أمام الله عنها ..! ولكن .. لا حيـاة لِمـن تنادي ..! الدُنيا .. بمُغرياتها وشهواتها .. ألهت الأهل عن مراقبةِ الأطفال ..! ولكن إذا وقـع الفأس في الرأس .. بالتأكيد سيحلُ الندم ضيفاً ..! لكن .. لا أعتقدُ بأنهُ سيُغيرُ شيئاً .. حتى الأهل .. سيكونُ ندمهم فترة وتنتهي ..! ومُتأكدةً بأن نفس الأمر أو شبيهه .. سيحـصلُ مع الابنِ الثاني ..! الأمرٌ عظيم .. ولا أعتقدُ بأن كلماتي هُنا .. ســتشرحُ ما في قلبي وتُوضحه ..! هدى الله الجميـع ..!! // \\ فاضلي .. لك كل الشكر ..! طرحٌ رائع ..! |
جزاك الله اف خير على هذا الموضوع المحزن بصراحه وانت صادق في كل كلمة من كلمتك .. يعطيك العافيه حبيت اسئلك الطفله ابتهل لقوها اهلها من جد ,,,, |
جزاك الله خيرر ايه والله بعض الامهات والله يقهروون لاشافوو السووق انهبلوو ونسوو الدنيا وضيعوو الجادة يعطيك العافية اخوي تحياتي |
بصراحه انا اتفق مليون بالميه معك في بعض الأمهات أنا أشك انها اذا دخلت السوق كانها شايفته لأول مرره تطير بوهتها :eek: وتنسى هي جايبه معها اوادم ولالا:sad: مره من المرات وحنا نتسوق في المحل اغلب اللي في المحل طلعوا من شد قوة الصراخ اللي في السوق ولد ضايع عن أمه طبعاً رجل الأمن ماقصّر الله يجزاه خير حاول يهدّيه بس الولد يصيح بقوه هو كان خايف من لبس رجل الأمن ويقول شرطي:sad: أخذنا الولد وصرنا ندور فيه وفجاءه جت بنت يمكن عمرها تسع سنوات قالت فلان تعال وطلعت أخته ولما شافها راح لمها بسرعه يوم رحنا نتبعها عشان نشوف أمهم لقيناها تتسوق ولما جاء هو يتمسك فيها سطرته كف:sad: وقالت لاتتعودها مرره ثانيه كانت تتسوق ببرود وما انتبهت هو ضايع ولالا ولما استقبلته بدل ماتهدي من روعته سطرته كف على وجهه:sad: هذي أي الألقاب المفروض تستحق هذي المفروض تسحب منها الامومه هذي مو أم ولاتعرف كيف تصير أم يعني نماذج والله مؤسفه نشوفها وتتكرر علينا من أهمال بعض الامهات الله يهديهم وفيه نماذج من أمهات في حرصهم يتمنى الواحد يكون مثلهم الأطفال نعمة ورزق من الله سبحانه وتعالى تربيتهم والاهتمام فيهم متعه والتقصير معهم انا اعتبره ذنب يرتكبه الشخص منا لأنهم يستحقون منا كل شي لانهم بالنسبه لنا كل شيء في هالدنيا الله يحفظ لنا هالنعمه ويقدرنا على رعايتها الله يعطيك العافية |
و عليكم السلام و رحمة الله و بركاته رزقهم الله نعمة هناك من هو محرومٌ منها,ليتهم لنعم الله شاكرون و في غيرهم معتبرون.. نـــــــ15ــــــمر شكــراً لك على التنبيه |
هههههههههههههههههههههههههههههه شر البلية مايضحك ... والله ياني شفت عجب عجااااااااااااااااااااااااب .. مو بس كذا .... خذ هالقصتين فالاجازة ذي .. وانا احد شاهدي العيان ... يوم من الايام كنا في زوااااااااااج .. وجت عائلة لنفس الزواج ... نزلت ... لكن سرعان ماعادوا للسياره ....لماذ؟؟! لانهم اخطأوا في القاعه ... المهم طلعوا كلهم وذلفوا ... المشكله انهم نسوا بنتهم الصغيره .. يادوب كم سنه ... وتقعد البنت عندنا فالقاعه .. مع الاداره .. وهااااااااتك بكااااااااء .. ولا حرف اخذنا منها .. البنت مخموشه بقوووووه ... ماغير تبكي.. ودها للنساء.. واعلنوا عنها.. ماطلعت لحد .. جابوها عندنا بقسم الرجال.. اعلنوا عنهات بالمايك .. ماحد طلع ... المهم قعدت عند الاداره ... وبكااااااااء... ولا فهمنا منها شيء.. مالك بالطويله .. بعد اكثر من 3 ساعات ... لما يأسنا.. وخاف مدير القصر انها تموت.. خصوصا وهي رافضه تشرب ماء... دق ع الشرطه .. وبلغ.... المهم .. جو ..ابوها واخوها بعد حوالي 3- 4 ساعات ..<<<<<< توهم يتذكرون .. والحمدلله عدت ع خيييييييير... <<<<<<<<<<<<<<< القصة الثانيه .. صارت معي قبل اسبوعين.. في مخيم البحر الصيفي بجده ... كنت قاعد وجنبي ولد صغير 3 سنوات .. معاه عصفور صغير... الولد جالس وجنبه واحد كبير بالسن ... المهم بعد ممكن ساعه.. انا شكيت فالوضع خصوصا ان الولد مايتدلع ع اللي جنبه .. ولا الرجل الكبير.. يكلمه .. المهم انا .. حاولتاحتك فالولد .. والعب معاه .. واشوف اذا هو ولد اللي جنبه والا لا .. خصوصا وان الشبه بعيييييييد .. كل واحد من وادي.. المهم .. لما شفت العصفور الصغير اللي معاه .. سالت الكبير هو عنده عصافير فالبيت .. قالي ..والله ماادري.. مو تبعي... انا بحق انسطلت ... قعدت مع الولد .. ولعبت معاه علشان ياخذ علي.. هذا الكلام ممكن 12.30 اخير شيء بديت اساله انت مع مين جيت .... وين بابا وين اخوك .. الولد يقول ماجاوا... مع مين جيت ..مع ماما واخواتي...<< محرمهم يحتاج محرم.. المهم قلتله وين ماما ..قالي هناك عند الحريم ... اخذته وشلته الى هناك انا وواحد من الشباب.. لقيت جدته ع الباب.. تخيلوا كانت بتستقبله بكف غير طبيعي رغم ان الولد .. لسا لم يتجاوز 3 سنوات .. الحمدلله .. سحبت الولد وراي.. وهدت جدته .. قلت لها معاك قالت ايه .. وهو عرفها..وراح معاها الله يحفظه لهم ... عاد انا من هالقصه .. تخيلت . لو طاح الولد في يد ناس ثانين ؟؟! وين مصيره ؟؟ ورا ابتهاااااااااال -الله يردها- ؟؟؟! وش مصيره لو طاح في شلة عصابه ؟؟! يشحدون به بكره ؟؟1 ختاما .. اقترح .. كلبشات تربط الولد بامه ... خخخخخخخخخخخ تحياتي..لك اخوي.. وشاكر طرح مثل هذا الموضوع .. والقصص كثيييييييييييير....لكن يكفي من القلاده مااحاط بالعنق... |
والله المشكله انه فيه حريم اذا دخلوا للسوق قسم بالله يدربون روسهم الله يستر على بزاريننا وبزارين المسلمين |
حقيقة.. دمعت عيناي على حال المرأة الأولى فقط لأنني تذكرت حال أمي!! ربما عندما يرحل طفلها عن الدنيا ستعلم كم كانت تلك نعمة عظيمة.. شكر لك نـــ15ــمر.. |
مااعتقد انو كل ام يضيع طفلها تكون مهمله لاتعممو:) في اطفال مشاغبين:D وبالعكس الام الي تعطي ولدها الضايع كف :D اول ماتلقاه معناها خايفه عليه :) ههههههههههههههههههههههه من جد لانها مسكينه تكون ميته خوف عليه وعلشان مايعيدها:razz: يعطيك العافيه نـــــــ15ــــــمر :) |
جزاك الله خير اخوي نمر إقتباس:
|
مشكور اخوي والله يستر علينا |
تشكر على الموضوع بعض الناس حرام فيهم الاطفال استغفر الله بس |
http://www.whenifallinlove.net/diary...827_178179.gif يوووة ياكثر الي يضيعووون وياكثر ماضعت عاد انا امي وحتى وانا كبيره لو تفقدني تقعد تصااااارخ وتناديني بصووت عالي وتعصب على اختي :D انــا مانيب اضيع انا يلعون وانا في المحل واعصب :mad: ذكرتني بخالتي كل مارحنا ملاهي ضاعت بنتها وهي تجلس تصيح وتدورها المشكله نلف الملاهي ندور عليها وبالاخير تصير عند مكاننا الي جالسين فيه مدري وشلون تختفي وتطلع:eek: على العموم مشكلــة مهمه وفيه ناس مو قد الاطفاااااااااااااااااال والي بتروح السووق وشووله تودي عيالهاااا :yes: او المفرووض الرجال ينتبه للعيال والحرمه تشتري :D وفيه اطفال مايخافووووون ماشاء الله يعني يرووح يتمشى لحاله عادي واذا تذكر امه جلس يصيح تو الناس :D الله يهدي الجميــع ومشكوور نمروووووووووك s13s اعتدنــا على طرحك المتميز لاعدمنــاك // الهنوووف // http://www.whenifallinlove.net/diary...827_178179.gif |
ذكرتني بنفسي يوم كنت اضيع !! وذحين لما يتذكرونها اهلي انا اضحك وهم شوي ويصفعوني وتسلم ياحلو على الموضوع |
| الوقت المعتمد في المنتدى بتوقيت جرينتش +3.
الوقت الان » 04:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd