..][.. مـانـشـسـتـر يـونـايـتـد VS فـولـهــام ..][.. خـواطـر عـاشـق ..][.. - صفحة رقم 2 - نادي الهلال السعودي - شبكة الزعيم

كـحـيلان · #1 20/08/2006, 09:54 PM

الف مبروك يالغالي ..

الاداء اليوم كان من اروع ما يكون بس لو انهم كملو على نفس منوال الدقائق العشرين الاولى

بني ادم ما يملى عينه الا التراب

الف مبروك مره ثانيه وهالمره مو بس على الفوز على الكم وثمانين نقطه الي وصلتها ما شاء الله عليك

ان شاء الله يمدينا نلحقك

سلام يا بطل

iq1399 · #2 20/08/2006, 10:03 PM

محمد الف مليون طعش مبروك ... ان شاء من هالمستوى واعلى بإذن الواحد الاحد

وبالنسبة لفولهام بالعكس الفريق مب متهالك ولا شيء ماغير انه تفاجأ بالاهداف المتتالية والا الفريق في اول المباراة وصل لمرمى سار لكن لأن الفريق اليوم كله سريع بداية بروني وساها رونالدو وجيجز وانتهاء بايفرا وبسبب تبادل المراكز ماقدروا يلحقون فولهام ..

مايعرفون مين يراقبون روني اللي كل شوي يرجع ولا ساها اللي مرة تحصله راس حربه ومرة جناح ايمين ومرة ايسر وبعض الاحيان صانع لعب

الصراحة اليوم ابداع + اقناع + امتاع

الف مليون طعش مبروك لعشاق الريد ديفلز وبالتوفيق لنا ان شاء الله

hilalemooot · #3 20/08/2006, 10:40 PM

السلام عليكم

يعطيك الف عافيه محمد .. ومبروووك الفوووز

ما أبي ابالغ بالفرحه بصراحه .. الدوري طويل .. لكن البداية تبشّر بالخير و بقوووه خمسه اهداف .. و امام فريق قوي دايم ينشب لنا .. شي جميل ويفرح

مانشستر متى ما كانت الرووح حاضره .. صعب يوقف في وجههم اي فريق .. اتمنى يواصلون على هالمنوال .. وبحول الله كل شي تمام

طبعا اللي ساعد الفريق الهدفين المبكرين .. اللي خلت الفريق يبسط نفوذه ويلعب بأريحيه اكبر وسلاسه في الاداء .. ولا ننسى ان لاعبينا روني و ساها و كريستي و جيجز سريعين وشفنا السرعه وش سوت وكم جابت هدف لنا

رووني و كريستي .. يقولون مشاكل اجل ولا يدانون بعض هاه ايه طيب مصدقكم يالصن و ميرور وباقي الزلايب

يا عيني عليهم .. دام فيرغي مدربهم ازهلوهم بس وعساهم دووم كذا انا بصراحه على اللي شفته اليوم .. فيهم تناغم غير طبيعي و احسن من اول .. روني يدور رونالدو و رونالدو يدور روني .. كانهم يردون على الجميع ويقولون كش عليكم مابيننا شي

ساها .. هذي البداية بس

.. اللاعب ممتاز واذا الاصابات بعدت عنه راح نلقى اسمه من ضمن الهدافين الأوائل بحول الله .. تحيّه كبيرة له على الاداء و الانسجام والتفاهم الغير طبيعي بينه وبين جيجز و رونالدو و روني

السرعه في بناء الهجمات .. القتاليه .. الانتقال السريع من الدفاع للهجوم .. سرعه رباعي المقدمه .. كلها عوامل ساهمت في الرباعيه .. فيرغي عامل شغل كبير بالفريق .. اول كنا نشوف تجنيح ثم ارفع للروود .. الحين فيه اختراق من العمق و تمريرات قصيره سريعه تربك الخصم .. وااضح ان فيرغي عامل شغل بالفريق اتمنى يستمر .

طبعا شخصياً انا مبسوط بالروح العاليه للفريق اكثر من الفوز .. فولام ما كان بيومه ابد .. ومدربه ساهم بهذا الامر لما أحتفظ بـ مكبرايد و رازيسكي عنده في الاحتياط .. بولارد و بوبا ديوب هم افضل السيئين من فولام .. ولا ننسى الابداع المانشستراوي الكبير + الهدفين المبكرين .. اعتقد ان هالامرين سبب الهزيمه القاسيه لهم

عموماً .. فزنا اليوم .. المباريات الثلاثه القادمه أمام تشارلتون .. واتفورد .. توتنهام .. بدون روني و سكولز .. لو عديناهم بـ 12 نقطه وقتها راح أجزم أن المانيو هذي السنه راح ينافس بقووه .. خصوصاً مع عوده كاريك و فيديتش و هاينز من إصاباتهم

مشكور محمد .. واتمنى من الإخوه اللي مايشجعون مانشستر لايردون اذا كانت ردودهم استهزاء

.. اذا ما عجبك الفريق فيه عشاق له ترى

وعبدالله الحربي مشكلته انه لا يعرف مانشستر بشكل جيد

ويبدو انه لا يعلم ان اليونايتد اخذ المركز الثاني في الموسم الماضي بلاعبين صغار و مصابين ومشاكل واجهت الفريق رغم وجود الريدز و القنرز

فـ مان الله ,.,.,

P u P i · #4 20/08/2006, 10:51 PM

صراحه المباراة ابداااااااااع (انا شفت اول 20 دقيقه بس )

وموضوع اكثر من رائع من كاتب كبيييييييييير

زعيم الزمان · #5 20/08/2006, 10:51 PM

السلام عليكم

ارى ان المشكلة اللي بين روني ورونالدو جاءت ايجابية

تحسهم تراضوا وحبوا بعض

وطلع كل واحد منهم يدور على الثاني

اليوم الجماعية في الفريق هي اللي جعلته بهالمستوى

وخصوصا رونالدو اللي ارى ان اداءه تطور

خاصة وان بدا يلعب مع الفريق بجماعية

رونالدو كان يركض كثيرا بلا فائدة

لكن اليوم ترك الانانية التي ساعدت اليونايتد بالظهور

بالمستوى اللي شفناه اليوم

وشكرا

هلالي و مانشستراوي · #6 21/08/2006, 03:04 AM

الله يعطيك العافيه محمد ..

فعلا اليوم المان ابداع × ابداع كل اللاعبين ماقصـروا كل واحد احسـن من الثـاني ، من سار الى ساهـا ،،

وروني ورونالدو اثبتوا انهم كبار وماهمهم كلام الصحافه .. واذا بيبتلون كذا ياليت كل يوم يصير هواش ،،

إقتباس