الصوت الجريح على بساط الريح
 

الصوت الجريح على بساط الريح
مرحبا
اجرييت الحوار مع الفنان الكبير عبدالكريم عبد القادر(ابوخالد)
فناني الأول والأخير.
تعالوا نشوف ايش قال ابوخالد......

س/ ابوخالد حياك الله بإختصار شديد من انت؟
ج/ أنا من الأيام ***والأيام مني

س/ تشرفنا ابوخالد ,كيف كانت بدايتك؟
ج/ غريب ***داير وروحي هدها ممشاي
أمشي وبقلبي حزن*** أسمع طربهم دايماً بشكاي

س/ الاحظ يابوخالد ان نبرة صوتك متغيره؟
ج/ أجر الصوت من جرح برا لي*** الا والجرح اكبر من زماني

س/ شكلك يابوخالد تعاني من جرحك كثير ؟
ج/ونتي من ويعة الجرح الخطير *** ما غفى جفني ولا لي نوم طاب

س/ وش المشكلة بالضبط يابوخالد؟
ج/ أحوال العاشقين*** كل يوم لها أحوال
فيها الدموع وفيها الفرح *** فيها اللي ذاب واللي انجرح

س/ معناته انك تحب, أول ما شفت حبيبك وش قلت له؟
ج/ ياحيا الله ابو الوجه الصبوحي*** ياحيا الله ابو القلب النصوحي

س/ ايش قلت لها قبل ما تودعها؟
ج/ مرني مرني اذا الوقت يسمح لك وتقدر *** عسى وقتك يوافق انا ياسيدي عاشق

س/ طيب, قابلتها مرة ثانية ؟
ج/ لا خطاوينا وراها لقاء*** وان تلاقيتا انتلاقى بشقاء

س/ لما كنت تفكر بحبيبتك , وش كنت تردد ؟
ج/ ياللي خذيتي الشمس *** لو تتركي لليل بعض النور

س/ الى اي درجة كنت تحبها ؟
ج/ مشتريه بماي عيني ومدللـــه *** مثل الطفل يخطي علي واتحمله

س/ حلو , معناته انك تموت فيها , بس ايش كان شعورها؟
ج/ يطري عليه الوله *** واطري على باله

س / طيب لما يغيب عنك, وش يقولون الناس؟
ج/ قالوا علام القمر عنا توارى *** ياهقوتي انه سرى والا به سقوم
قلت حجبه ياربع سيد العذارى *** يوماً لمح طلعته من بين الغيوم

س/ سؤال صريح يابوخالد :لو طلبت منك انك تنساها, وش تقول؟
ج/ محال عمر المحال مايصير*** انسى انا حبك هذا بعد تفكير محال

س/ بالتأكيد راح تسألك : انت تحبني؟
ج/ أحب شمسك أحب ظلك *** احبك غربة ايامي
وأحب همسك وأحب صمتك *** وفرحي فيك وآلامي

س/ بس يقولون انك جلست مدة ماسمعت صوتها؟
ج/ أسمع صدى صوتك مع ضجة الناس*** والحس يسري للضماير حسوسي

س/ لما اكتشفت ان حبيبتك تغيرت عليك , ايش قلت لها؟
ج/ الله واكبر ياهوى البال وش فيك*** وش غيرك وش جاك طبعك غريبِ

س/ وش كان شعورك بعدها ؟
ج/ في عيون البشر اضحك *** واسولف ولا كن فيني شي
وانا المجروح, المجروح *** آه ياجرح ذوبني وأنا حي

س / أكيد كان لك موقف حازم بعدها , ياترى وش قلت لها؟
ج/ غيب وأنا غيب ونشوف *** من هو اللي يتاثر
من هو يكون ملهوف *** للثاني اكثر

س/ وش كان رد حبيبتك ؟
ج/ أعترف لك بالليالي*** في غيابك سهرني

س/ وش كان جوابك بعد تودد حبيبتك ؟
ج/ ما أصعبك *** أصعب من اني أفهمك
ما اظلمك ***و ما اظن كلامي يجرحك

س/ حبيبتك تبغاك يابوخالد , لكن في قلبك شي ياهل ترى ايش؟
ج/ ويلاه من قلباً تغنى برجواه *** بسهر طوال الليل وروحه شقيه

س/ سمعت انكم انقطعتوا فترة طويلة عن بعض وحاولت ترجع لك ثانيه, وش قلت لها؟
ج/ تسافر ورا النسيان توك تجي *** واحلامي سواة الليل ماتنجلي

س/ حبيبتك لما سمعت كلامك ايش قالت لك ؟
ج/ سامحني خطيت وخانني التعبير *** سامحني والغلطة بعد ماتصير
عاتبني وبالعتاب ارتاح *** عاتبني ريحني سامحني على التقصير

س/ كلامها حلو جدا , وش كان ردك عليها؟
ج/ خطأ، معرفتي فيك أكبر خطأ *** ياحب خالي من العطا

س/ افا ابوخالد كلامك قاسي وش قلت بعد ؟
ج/ أنا آسف إذا في يوم حبيتك *** تعب قلبي وخليتك

س/ كلمتك الأخيرة لها ؟
ج/ آخر كلام انت وانا مانتفق *** آخر كلام والأفضل انا نفترق

س/ موقفك الأخير يابوخالد منها ؟
ج/ودعتها والشوق*** بيني وبينها الشوق

س/ مشكور يابو خالد , كلمة أخيرة توجهها لأعضاء منتدى الزعيم؟
ج/ وداعية ياآخر ليلة تجمعنا *** وداعية اعز الناس ودعنا

هههههههههههههههههههههههههه, حلو ه يابوخالد قصدك : وداعية ياآخر سؤال يجمعنا في المقابلة، بس صوتك وأغانيك راح تكون معانا على طول.

حوار أكثر من رائع مع الفنان الكبيرعبدالكريم عبد القادر .

ماقصرت أخوي / جمجمة الهلال.