|
قصتي مع مباراة الهلال والشباب ::فديتك يابو سلطان:: السلام عليكم ورحمة الله وبركاتة ياخوان مادري كيف ابدأ وكيف انتي:D لكن ابدخل في الموضوع علطول انا بصراحة ماعمري رحت للملعب يعني اشجع الهلال من التلفزيون المهم في النهائي قلت لا مستحيل اخلي الهلال لازم احضر الملعلب رغم اني كنت خايف من الزحمة طبعا لاحد يقول صغير عمري 18 المهم اني رحت الملعب وانا في الطريق كنت خايف صراحة يوم وصلنا الملعب الجو كان حرررررررر لكن فديتك يالهلال المهم كنا ننتظر المباراة بدأت المباراة وقبل ان تبدأ كاكولا من فوق على راسي:sad: لكن فديتك ياهلال وانا اضحي بأي شي عشان الهلال وعشان ابو سلطان بدأت المباراة الشوط الاول انتهى طبعا انا اول مره اشوف اللعب من الملعلب:clap: المهم في منتصف الشوط الثاني صار فيه مضاربه :cry: والجماهير كلهم التفتوا يشوفون المضاربه لكن هل هذا شي طبيعي؟ يعني يصير فيه مضاربات؟ وما سببها؟ المهم ان المباراة انتهت وانا تعبت والله تعب لكن فداك فداك يالهلال وفي الختام يعيش الهلال يعيش ابو سلطان بإنتظار تعليقكم على الموضوع |
بسم الله .. طبــيعي جدا ً ... خاصه باستاد الملك فهد .... انفلات امني غير طبيعي في درة الملاعب .... ضرب .. سرقات .. تكسير سيارات ........ الخ من المصااائب ... وياقلب احزن ... ** السبب أولا وثانيا وثالثا وأخيرا .... وجود فئه من المشجعين يعرفها الجميع جيدا ً .... ** . . . صلوحكا |
سرقات!! ضرب!! كيف اخي ممكن توضح |
دري تو ماتكتب الموضوع الله يرجك على العموم تاكل غيرها خخخخ امزح |
اخوي ممكن توضح!! |
بإنتظار التوضيح ياخوان هل فعلا فيه ضرب وسرقات؟ |
طيب ,, والي ما عمره راح بس وده يروح ,,, تنصحه يروح ولا يقعد في بيته ؟ |
بصراحة الحضور إلى استاد الملك فهد تجربة مريرة حكاها أحد الأصحاب ما اتصور إن اللي يسويها هلاليين من رمي العصائر على الآخرين إلى المضايقات ثقيلة الدم وأشياء مزعجة... واعتقد قلة حضور جمهور الهلال بالسنوات الأخيرة بسبب خشيتهم من المضايقات هذه... لكن أحييك بحبك للهلال |
اخي الكريم ياليت توضح المضايقات وارجو من الجماهير التوضيح ايضا |
يعني معقوله الجماهير ماترد ؟؟ |
استاد الملك فهد ههاااي ياخي صواريخ الي ينطله مويه الي ينطع فصفص والي ينطل الله يكرمك نعاله والي يدخن جنبك ويفقع راسك من الريحه والي شاطر كل ما جت هجمه قام وغطا على العالم والي من زوود الحماس شوي وبيطقك من جد استاد الملك فهد معانات |
إقتباس:
نصيحت مجرب رح ولاعليك من احد بس اجلس في الزاويه لان ااذ جلست في النص بيجيك الخال الي يرقص فوق راسك والريحه :wallbash: :wallbash: يالله جعلك ماتشمها |
مضاربه وبس ؟؟؟؟؟؟؟؟؟؟؟؟؟ زحمه 60الف متفرج |
شكرا اخي لردك ولكن هل فعلا يوجد ضرب واعتدائات؟ |
والله ماعمري جربت |
سلامة راسك من الكولا |
بصراحه ضرب فيه وانا قد شفت مضاربات في مباريات الهلال مح الاتحاد ومع المنتخب يوم اوزباكستان مهايطيه |
انا حضرت كل مباريات الهلال بأستاد الملك فهد العام الماضي ولا جا فيه مضربات قويه الا نهائي ولي العهد ونهائي الدوري طبعا غير مباراة الميناء اللي صار فيها بلاوي برا الملعب والسبب !! أهل الأحياء القريبه من الاستاد الله ياخذهم ان شاء الله ويريح المسلمين منهم ــــــــــــــــــــــــــــــ لكن ومع ذلك ورا الزعيم وأبو سلطان ونحضر لعيون أبو سلطان |
إقتباس:
فيه أتوقع بمباراة الهلال و الاهلي واحد توفى بسبب الزحمه (أنكتم وعجز يتنفس) وفيه مباراة الهلال وماشال الي قبل مباراة الهلال والاتحاد واحد معه جيب تكسرت سيارته وراح للمستشفى على طول بس نصيحه من واحد مجرب اذا كنت تبي تروح للمباراه رح للمدرج الي فوق آخر مقعد فوووووووووق واذا شفت الزحمه لا تقربلها أطلع على طول |
والله الفئة هذي مايدخلون اذا كان الدخول مجاني :) ,,, مع غياب الأمن ووجود الدخان في كل مكان :( والله حاولت اتحمل في مباريات لكن وش هالناس الي عايشة على السب والشتم والترجيم ؟ |
ما ابي احد يزعل مني..... المراتب بالفلوس....ادفع ميتين وبتاخذ راحتك او ادفع 100 وبعد زينة او ادفع عشرين واتحمل... يا اخوان لا احد يزعل ويقولوا ان جماهير الهلال ما تسوي كذا.....هم اناس فقط لا دخل للهلالية او غيرها.... السرقة موجودة....يعني لا تطلع جوالك على بالك تشخص قدام الغير انك عندك جوال... الضرب موجودة....بس هذه تحصل عادة برا الملعب وبين الجماهير الفريقين...... نصيحة وانت رايح للملعب..... يا تطلع قبل المباراة ب 6 دقايق يا تطلع اخر واحد.... ووقف السيارة بعيييدة انا شاب عمري 16... وما اخاف من اللي بيصير في الملعب...مو قصدي شيئ عنك...لكن جمد قلبك ولا تروح لحالك الملعب.. انا حاضر كل مباريات الهلال اما االاتحاد والاهلي في جدة وبعض المباريات في الرياض لما اكون في الرياض.. ولا مرة حصلي شيئ..ولله الحمد..... بالعكس الحماس كلها في الملعب....وانت جيت تاازر فريقك الهلال.... لكن الحلو في الشاشة....تشوف الاعادات وترتاح اكثر خاصة اذا لم تكن من المدخنين.... اما غيره الملعب افظل... اتمنى اني افتدك |
الله يرضى علينا ويخلي لنا استاذ الامير محمد بن فهد بس مشكلة الفصفص مالها حل خصوصا واننا قريبين من ؟؟؟ طبعا امزح !!!! |
أنا حضرت مباراه للهلال باستاد الملك فهد وبعدها ما راح احضر ولا مبارة إلا في حالة استثنائية اقولكم ويش اقولكم...انفلات امني.... والله كنك هناك في شيكاغو أو لوس انجلوس.. عصابات وتكسير الله لا يحدنا عليهم |
والله الحمد اكثر مباريات الهلال احضرها ولا قد جاني شي اما بخصوص المضاربات والسرقات احضر وشجع ولا عليك من احد يعني مستحيل احد يتعرض لك من الباب للطاقه وغالبا ماتحصل المضاربات والسرقات اذا كان الحضور مجانا والسبب يجيون ناس مايعرفون من الفريق اللي يلعب يعني جاي لااسباب معروفه يااما سرقه او يؤذي خلق الله ...والخ وانصحك تحضر واقرا المعوذات وبيحفظك الله ولا متعرض ان شاء الله لك اي احد . |
| الوقت المعتمد في المنتدى بتوقيت جرينتش +3.
الوقت الان » 09:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd