![]() |
قصتي مع نادي الهلال في ملعب الصايغ أنا معلم تربية بدنية وسبق لي التدريب في نادي درجة ثالثة ناشئين وهلالي صميم وتقام عندي في المدرسه بطولات المدارس لكرة القدم والسله وغيرها ودائم الإتصال بنادي الهلال لحضور مندوب لديهم لمتابعة أفضل اللاعبين ولكن لامجيب وبحكم هلاليتي الطاغيه قررت هذا الأسبوع أن أخذ معي لاعب لتجربته في نادي الهلال وهذا اللاعب مدافع(سنتر) ممتاز جدآ ويملك من المهاره والصلابة الشيئ الكثير وهو من مواليد 1406هـ يعني أولمبي وإمكانياته أفضل من إمكانيات مدافعين أساسيين في نادي الهلال وأن الهلال ضالته في هذا اللاعب كلمت الإداري خالد الحبيش وشرحت له الوضع وماقصر قالي التمرين بكره في ملعب الصايغ وأعطاني رقم إداري ثاني ورحت مالقيته ولقيت الدكتور عبدالله البرقان وشرحت له الوضع قالي خله يدخل مع اللاعبين في التمرين قابلنا المدرب العالمي فلهو فهو المدرب المشرف على التمرين قام فلهو بإختيار اللاعبين الأساسيين الذين تم إختيارهم من قبل وأما خويي واللي معه أعطاهم فلهو كور ومهارات أساسية ولياقة وبعدين فرقهم على مرميين في ملعب مساحته عشرين متر في عشره متر وعددهم حوالي عشرين لاعب ثم ذهب فلهو وأعطى الصافره مدرب برازيلي أخر وخلاه يحكم لهم وبعد عشرين دقيقة أنتهى التمرين قلت لخويي وش قالو لك .. قال ماقالو لي شي رحت وكلمت إداري سمين جالس قلت له خوينا هذا وش رايكم فيه قال والله مدري إسأل المدرب رحنا للمدرب اللي حكم لهم قال ماأعرف عربي رحنا للمترجم ورطن هو وياه شوي وقال يقول خلاص مانجح سألت المدرب ليش قال ماأدري أسأل فلهو قلت له فلهو ماشافه قال أنا ما أدري قلت من اللي يدري قال فلهو رحنا لفلهو قال أنا ماشفته رحنا للإداري قال والله مدري العلم عند فلهو قلت طيب وش رايكم يجي بكره قالو لا خلاص المهم أنا ماعندي مانع أنهم يقولون لي ضف وجهك أنت وياه .. بس التصريف بهذي الطريقة غير معقول أو ان الهلال يفرط في المواهب ..... أو ان الهلال التسجيل فيه بواسطه ... انا والله مدري وش القصه عمومآ والله هذا اللي صار معي ورجعنا ولا عرفنا وش القصة الى الحين المهم القصة صايره في نفس يوم مباراة الهلال والطائي عصرآ والله أحب الهلال وهذا مادفعني لإهانه نفسي بهذا التصريف واللاعب موجود ويدرس في ثالث ثانوي هذا العام ومن أراد معلومات أخرى ويريد مشاهدة مستوى اللاعب أنا أخبركم عن مباريات له في دوري المدارس أو الحواري وترى مافيه سمسار |
يارجال معروف من زمان أن الإداريين وخصوصا في الدرجات السنيه بالناشئين والشباب أ، تعاملهم مع المستجدين سيء والواسطات تلعب دور بعد ياما الهلال فرط في نجوم والحين يبيهم بالملايين عموما يااخي ارسل رساله خاصه للمشرفين واعرض لهم مشكلتك تحيتيـ لكـ |
أقول أنا أبغى أسجل طايره ما تعرف شلون |
^^^^^^^^^^^^^^^^ هع هع هع هع هع كم طولك |
يارجال الزمن هذا ما يمشي فيه الا الي معه فيتامين (و) |
الله يحييك بأول مشاركة وان شاء الله الاعب الي عندك ينظم الى الهلال |
الله يهديك يا أخوي المفترض إنك تجيب معك مدافع فاشل مثل المفرج عشان يقبلونه بسرعة |
واااااااااااااااااااااااااااااااااااااو :) |
الله يحييك بأول مشاركة وان شاء الله الاعب الي عندك ينظم الى الهلال |
مشكورين على الردود والله اللي عندي أفضل من المفرج بكثييييييييييييييييييييييييييييييييييييييير والمرشدي وخليل بعد المهم ان الرجال مل وطفش وقال بروح لنادي الشباب قلت أصبر شوي لعل المنتدى يلقى لنا حل وانا على وعدي السابق يانادي الهلال قبل ما يروح منا الرجال |
حبيبي قاهر البلوي تبي الشور اللي يجمد على شارب آرثر <--------- لاتقولون فقراوي :) تبي تسجل اي لاعب لاتقول مستواه ومستواه . شروط التسجيل بنادي الهلال : 1 - ان يكون احد معارفه صاحب مكتب عقار في أحد أحياء غرب الرياض وشرط اساسي لازم يكون شااايب ويحب الكورة . وسلامتكـ |
الوقت المعتمد في المنتدى بتوقيت جرينتش +3.
الوقت الان » 12:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd