يازين عدنان ولينا مو ابطال الديجتال@@@@ - نادي الهلال السعودي - شبكة الزعيم

مقدر الهلال · #1 08/08/2006, 11:55 PM

بسم الله الرحمن الرحيم

حبيت اليوم اطرح عليكم موضوع غريب شوي واللي هو بالفعل مهم لأبنائنا واللي عن الرسوم المتحركه

آخ يالديجتال ضيعتي بزارينا

والله العظيم عندما اذكر ايام الطفوله وايام الوناسه وايام الافلام الكرتون الحلوه واللي ترد الروح ومافيها اي مبالغه

واما عن افلام الكرتون الحاليه بصراحه عالم من الخيال وهذا بحد ذاته يعتبر عنف اجتماعي واما عن ابطال الديجتال

حياتين في حياة وحده وهذا بحد ذاته يسبب اعاقه ذهنيه لأطفالنا وفلام الكرتون الحاليه تسبب في عدوانية الطفل

على المجتمع ولا يجيك البوكيمون اللي مادري وش قصته كوره فيها حيوان وانواع التلفيق في الحيوانات

والمشكله ان اطفالنا يتأثرووون بسرعه ويروحووون يشتروووون اغراضهم ومدري وشلون احنا نطاوعهم

وبصراحه مادري من احط اللوم عليه لأن الكل يتحمل المسؤليه بصراحه هذي الافلام ضرر لجيلنا القادم وليس مساعد لهم

يالبى قلبك ياعدنان

آخ عندما نعيد ماضينا الملئ بالذكريات الجميله والاشياء السعيده وعندما نستنى عدنان ولينا والا احنا في قمة الوناسه

ماقدر اوصف افلام الكرتووون تبع اول لأنها مليئه بالسلام والامان وياحبيك ياعبسي

والقبطان نامق

واذكر الافلام الجميله في الماضي وهي سالي

وليدي

وهايدي

وميكي ماوووووس

والله ايام جميله وياليت نرجع ماضينا شوي

وتحياتي لكم

الهلال&يوفنتوس · #2 08/08/2006, 11:58 PM

ايه والله ان عبسي رهيب

حبيبي توتي · #3 09/08/2006, 12:03 AM

والله انك صاادق

عدنان والله هذيك الافلام كرتون ولا بلاش
>>عدنان عدنااااان عدناان غالي
ولا هايدي الي القناة الاولى السعوديه ازعجونا بها كم ماعندهم الا هايدي
> هايدي الجميله هايدي النحيفه هايدي القبيحه

والله اياااام >> مسوي شايب

مقدر الهلال · #4 09/08/2006, 12:08 AM

شاكر لكم على المرور

وآخ ياعبسي وآخ ياعبسي

هلالية حرة · #5 09/08/2006, 12:34 AM

سالى احلى شي
ولا ماركو رههههههههيب

ابو زيد الهلالي 9 · #6 09/08/2006, 03:28 AM

قناة mbc تعرض افلام كرتونية تحتوي اما :

1- علامات تنصير واظهار الصليب والكنائس
2-اظهار مفاتن للفتيات..وتكون في بض الاحيان فاضحه
..

تحياتي لك

توادعنا · #7 09/08/2006, 04:26 AM

افلام الكرتون هاليومين مرره منتهيه

يازين بمبو وبسيط وسالي

حبيبي توتي · #8 09/08/2006, 08:02 AM

ياخي انا اقدر عدنان >> تصدق اني ادورها وللمعلوميه اذكر قبل 9 سنين شريت اشرطه

بس ياخي القناة السعوديه ليش ماتجيبها كل افلام الكرتون اللي عندها قديمه ورا ماتجيب عدنان

>> سلاحف الننجا اذكر اني اتابعها ع الارتي قبل 10 سنين قبل لاتشفر >>الله يخس من شفرها

اما سالي > ماحصل لي الشرف واتابعها
>>ليدي اذكر اني قد شفت حلقه بوم اني بزر قبل مادرس
>>وش بقا بعد نحول او اللي اسمه بشار>>بشار يابشار هيا الا العملي >> هذي كان يتابعها جد ابوي>> الله من النصب

هلاليه و افتخر · #9 09/08/2006, 08:10 AM

هااااااااااااااايدي و بس
و الباقي خس هع هع
مع اني ما لحقت عليييهم
بس لحقت عليهم

<<عمرها 15 هع

هلااالي الماااسي · #10 09/08/2006, 08:36 AM

يعطيكـ العافيهـ

سانشيرو ما في مثلهـ [ حق مشاكلـ من يومي صغيـــر ] خخخخخخخخخخ

ودمت بـــــود ،،،،،

الكلاسيكي · #11 09/08/2006, 08:37 AM

صدقت اخوي مقدر الهلال .. وجبتها ع الجرح .. بس وانت داري ..

والله ان افلام الكرتون اللي تعرض الآن تدخل في نفس الطفل العنف .. والافكار السيئه ..
وبالاخص ماتعرضه قناة ام بي سي 3 .. يخجل الكبير عن مشاهدة بعض الحركات فكيف بالصغير يشوفها ..
مشاهد مخزيه امام مرئى الاطفال.. وعنف مستمر .. وقتل وصرقه ونهب .. والطفل الضحيه ..!!

والصغير في هذا الوقت يستوعب كل شي .. واي شي يشوفه يطبقه .. ويتأثر به ببسرعه فائقه ..
مثلاً / اخوي يتابع افلام كرتون .. وكل يوم يسوي على اخوي الاصغر منه حركه من الحركات العنيفه
اللي تجي في الافلام كرتون .. ولما اسئله من وين تعلمتها يقول من التلفزيون ..

صدقت اخوي افلام كرتون اول ارحم بكثير من الحين .. مع اني لما كنت صغير ماكنت اهتم بها ..
وانا انصح كل اب انه يحط لابناءه قناة المجد .. وخاصه المجد للطفال..
فيها افلام كرتون لكن مفيده كثير .. وتعلم الاطفال اشياء راح يستفيدون منها مستقبلاً ..

واشكرك اخوي على طرحك لموضوع حساس واجتماعي ..
دمت لنا مبدع ومتألق .. دمت في رعاية الله

مقدر الهلال · #12 09/08/2006, 11:55 AM

شاكر للجميع على التفاعل

اي والله يالكلاسيكي في اشياء تجي والله نستحي منها

وعلى قوله ابو زيد الهلالي يطلعووون الكنائس والصليب وهذا هو اللي يأثر على ايمان اطفالنا

الهنوووف · #13 09/08/2006, 12:46 PM

..

..

صدقت والله

وكان ودي اطرح هالموضوووع >>>> يقالك صوتها مسموووع

من جد الي يعرض الحين هبال والله

مافيه متمعه يخوووف خيال حيوانات مدري كيف كائنات غريبه

الله يذكرتس بالخير ياهايدي وزور وكابتن رابح

وللاسف ان الاطفال متعلقين فيهاااا ويشتروون العابهم الخياليه

احس ان الالعاب حقتهم شعوذه وسحر مدري ليش خراااااااااط في خرااط

بس الحمد لله قناتنا ماتعرض هالاشيااااء بس المشكله سبيس تون وذيك الثانية 3

جزاك الله خير موضوووع غفل عنـــه الكثير والله وهذا الي خلى عيالنا عدوانين

شكراا جزيلا

اختك

الهنووووف

مقدر الهلال · #14 09/08/2006, 04:25 PM

هلا بالهنووووووف شرفتينا يالغاليه

ياحبي لهايدي

زيدان 11 العرب · #15 09/08/2006, 05:32 PM

إقتباس

الرسالة الأصلية كتبت بواسطة ابو زيد الهلالي 9


	قناة mbc تعرض افلام كرتونية تحتوي اما : 1- علامات تنصير واظهار الصليب والكنائس 2-اظهار مفاتن للفتيات..وتكون في بض الاحيان فاضحه .. تحياتي لك

صادق في كلامك اخي الكريم الله يمحاها من قناة ويمحا صاحبها