10/08/2006, 09:31 AM
|
زعيــم مميــز | | تاريخ التسجيل: 01/05/2005 المكان: الرياض
مشاركات: 2,274
| |
قاهر الهلاليين والله اني ارحمك .. بسم الله الرحمن الرحيم ..
الاخوة اعضاء المنتدى ..
الكل يعلم انه في منتديات الجار .. ظهر شخص يسمي نفسه قاهر الهلاليين ..
و هذا الشخص معاهد نفسه .. انه يركض خلف الهلال و رجاله .. وكل همه انه يرا جمهور الهلال يبكي مثل ما يبكون هم كل موسم ثلاث اربع مرات ..
و طبعا الكل يعلم سالفة التسجيل اللي اخذت اكبر من حجمها .. والمضحك في الموضوع الاول اللي هو موضوع التسجيل ان اللي يسمعه يحسب ان التسجيل في منزل سمو رئيس الهلال او في مكان خاص به أو في مكالمة تليفونية سرية ..
لكن بعد ان نشر حضرة الموقر قاهر الهلاليين التسجيل ظهر لنا انه تصريح قام به الرئيس امام كل الصحافة
يعني كلنا قريناه ثاني يوم من التصريح في الصحف والأخ قاهر الهلاليين نشره بعد شهر مدري اكثر ..
و لا أعلم سبب سعادة النصراويين الكبرى من هذا التصريح لدرجة انهم مثبتين الموضوع حتى لحظة كتابة هذا الموضوع ..
على العموم ما علينا من سالفة التسجيل ..
الامر المضحك الآخر .. ان الأخ قاهر الهلاليين كتب موضوع اخر مضحك اكثر من اللي قبله ..
وهو ان الهلال فعلا متورطين في قضية نور ..
و ان البرقان كان متفق مع عبدالقادر نور انه يرفع الشكوى ..
ولكن ابى الله ان يلطخ اسم الدكتور الفاضل البرقان في فضائح او امور مماثلة ..
حيث ظهر تصريح لعبدالقادر نور بعد يوم من تثبيت موضوع الأخ قاهر الهلاليين يعترف فيه انه يعمل كشاف للمواهب و انه كان على اتصال مع البرقان من أجل جلب هذه المواهب للهلال ..
و الأخ متحمس و يقول ترى عندي برنت بمكالمات البرقان و فيها رقم عبدالقادر نور في الساعة كذا و كذا ثانية ..
ومحدد اوقات كم مكالمة من الدكتور البرقان
و يقول علموا البلوي
(((الرجال طمع في الدراهم عقب ما جته حفنة من الفلوس بعد سالفة التسجيل )))
لكن هالمرة ما يجيك ولا ريال واحد يا قاهر الهلاليين ..
عارف ليه ؟ لأنك ما عملت للموضوع دعاية قبل ما تنشره ..
مو مثل موضوع التسجيل عملت له دعاية و كل اللي في منتداكم كانوا منتظرين .. و لما طلع الموضوع و كان اقل من عادي خافوا يتفشلون فعملوا منها قصة ..
عالعموم اخوي قاهر نفسك ترى الفلوس اللي تجي من ملاحق الناس و تحري فضايحهم والتدخل في خصوصياتهم تعتبر مال حرام ..
و اذا انت معاهد نفسك تدمر او تهز نادي كبير مثل نادي الهلال تراك بتتعب ..
رسالة للجمهور النصراوي ..
اذا ما لحقتوا على ناديكم .. بنشوفكم الموسم الجاي درجة اولى .. اتركوا عنكم تفاهات قاهر نفسه و من معه و انتبهوا لفريقكم ..
و السلام عليكم ورحمة الله .. |