نادي الهلال السعودي - شبكة الزعيم - الموقع الرسمي - انا و اخوياي هشام و يزيد و مسلسلنا اليومي في المدرسة .. ][ دعوة مجانية للضحك ][ ..

السلام عليكم و رحمة الله و بركاته

بسم الله الرحمن الرحيم ..

يـا مرحبا ترحيب بوش بأسامة بن لادن
يا مرحبا ترحيب أم مشتاقة لولدها
تفضلوا بموضوعي و اربضوا بأماكنكم
و جب المخدة و ورى راسك اسدحها
و جهز الفصفص مع ابن عمه الببسي
و يا راعي الدايل أب أسلاكك افصلها

***

http://www.alhilalclub.com/vb/images.../ismile026.gifيا مرخبا يا مرخبا .. نوركم قطا على كهربهhttp://www.alhilalclub.com/vb/images.../ismile026.gif

***

:pimp: يا هلا و الله مسهلا حياكم الله
:pimp:
***

s71s موشا .. موشا .. s71s

***

باختصار يا هدورة أنت وياه كان هذا ترحيب بكم بكل اللغات رغم أنكم ما تستاهلون s121s !!

.. ][ مقـدمة ][ ..

عندما تشرق الشمس تسمع زئير القطط !! s15s

و عندما تغرب الشمس تسمع زغزغة الكـلاب !! :vampire:

و عندما تشرق الشمس من جديد تسمع نباح التيوس !! :velho:

و عـندما تغرب الشمس من جديد تسمع صهيل الحمير !! s121s

و عندما تذهب الى صحراء الربع الخالي تجد الطبيعة الخلابة و المسطحات الخضراء !! :naughty:

و الشلالات المتدفقة !! و الانهار الطويلة !! و الحيوانات الاليفة اللطيفة من .. (( قطط منازل لونها ابيض من سواد الليل و عيونها زرقاء اكثر من النصر !! , الكلاب الراقية الدلوعة التي لا تعرف النباح بـل من .. (( خكارتها )) .. تتكلم بلغة .. (( المياو مياو )) .. )) ..

و عندما تذهب الى البحر الاحمر تجد الضبان بكثرة و تجد الجرابيع تمر من امامك بلمح البصر !! و ترى الاشـواك الزهية !! هكذا هي الحياة البيئية .. !! s122s

***

امممممم

تدرون وش قاعد افكر به انا و وجهي .. ؟!

قاعد افكر اتكلم عن ايش .. ؟! :D

يعني كل هالكلام اللي تو بطيخ مبسمر و خرط على الفاضي و كلام في قربة مشقوقة !! :rolleyes:

خلاص قررت اقولكم مسلسلي اليومي في المدرسة أنا و اخوياي اللي عددهم اثنين !!

***

كنت قاعد بالليل أناجي نفسي !! و أقول لها يكفي !! و ما دريت إلا و أنا في سابع نومة و في الصالة و شخيري واصل لوسط الحارة !! جاء أبوي الحبيب و شالني بسهولة بسبة وزني اللي تقل ريشة !! و رماني رمية شريرة !! على السرير !! s113s

.. (( بـعد مرور 5 ساعات )) ..

دخل أبوي يبي يقومن للمدرسة .. s113s

و يجي و يقول :_

ناااايف قم تخلخلت عظامك ,, تأخرت على المدرسة !! :ranting:

و ما عطيته وجه !! أنقهر و جاء يبي يصكن كف يحبه قلبك لكن أنفجع .. !! :baby:

لأنه اكتشف انه ضرب هوا .. !! لان ما فيه احد بالسرير .. !! و يجي يدور يمين ياسر فوق تحت و أخر شئ لقاني تحت رجلينه من كثر ما أتقلب بالليل !! s88s

لقا رجل فوق رجل و المخدة بدال ما تكون تحت الراس لقاها فوق راسي !! :fear:

و يجيك و يرجفن رجفة سمعت ضلوعي تخلخل من قوته !! :(

و انز ذيك النزة اللي صكت راسي بالسقف و رجعتن و انا مثل الاطرش بالزفة مدري وش الهرجة !!

و يقول أبوي قم المدرسة يا ثور !! <<< تصدقون فوق كل ذا أحس أبوي اليوم أخلاق !!

قمت و لميت عفشي (( شنطتي )) و مشيت للمدرسة <<< ما عنده نية يصلي !! :rolleyes:

و أول ما ادخل و ألقى الساحة فاضية مابه نفس !! و اجيك مدرعم ابي اروح للفصل و ما دريت الا المدير لازقن بخشتي و العصا بايده (( من كثر ما يشيل هالمدير العصا صرت احسه لو صوروا جسمه بالاشعة ذيك كان تلقى له 3 ايدين .. (( اليد الثالثة العصا )) .. )) .. s16s

و يوقولي على وين يا حلووو .. ؟!

قلت هاه .. ؟! لا بس كنت ادورك عشان ابي اقولك اني تأخرت <<< يحول يا أنا ما اعرف اكذب أبدًا !! :p

عطان ظهره و قال وراي !! s16s

و يوم وصلنا غرفته و جـاء المدير يبي يسمي و يفطر علي !! إلا و يجون اخوياي يزيد و هشام و الشماغ رايح وطي حتى صرت ما تدل المرزام !! و يناديهم المدير و يقول صفوا هنا يا حلوين .. و زيادة الخير خيرين !!
و يبدى المدير بي !!

و ما تسمع إلا .. (( طيخ طااخ طوووخ )) .. !! s16s

و يوم قضى رحت و رجعتله و قلتله معليش استاذ لكن فيه اصبع من اصابعي ضـاع !! اذا ما عليك كلافة انفض العصى يمكن القاه !!

و يجيك و يصكن بوز و ما دريت الا و انا مقلع بالهواء تقل بساط الريح اللي بسندباد !! s47s

و هبطت على كرسيي باخر الصف و بجمبي اخوياي الحلوين !!

المدرس (( كان علينا رياضيات )) :- وينك تونا اخذين درس الزوايا المنحنية و انت توك يا حمار منتب حافظ جدول الضرب !!

قلت بنفسي (( ياخي انت عارف اني حمار ليش تبيني احظر الحصة و انا حظوري زي قلته !! ))

المدرس :- وين وصلت .. ؟!

انا :- هـاه ,, لا توي ما مشيت موقف عند اشارة !!:D

المدرس :- تستهبل .. ؟!

انا :- .......

المدرس :- طيب الحين حفظت جدول الضرب .. ؟!

انا بنفسي (( يا ليل المدير توه جالدني و الحين شكله بيكمل علي !! ))

المدرس :- رد يا ثووور (( و الله من زين الأخلاق !! ))

انا :- ايه ايه افا عليك !!

المدرس :- 2 × 5 كم .. ؟!

(( غششني خويي الثور الثاني هشام و قالي 3<<< الثور طارحها ))

قـلت :- 3

المدرس :- يا ناس اذبح نفسي قلتلك ضرب مو طرح !!

طيب ابي اسألك في الطرح ما دامك فالح فيه !!

10 _ 10 كم .. ؟!

انا :- أ أ أ أ أ .. مـافي مساعدة الجمهور .. ؟! .. (( و الله من زين الجمهور ,,, هشام و يزيد و طقتهم s26s )) ..

المدرس :- ياخي لو معك عشر برتقالات و اكلتها وش يبقى .. ؟!

انا :- الــقشر !! <<< حرااااااااميs69s

تررررررررررررن ..<<< الجرس دق ملعنًا نهاية الحصة الاولى و بداية الفسحة حقت الحصة الثانية !!

طلعنا أنا و هشام و يزيد لم المقصف !!

و يجيك اللوح يزيد و يقول لليماني حق المقصف :- بــالله واحد بكت مربور احمر <<< شكله إلى ألان ما استوعب انه دخل المدرسة !!

اليماني :- أيـش عـم بـتقول يـا قني .. ؟!

يجيك هشام يبي يرقع الموضوع (( حاسه الهدر )) :- لا بـس هـو أ أ أ كان بيقولك هات زقـارة حشيش لكن تلخبط <<< ليتك ساكت

اليماني عصب !!

و اجيك أنا و أقول :- لا تزعل بس كنا نمزح معك !!

و اسحب اخوياي كلن مع قذلته اللي تقل قذلة عنز (( المدير مخوينا يقـول حلقوه و لا تنسون تروشون ))

و أروح للفصل <<< المدير شافن و انا رايح الفصل مع اخوياي قبل ما تنتهي الخمس دقائق و عيونه بسم الله الرحمن الرحيم طلعن من محجريها و قعد يهذي بـكلام غير مفهوم ما فهمت منه الا كلمتين و هي (( الفيوز ضاربة .. ؟! )) s122s

رحنا لمكاننا الموقر في أخر الفصل !!

و يطلع يزيد علك أبو صور سيارات و يرمي القرطاس و هشام ما غير يشيلهن و يلزقهن على الماصة حقته !!

على فكرة يزيد نصراوي !! و مرة ناظرت الطاولة حقته !! لقيت مكتوب فيها !!

.. (( يــا رب بطولة ,,, يا نصر يكفي صبر ,,, عاشق الكديش !! )) ..

اما انا فـهلالي صميم !!

انا كاتب على طاولتي (( عـاشق سامي الجابر و ياسر القحطاني و محمد الشلهوب و نواف التمياط و يوسف الثنيان و محمد الدعيع و صالح النعيمة و فـهد الغشــيـ... (( امتلت الماصة و نجوم الهلال ما عندهم نية يقضون :D )) .. )) ..

امـا ابـو الهش ماله بالكورة ما عنده غير التفحيط و السيارات <<< ما قلت لكم تو كان يلصق صور السيارات اللي تجي مع العلك !!

و يهتم بالمغنيين مره مره مره !! .. (( الله يهدييه )) ..

حاط صور على طاولته لـ عيسى الحسائي و خالد عبد الرحمن و رابح صقر و .. و ..

و اللي المضحك المبكي انه حاط بجمبها صـورة مكتوب عليها (( كلنا فداك يا رسول الله )) <<< بـرضـوا حرامي !! :p

المهم في ذا الوقت دخل المدرس و كان علينا فنية و الدرس اللي علينا لازم نستخدم حبر !!

طبعًا حنا طلاب مواظبين و كل الكراسة و الألوان كلها نجيبه !! <<< واضــح أنت عساك تجيب قلم كان زين !! s69s

و يوم شاف الأستاذ (( على فكرة الأستاذ حجازي قاضي )) كل الطلاب شغالين إلا حنا قاعدين نوزع ابتسامات :smilewink !!

قـال لـيه ما ترسموا انتا وياه بـلا في شكلكوا .. ؟!

قلنا بصوت واحد (( ما جبنا أدوات الرسم )) <<< يا حليلنا و حنا مؤدبين !! http://www.alhilalclub.com/vb/images.../ismile018.gif

قـال اف منكم عيـال ما تفهموا إلا بالضرب !!

تعالوا عندي و كل واحد يستعير من زميله ورقة (( طبعًا استعرنا بـأدب كل واحد اخذ كراسة واحد من اخويانا و شـق ورقة بدون خشم أ أ أ قـصدي بدون اذن http://www.alhilalclub.com/vb/images...s/ismile07.gif))

و جينا لم الأستاذ ..

و عطانا الحبر و قعد معنا يوجهنا !!

و شـوي كبينا الحبر عليه لين صار ثــوبـه ازرق هلالي http://www.alhilalclub.com/vb/images/smilies/hilaly.gif <<< من كثر الزراق صرت أحسه هلالي متعصب بعد !! :D

و الأستاذ عصب و وصلت معه ..

و يـقول ..

بـلا في شكلكم ياله معايا انتا وياه على المدير !!

و نجيك معه لم المدير !!

و فجأة وقـف هشام و حنا رايحين لم الوحش مدري المدير !!

قاله الاستاذ ايش فيك وقفت بـلا في شكلك .. ؟!

قـال :- هـاه .. لا بـس جتـن حـالة شـعر !!
http://www.alhilalclub.com/vb/images/smilies/vora.gif
و نفطس من الضحك .. و زاد الاستاذ تعصيب !!
:ranting:
و يوم دخلنا لم المدير و شاف المدير الاستاذ ثوبة ازرق خالص !!

قـال المدير يكلم الاستاذ :- مـا شـاء الله الشتاء جـاء و انـا مـا ادري .. ؟! :vertag:

و حنا فطسنا من الضحك من جديد !! :D

و الاستاذ زاد تعصيب !!

و يجيك الاستاذ يوصي المدير علينا !!

و حنا كل واحد منا ذرق !! <<< لا جـاء وقـت الجـد بالذراقـة مـالنا نـد !! http://www.alhilalclub.com/vb/images.../ismile015.gif

و ينادي المدير الفراشين !!

عشان يمسكون رجلينا !!

و بدا المدير يجلد .. و تكرر مسلسل (( الطيخ طاخ طوخ :D ))
و قمنا و طلب المدير استدعاء لاولياء الامور !!

***
وش صــار بـعدين .. ؟!

هـذا اللي راح نعرفـه ان شاء الله بعدين لكن إن أعجبتكم القصة و لقيت تجاوب .. !

سـلام .. (( تصدقـون انا كنت كاتب الموضوع بالميكروسفت ورد على اساس اني اذا قضيت انسخه و الصقه في الوعيم !! المهم يوم جيت ابي انزل الموضوع سويت حركة مهيب طبيعية لا شعوريًا !! تدرون وش سويت .. ؟!
قعدت ادور الموضوع بجيبي من الربشة !! :p )) ..

***

شـباب مــُــلاحظة مــُــهمة ..

اشـوفكم يالـدبش صدقتوا القصة .. ؟!

ترى بس الشخصيات اللي حقيقية !!

اما القصة من تأليفي !!

لحد يصدق :d !!

لا كبينا حبر على المدرس و لا شئ :d !!