نادي الهلال السعودي - شبكة الزعيم - الموقع الرسمي - انا و اخوياي هشام و يزيد و مسلسلنا اليومي في المدرسة .. ][ دعوة مجانية للضحك ][ ..

السلام عليكم و رحمة الله و بركاتــــــــــه ..

بسم الله الرحمن الرحيم ..

مرخبـ(ن) بـكم مـن جـديد !!

مع قصتي انا و اخوياي المهبل !!

اللي ما شافوا الـجــُـزء الاول ..

يـشوفونـه على هالرابـــط !!

ارعـــص هــنا !!

كح كح كح !! :razz:

وين وصلنا .. ؟!

ايه عند يوم وقفنا عند المدير و طلب استدعاء اولياء الامور !!

طبعًا عطانا المدير خطابات و قال ودوها لاولياء اموركم !!

و نشوفكم هنا بكرة !!

مسكنا المدير مع قذلاتنا الحلوة !! و ودانا الفصل خايف اننا نروح نتسكع بالاسياب s121s !!
جـاء المدير عند باب الفصل !!
و كان علينا لغة عربية و قال المدير للاستاذ شد عليهم و ورهم العين الحمراء :vertag: !!
و بعدين قال ياله انت وياه على اماكنكم !!
و تحركنا انا و هشام .. اما يزيد وقف بمكانه تقل صنم (( جاء ابو جهل من قبرة و قعد يذبح له و يسجد :D ))
قاله المدير وش بك ما تمشى يا لوح .. ؟! قال يزيد انت قلت ورهم العين الحمراء وش لون امشي .. ؟! (( على باله اشارة )) و يصكه المدير بوز على مكانه و تبدأ الحصة !!
جاء الاستاذ و قوم هشام و قاله ابيك تقولي جمة مفيدة فيها كلمة سكر .. ؟!

قال هشام :- شربت الشاي مع أبتي !!

الاستاذ عصب و قال :- طيب اين كلمة سكر ايها الاحمق .. ؟! :flex:

هشام :- السكر بوسط الشاهي يا ذهين :naughty: !!

الاستاذ :- يا لك من غبي .. !!

طيب اذكر لي جملة يوجد بها مفعول به !!

هشام :- شربت الشاي مع ابتي (( ما عنده غيره يا عيني :D ))

الاستاذ :- اليس لديك غيرها و اين المفعول به .. ؟!

هشام :- الشاهي يا ذكي ما تشوفن قحنته و فعلت به الافاعيل .. ؟!

الاستاذ :- انا لا اعلم أأعلمكم قواعد اللغة العربية .. ام اللغة العربية نفسها .. ؟!

قـم يا بيبرس (( هذا طالب خكري و متأثر بالغرب s90s ))

و اذكر لي حروف الهجاء ..

بيبرس (( قاعد يتكلم و هو قاعد ماله خلق يقوم عشان رجلينه ما توجعه )) :- أي بي سي دي أي اف جي ... إلــخ << و زول بـعد :p !!

الاستاذ :- لسنا بحصة المادة الإنجليزية ايها الاحمق !! اذكرلي الحروف العربية !!

بيبرس يعدل قذلته :- ألف .. ألفين .. خـاء .. زيـن .. عيـن .. خشم .. انف .. !!

الاستاذ :- اه منكم من عيال فاشلون اجلس اجلس <<< هو جالس اصلن تبيه يجلس على الارض بدال الكرسي :confused: !!

تررررررررن (( بدت الفسحة الكبيرة ))

و ننقز انا و هشام و يزيد لم المقصف !!

يزيد هذا دب مرة مرة و ياله يتحرك !!

لكن اذا كنا رايحين المقصف يصير اسرع من روبرتو كارلوس s121s !!

لكن المشكلة اذا قرب لم المقصف ما يمديه يضغط فرامل .. و يجي و يدخل ببوابة المقصف و اليماني يسب و يلعن :ranting: !!

المهم شرينا و رحنا قعدنا بطرف الحوش عند الباب (( مكاننا المعهود )) و حنا قاعدين نسولف جاء الحمار هشام
و قال وش رايكم نهج من المدرسة .. ؟!
انا :- وين ,,, وش تبينا نسوي .. ؟!

هشام :- نروح نسربت .. نلعب بلياردو و اخذ سيارة السواق و نفحط !!

يزيد يوم سمع طاري تفحيط ضاعت علومه .. يحب التفحيط بدرجة مهيب معقولة (( يستانس اذا قعدت ترج كرشته مع التفحيط تقل جلي :lol1: ))

قـال هشـام يـاله .. ؟!

قلنا انا و يزيد :- قـدام ..!

و نجي لم اللي يكتب الغياب و نقوله لا تكتب شئ و لا يا ويلك (( المشكلة ان هجينا المدير بيحس بيفتقدنا و يحس هدوء مهوب طبيعي ))
الطالب خاف و قال طيب .. و نجيك حنا و نروح لساحة المدرسة الجنوبية .. مرة فاضية محد يدخله و حاطين به ماصات و كراسي قديمة !! و نجيك انا و هشام و ننقز على طول .. و جينا نمشي و نلقى الدب يزيد متعلق و مهوب قادر ينزل !!
و يقعد الخبل يصارخ خايف .. و قلنا حنا اكيد المدير سمع الصوت !!
و قلنا مالنا الا نحط ايدينا عشان عليه هذا العصفور اللطيف s15s !!
و يوم سمعنا وقع خطوات المدير يجيك الدب ينقز علينا و ما شفتنا الا تقل مسامير اندفنا بالارض و الاخ يزيد هو المطرقة :p !!
و يقوم الثور و يسحب ايدينا (( مزع ايديني ابن اللذين .. لكن ما حسيت الا بعد من الخوف ))
و اطلقنا لرجلينا العنان .. لكن الثور يزيد كالعادة ينكبنا كان يركض ببطء مهوب طبيعي !! .. (( يوم كان رايح المقصف كان اسرع من روبرتو كارلوس .. اه منك يا ثور :wallbash: ))
المهم الله ستر و تغبينا ورى زبالة خايفين من المدير (( على فكرة تعرفنا يوم كنا هناك على بس لطيف .. ذيله ممحو من الوجود و ماله الا عين وحده و لونه اسـود :D ))
و انتظرنا خمس دقائق لين حسينا بالاطئمنان و ان المدير ضف وجهه !!
و نطلع لم بيت هشام ..
و يروح هشام و يبخشش السواق عشان يعطينا المفتاح و لا يعلم اهله !!

و اخذ المفتاح و ركبنا .. طبعًا كان هشام السواق لانه زي ما قتلكم بالجزء الاول ما عنده غير السيارات و التفحيط !!

و نمسك لك شوارع المدينة تفحييييييط !!

و يجيك هشام الحمار يلف على برحة يحسبه شارع و نلقى جدار بوجهنا .. و كلنا قاعدين نصارخ اضغط فرامل اضغط فرامل !!

و يجيك اللوح من الربشة و يضغط بنزين .. !! :no:

و ما سمعت الا (( طاااااااااااااااااااااااااااااااااااااااااااع ))
و انا و هشام اختفينا بين النفيخة (( الارباق ))
اما يزيد يا جبل ما يهزك ريح !! s121s
ما حركته الضربة من مكانه !!
و ينزل و يفتح البيبان .. و يسعفنا و ننزل انا و هشام الاشكال رايحة وطي وجيهنا صارت تقل الشوارع اللي تو كنا مفحطين به !!
و يجي الاسعاف و تجي الشرطة و يوم قضوا من اسعافنا شالتنا النجدة و على الحجز !!
اول ما دخلنا بدال ما نخاف من المجرمين اللي جوا .. المجرمين خافوا منا .. قالوا بسم الله وش هالوجيه اللي تفجع (( وجهي انا و هشام تقل واحد زهقان الحصة السابعة و قاعد يشخمط على دفتر !! :D )) و ما قصر يزيد يوم شافوا هالجسم قالوا وش هالهرش .. ؟!

لا لا بعدوا عنهم ذولا !!
و نجي و نقعد مع واحد خكري لابس جنز و الشعر كله جل و الوجه الله لا يوريك من الكريمات !!
و معه واحد هرش زي يزيد !!
صبحنا مدرس مسينا عليهم بالخير (( ما عندنا نية نسلم )) و جلسنا بجمبهم (( شفتوا الذوق ,, قعدنا بدون اذن و لا شئ !! ))
انا :- وش جايبكم هنا .. ؟!
الخكري :- انا و الله قاطع اشارة في اسبوع المرور (( يعني مرة مافي مزح مع الحلوين !!:p ))

يزيد :- و انت وش جابك هنا (( يكلم الهرش ))
الهرش :- و الله متضارب مع واحد .. ؟!
هشام (( داخل عرض )) :- افا ليش .. ؟!
الهرش :- ابد واحد هندي قلتله سو مطبق و ماحط ليمون (( انا اعرف ان هالنوعية لو تاكل تراب ما فرقت ,,, و بالنهاية يتهاوش على ليمون ))

الخكري :- و انتم ايش جابكم .. ؟!
انا :- كنا نفحط و سوينا حادث !!
الهرش :- حيـاكم و يـا هـلا و الله و البيت بيتكم (( أي بيت قل الغرفة ,, و بعدين شكله دائم يدخل هنا ,, اشوفه صـار يتكلم كأنه صاحب المكان !! ):D )
هشام :- الله يحييك

انا :- ياله يا عيال خل نكلم ابواتنا !! <<< الحين تذكرتهم .. ؟!

هشـام و يزيد :- ياله ..

و نروح و نقول للشرطي كذا كذا .. و ودانا نكلم !!

اول شئ كلمت انا ابوي ...
انا :- الـو
ابـوي باستغراب :- وش تبي انت وراه داق علي من المدرسة <<< الحين هو مستغرب اني داق عليه من المدرسة وش لون لو قلتله اني داق عليه من السجن .. ؟!
انا :- يبه !!
ابـوي :- خرى وش بك تكلم .. ؟!
انا :- يبيه صل على النبي و قال تعالى (( و بشر الذين إذا أصابتهم مصيبة قالوا أنا لله و إنا إليه راجعون )) !!
ابـوي طرطع :- اقـولك تكلم لالعن جدفك !!
انا :- يبه كذا كذا كذا !!
ابـوي :- بس .. ؟! عادي يا حبيبي ان شاء الله الحين اجيك ..!
انا :- الله يخليك لي يا ابيي
ابـوي :- ايه هين .. منب جايك لو تخيس بالسجن و سكر السماعة !!
انا رجعت للسجن و انا كسير الخاطر !!
و جـاء دور هشام ..
هـشام :- الو
ابـوه :- هـلا
هشام :- يبه كذا كذا كذا <<< ما عنده وحده وحده الغبي !!
ابوه :- الله لا يوفقك يا كلب ضف و الله ما اطلعك يا معفن و سكر السماعة !!
هشام قال في باله مالي الا حل واحد !!
و سوا مكالمة و طلع ..
و جاء يزيد و صار له مثل ما صار لنا !!

المهم و حان بالسجن ..

انا :- يا ليل وش نسوي الحين .. ؟!
يزيد :- المشكلة الاكل اللي يجيبونه لنا هنا شوي <<< لا بارك الله فيك حنا مبتلشين و انت ما همك غير كرشك !!
هشـام :- هـهـهـهـهـه
حنا :- سـلامات وش بك تضحك .. ؟!
هشـام :- انا طير شلوى اللي ابي اطلعكم ان شاء الله !!
حنا :- وش لون .. ؟!
هـشام :- بـعدين تعرفـون !!
الخكري و الهرش :- طيب ما ودك تطلعنا معك .. ؟!
هـشام :- ان شـاء الله اطلعكم كلكم !!
و قعدنا ساعتين و شوي يجي الشرطي و ينادينا كلنا و يقول ياله فيه واحد كفلكم !!
و يوم طلعنا نلقى كافتيريا بوجهنا !!
و يروح يزيد و الهرش ركض لمه !!
الصراحة اول كنت اقول مافي امل يجي واحد اسرع من يزيد اذا راح الكافتيريا !!

لكن يوم شفت الهرش و هو يركض معه .. ايقنت ان فيه واحد يقدر يسبق يزيد او فيه واحدين !!

امـا الخكري راح لمحل خياطة عشان يفصل ثوب و يوم قضى راح يحلق على الصفر :D <<< لعـبنا بعقـله و خلينـاه رجـال :p
المهم تدرون من كفلنا .. ؟!

حزروا .. ؟!

واحد ما يطري على البال !!

..

..

..

..

..

اقـولكم من هـو .. ؟!

ياله خل اقول ما ابي احرق اعصابكم !!

3

2

1

الكفـيل كـان سـواق هشـام الهندي !!:p

هو له 16 سنة بالسعودية و يرطن سعودي ابن اللذين !!:eek:

و جاك و لبس طاقية و شماغ و قال ابي اكفلهم !!s26s

و اذا قلتوا لازم الرخصة .. مدري ايش !!

فـقدر يدبرها .. هشام حاط اشياء للاحتياط !! .. (( معطيها اكبر مزور في تاريخ السعودية <<< يا ناس انا مو كذاب ال كذاب :D ))

&&&

وش صار لنا بالمدرسة و استقبال اهلنا لنا و الدنيا ذي ..!!

هذا اللي راح نعرفه بالجزء الثالث ان شاء الله !!

&&&