|
رحلتي الشاقه في تسجيلي في الجامعه السلام عليكم كل ابوكم وسلخير انكانكم داخلين في المساء وصلخير انكانكم داخلين في الصبح ابكون صريح معكم بكل وضوح وشفافيه <=-=-=-=-= داخل ابو الشباب يبي يعترف كنت استحي ادخل عندكم لان من طبعي حياوي لحد يقول ايه هين ترى ابزاعله اليوم عاد قلت ابخربها بحكم اني عزوبي وابدخل عندهم واقولهم قصتي اذا اعجبتهم واضحكوا ابقعد عندهم واصير صديقهم واذا ماضحكوا ابطلع ويا دار مادخلك شر حسيت اني طولت حتسي عليكم و(قرق) قصتي كأي شاب طموح خلصت الثانوي وابسجل في جامعه الملك سعود وكلي امل اني القى مكان في كليه العلوم تراني طموح لاحظوا في كلية العلوم ومثل ما انتم عارفين دايم اصيف في احد الدير الاوربيه <=-=-=-= حدك شقراء واذا خربتها رحت لم الطائف :d جيت من الديره بالحالي وعزوبي وتسجيلي بكرى وادق على واحد من اللي مسجلين في الجامعه عشان يروح معي يعلمني وش اسوي لاني رايح على عماها وادربي دمجتي قال ابشر ابخاويك قلت الله لا يهينك ويجي اليوم المنتظر وهو تسجيلي في الجامعه ورايح لابس الثوب والشماغ وحالتي حاله تقولون واحد داخل اولى ابتدائي موب الجامعه واشغل موتري واروح قال خويي رح وابقابلك عند الدوار الاول حق الجامعه واااااااه من ذاك الدوار يوم وصلت لم الدوار قال خويي انا في الدوار ادور وقلت انا مثلك في الدوار ادور والله ياجماعه الخير ماحلفتوني قعدت ادور يجي عشر مرات وهو نفس الشي ندور بعض <=-=-=-= الله يرحم حالكم انت وخويك عاد انا بذكائي قلت ابوقف واكيد يبي يشطفني وادق له بوري ويعرفني لا تقولون ليش ماسويت كذا من قبل لاني كنت مرتبك كني واحد ابروح اخطب <=-=-=-=-= اللي يشوفك يقول تعرف سوالف الخطبه وذا العلوم وندخل لم الجامعه وابي خويي يعلمني قالي ياخي مدري تغير علي كل شي قلت في نفسي الشرهه على اللي يناديك قلت طيب ابحاول ادبر عمري رحت سالت واحد وجتني الطامه الكبرى يوم قالي كليه العلوم مليانه يعني دورلك كليه ثانيه وانصدم بغيت اقول الله ابوها عيشه خلني اروح اجاهد اصرفلي <=-=-=-= ياقربه ممسوك في الحاير وجاني (بصيص) امل يوم قالي تقدر تحول تراى مسموح قلت الله يبشرك بالخير يوم جيت ابسجل ويجي واحد يعرفني ويسلم علي وقال وش اخبارك وش اخبار الديره وانا منيب فاضي له رجليني تتصافق من الخوف ابيه يخلصني وهو بارد ماغير يسولف قلت من (حر ما اوجس) رح شفها ياخي بس فكنا هو انصدم وقالي طيب طيب وش تبي اسجلك فيك قلت ابي كليه العلوم قال مليانه قلت اجل سجلني في الزراعه وسجلني فيها وصرت ولله الحمد طالب جامعي ونجيب ومجتهد بعض معاني الكلمات اللي ماظنيت انكم تبي تفهمونها : قرق : كلام واجد بصيص : موب بسيط حق افلام كرتون لا يعني شي يقولونه دايم في افلام الكرتون بس مدري وش معناها ويقولنها في الاوقات المحرجه خلاص اللي مافهمها بكيفه عاد حر ما اوجس : تراها تتكون من ثلاث كلمات (حر) من الحراره (ما) مدري وش دخلها (اوجس) يعني احس واسف على اني طولت عليكم في الموضوع وتقبلوني كعضو ولا ابقضب الباب ترى عادي وابتفرغ لم دروسي الجامعيه |
هلا أخوي ..! صباحك ورد ..! أولاً : مبروك قبولك بالجامعه ..! وزين إنك حصلت لك مقعد في الجامعه .. غيرك انطق في البيت لا دراسه ولا وظيفه ..! الله يعينهم مسـاكين ..! شد حيلك بدراستـك .. ترى مالك إلا هي ..! حتى لو ماكان هذا طموحك ورغبتـك .. بإمكانك تحول الترم اللي بعده ..! تعود على أجواء الجامعه الترم الجاي وعقـب حول للقسم اللي تبيه ..! بعدين خويك ذا .. إذا هو معاك في نفس القسم .. أبعد عنه .. والله شكله بيضيعك .. :d ونتقبلـك بكل تأكيد .. كعضو وكأخ لنا جميعاً .. ننتــظر مغامراتك الجامعيه ..! <<< تقولها ومالها خلق الدراسه وحوست الكليه .. :( احتــــــــــــرامي ..! |
ياحظي يابضي رد علي واحد على طول ترم ترم ترم <<<< قام يدندن مدري وش يسوي من الفرحه شاكر لك مرورك اختي العزيزه <<< يبي يكتب رساله |
أعتذر عن رجعتي .. :) بس أبيك تفرح مره ثانيه .. :d .. لا والله أمـزح ..! بس حبيت أقولك .. ليش التشاؤم ..؟! ترى الأعضــاء هنا يهبلون .. وراح يشاركونك بكل شي ..! أنت بس أصبر وشوف .. :) صدقني بتحصل منهم تفاعل وردود توسـع الصدر ..! <<< تفزع لهم من الصبح ..! مدري وش عندهـا .. :) أعتذر لك مره ثانيه ..! ودام عطــائك ..! :) |
هلا الله يحيك :) ومبرروك قبووولك عقبال ماتتخرج وتصير دختور اد الدونيا <<ادري زراعه بس ارفع من معنوياتك شوي :d إقتباس:
يا حسافة العشر دورات حول الدوووار تصدق اني دخت بسبتكم :fear: الله يوسع صدرك بالعافيه مثل ماوسعت صدورنا على هالصبح :d بتووفيق ان شاء الله :) |
على البركة قبولك في الجامعة مع انه كان ودي تجي معي في العلوم الادارية !!! بس خيرها في غيرها وشد حيلك وحول للقسم الي تبغاه الله يوفقنا واياك |
شكرا للجميع مروركم اللي فرحني كتير كتير <=-=-=-= موب يلعب اللبناني |
هلا فيك خيوووو شقراوي .. اولاً الف مبروك القبووول في الجامعه .. عقبال مانشوف موضوع التخرج .. وصدقني اوخي ان كل اللي يروحون يقدمون في اي مكان لازم تحصل له مواقف مضحكه وتطفش احياناً.. ويصير ودك انك بس تهج للديره ثانيه .. بس لما تفكر بالمستقبل تصبر .. وتظفر بعدها .. حتى ياخوي لو مابغيت هذا القسم لك الحريه في التحويل بشرط ان يكون معدلك حلووو .. والله يوفقك اخوي وتتوفق في دنياك وآخرتك .. وعقبال الزواج << اللي بيسمعه بيوقل عنده ولدين وبنت وهو عزابي ملحط.. دمت بالف صحه وخير |
ايييييييييييييييييييييييييييييه بس تسدح بالبيت وتبطح أحسن لك <-- نصيحة داشر :d <-- انسان عاطل :d |
اقول ياولد جيرانا يا هلالي شقراء تراى شقراء جيران الديره المهم تراني ماقريت الموضوع لاني ابنوم واقوم بدري عشان امشي للديره >>اتحداك تعرفها المهم اذا قمت رديت عليك اوكي |
المهم ياولد شقراء ماقدرت ارقد بدون ماقراء موضوعك ورجعت وقريته مبروك الزراعه>> اهم شي لان عندي نخل في اثيثيه لو جاها شي الينك جنبنا إقتباس:
إقتباس:
ترنا نعرف ذا الكلمات >> ماصدق جاء واحد من الوشم > جيرانهم |
مبرووووووووووووووووووووووووووووووووووووووووووك وشد حيلك تراها مهب سهله |
هلا بالجامعين كلهم اقول عقبال ما تصير دكتور في التخصص الي تبيه تشـــــــــــاو |
ألف مبروووك القبووول والله من قدك أنقبلت غيرك ماااات الا شوي علشان ينقبل في الجامعه لو يمسح سيااارات بس للأسف محاولته كلها بائت بالفشل بس عاد شد حيلك ...... يالله عقبال ما أنقبل ان شاء الله يارب c u |
خخخخخخخخخخخخخخخخخخخخخخ عليك خوي مهستر :D مبرووك قبولك في الجامعه وعقبالنا السنه الجايه < < ثالث :cry: الله يوفقك .. وتحول للقسم اللي تبيه .. |
| الوقت المعتمد في المنتدى بتوقيت جرينتش +3.
الوقت الان » 05:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd