استفسار للي يزور النادي كثير... اخوكم taroki زائر للنادي ويبي تردون على استفساراته - نادي الهلال السعودي - شبكة الزعيم

taroki · #1 06/08/2006, 09:46 AM

السلام عليكم ورحمة الله وبركاتة

صباحكم ورد ...

يا اخوان يا سكان الرياض اللي يزورون النادي كثير يا ليت تبينون لنا هل الدخول للنادي وحضور التمارين تستوجب امتلاكي لبطاقة الاعضاء ولا كيف بالضبط ؟؟؟

يا ليت تفيدوني ...

واذا كان تستوجب امتلاكي لبطاقة الاعضاء والله مشكلة ... ضارب مشوار واخرتها لازم بطاقة اعضاء ... ليه ما تكون فيه تذاكر او شيء من هذا القبيل ....

اتمنى تفيدوني بأسرع وقت يا اخوان

والي يقدر يفيدني اكثر يراسلني برايفت ...

واشكركم يا خوان ...

ومع التحيه

المشذاب · #2 06/08/2006, 09:58 AM

-

على حد علمي دخول التمارين بخمس ريال اذا ما معك بطاقة عضوية ام 300 ريال ..

بس لاتروح مع البوابة الرئيسية .. لان السكورتيه هناك ماعندك احد ..

رح مع بوابة دخول السيارات ..

الغريب · #3 06/08/2006, 11:11 AM

أهلا بالغالي ..

الدخول يتم إما عن طريق العضوية .. أو عن طريق التذاكر ... وكلاهما متوفر في النادي .

ممرالبطولات · #4 06/08/2006, 11:19 AM

كنت داخل ناوي اساعدك...

بس يكفيك فخر ان الغريب رد عليك

يعني ردي ماله لزوم ;)

عبدالله.ع · #5 06/08/2006, 11:49 AM

طيب النادي وينه ابي الوصف

مـوادع · #6 06/08/2006, 11:59 AM

النادي تحصله في العريجاء

ترى يمدحون مقولة من ( سأل ما ضاع )

الفارس الأزرق 2006 · #7 06/08/2006, 12:29 PM

انشالله اهل الرياض ما يقصرون معك

عبدالله.ع · #8 06/08/2006, 12:58 PM

إقتباس

الرسالة الأصلية كتبت بواسطة مـوادع


	النادي تحصله في العريجاء ترى يمدحون مقولة من ( سأل ما ضاع )

ادري بالعريجا لكن وشلون اوصل !!

ماعرف منها الا الاسم عطوني على الاقل اسم المخرج واوصفوا شوي

أبو زاحـم · #9 06/08/2006, 02:52 PM

وين بتجي معه ياعبدالله

taroki · #10 07/08/2006, 02:17 AM

اهلين يا اخوان ...

مشكورين ويعطيكم العافية ما قصرتوا يا اهل الرياض غمرتونا بطيبة قلبكم ... واشكر اخي الغريب

إقتباس

الرسالة الأصلية كتبت بواسطة عبدالله.ع


	ادري بالعريجا لكن وشلون اوصل !! ماعرف منها الا الاسم عطوني على الاقل اسم المخرج واوصفوا شوي

عبدالله الحل يا غالي انك توقف ليموزين وتقوله ودني لنادي الهلال وامش وراه حتى يوصلك النادي وعطه 15 ريال ...

تحياتي لك

هلالي و مانشستراوي · #11 07/08/2006, 02:21 AM

ماقصـروا الاخوان ؛؛