السلام عليكم.......... انا احد الاعضاء الجدد اود ان اطرح موضوعي ارضاً ....حتى تحسب لي نقطة>مصارعة<

بعيداً عن الرسميات والمقدمة ...... ادخل في صلب الموضوع .....اخذت استجمع بنات افكاري <الي رايحه السوق واللي في زفاف >....... الى ان بدأت........

...... هذا موضوع كتبته بعد موقفي مع ولد عمي الــ .........(اكمل الفراغ) عن الفضاوة في هالصيف اترككم مع الموضوع

في احد الايام وبينما كان المطر غزيراً .... >متأثر بالقصص

كانت الساعة 2 الظهر بعد ما قمت من النوم من اتصال على الجوال الذي كان بجانب السرير... واحد من اللي اعرفهم<وش دعوا كاتب فوق ولد عمك> رن مرة وحدة وبعدين قفل>يووووه حقين بطاقة سوا هالمنتفين> .... اتصلت عليه(ومثلكم عارفين ان وقت الظهر تكون نفسك قريييييبة من خشمك) المهم رد علي..... واذا هو بطل اليوميات ..ولدعمي اللوح....
هو: السلام عليكم
انا: وعليكم السلام
هو: كيف الحال؟؟
انا: اقول اخلص علينا وش تبي؟؟
هو: الله لا يبلانا ...... طيب طيب ما تعرف اقرب سوق من عندنا؟؟
انا: الا سوق ال......
هو: زين .... زين .....الا وش صار على بيتكم ؟؟
انا : زي ما هو ... ويبي ينام
هو: ؟؟؟؟........... وش اللي ينام ؟؟؟ وش السالفة ؟؟
انا : ما فيه شي ...... من الاخير انت متى بتخلص ؟؟
هو: لا ... بس حبيت اسالك ... اصلاً انا بعد وراي مشوار
انا : ازين .......... يالله مع السلامة ...جعل جوالك ينقطـ ....
هو: الو ... الو....اصبر
انا :وش فيه وش تبي ؟؟خلاص جعله ما ينقطع .. ابشحنه لك
هو: لا انا سمعت سالفة عن ولد عمت امي بعدما كلم خالي عندما اتصل على اخوي يوم علمني الصبح اول ما قومتني امي...
انا : وجع ....وجع..... سند حديث ذا ولا وشو؟؟
هو: خلني اكمل لك يقول ان الرياض حر و.....الخ... ويوم لحقت الفار ...الخ.. وبعد ما وصلت للبقالة،كنت تعبان مرة من المشي....
انا: اقول يمدحون التكسي هالايام ....<رايح البقالة مشي>
هو: ....اصبر شوي خلني اكمل .... وزلق اخوي في الصالة.... الخ ...و فصولني المعهد علشاني قلت للمدير السوداني يا برميل النفط...بالله وش رايك(ملاحظة: كان يقول هالجملة بحماس) صح مال ام السباك داعي يوم يخليني المس الضغط العالي واطير لاقصى الدنيا......استغرق الوقت المستخدم لقصة ولد عمي(انا والفار عند مدير المعهد& السباك) 10 دقائق
انا: والله القصة شيقة ..... اجل يا برميل النفط هاه .... اشوفك بادي تقرا عن ثقافات الشعوب هاليومين
هو: ما لها داعي صح ؟؟
انا: اقول فيه شي ناقص القصة....
هو: .....وشو ؟؟
انا: اقول ورا ما تحط بعد اسئلة على القصة اللي قبل شوي وعليها جوائز ....
هو: ................
انا : ما قد سمعت قصة الملك عبدالعزيز –الله يرحمه-؟؟
هو: لا
انا : يوم وحد الملك عبد العزيز –الله يرحمه- المملكة العربية السعودية بدا في بناء الدولة وتنميتها وانمائها<نفس الشي> وتوفي – الله يرحمه- وجا الملك سعود وبدا في اكمال انشاء الاجهزة الحكومية والمستشفيات وغيرها وتوفي –الله يرحمه- وبعده الملك فيصل بدا في تخطيط الوزارات وتنظيم المدن وانشاء السفارات وتوفي –الله يرحمه- وبعده الملك خالد استكمل ااتخطيطات وبدا في عمل المشاريع وتوفي الله يرحمه ........
هو: اقول .. نسيت تحط – في الله يرحمه ..
انا : ايه والله ... صح .. معليش .. – الله يرحمه-
هو : اكمل.. <قلبناها حصة مطالعة>
انا: وبعد هذا كله فيه جهاز من اجهزة الدولة يتعلق بالتلفونات وشو ؟؟
هو: اصبر شوي ... !!!!!!!!! .... ايه عرفته ... جهاز الكمبيوتر
انا : لا الله يهديك ... الجواب هو ..... شركة الاتصالات ...
هو: ياااه كأني داري
انا : صح ...مثل ما انا ادري متى تبي تموت؟؟... المهم هذي الشركة مين وين مصدر دخلها؟؟
هو: من المالية...
انا: لا.لا شكل الضغط اللي لمسته من جد عالي... ما علينا ....مصدر دخلها يالحبيب
من الفواتير اللي ادفعها لهم اذا كلمني واحد لووووووووووووووووووووح مثلك ربع ساعة على الجوال .... فهمت القصة الحيييييييييييييين .... الله لا يبلانا معقولة فيه ناس بمثل هالغباء ... قبل لا تكلمني كنت اعتقد ان اغبى مخلوق على وجه الارض هو الحمار ... لكن الحين فيه منافسة ...اي منافسة انت ما خليت للحمار شي....
هو: أي والله انك صادق الله لا يبلانا ...... الحين ماسك بي خط من اول علشان كذا ....
انا: علشان تدري ان الغباء يكلف .........
هو: معليش .... والله شكلي طولت عليك
انا: توك تستوعب ما شاء الله عليك ... دكتور نفسي سبحان الله ....انت خطر تصير مع علبة مويه بلحالكم....
هو: الا ما قلت لي وش صار على بيتكم.........
انا: موب >طوط..طوط..طوط< الا تشششششششششششششششششششششش..
هو: <الصراحة ما ادري وش قال لاني نزلت السماعة>

.................. رجاءً اللي يقرا الموضوع الرجاء يشاركني(( انطلاقاً للمثل < دقق الحساب تدوم العشرة>))احزاني
وما هو الحل الامثل والطريقة التي يُتعامل بها مع من هم في مثل تفكير ولد عمي اللوح ....... ارجوا الرد والتعليق ...... لان الموضوع متعوب عليه من جد علشانكم ،، حتى قوات مكافحة الارهاب خشت في الموضوع........اذ انه وبعد ما خلصت من الموضوع اتصلوا الجيران على القوات الخاصة يقولون فيه تبادل اطلاق نار في بيت جيراننا.... يوم وصلوا .. واذا بي اطقطق اصابعي من التعب بعد كتابة الموضوع......................وانا كلي امل وحصة وهيفاء وهبي وحزب الله انكم تردون علي

،،،،،،،،،،،،،،،، الرجاء اكمال الفراغ في بداية الموضوع وهو لووووووح ،،،،،،،،،،،،،

كان معكم : كاتم اللهب الهلالي -بضم الثاء-

مداخلة:
وبعد ان قراتم هذا الموضوع نرجوا منكم تطبيقه في مكالماتكم لكي <ترتفع الميزانية>و نصبح من الدول المتقدمة اقتصادياً

مع تحيات شركة الاتصالات السعودية ،،،،،،، معاً لغد واعد <اجل الــ DSL ما يركب الا بعد سنتين هاه ...
اقول عزالله لــ 100 سنة واعدة

.




طيب وراكـ على ولد عمكـ .!


خلكـ حبيب ولطيف




.

ههههههههههههههههههههههه

والله يا انك مغطت فيه

بس لا تلومه فضاوة الصييف تسوي اكثر من كذا

إقتباس لان الموضوع متعوب عليه من جد علشانكم ،،

تشـــــــــاو

فالينها

بس ارفق عليه