°¨¨¨™¤¦¤™¨¨¨° باقي على شفتك روج °¨¨¨™¤¦¤™¨¨ °
 

الســـــــلام عليكـــــم ورحمــــــــــة الله وبركاته

بصـــراحهـ هذي قصيــــدهـ مغلفهـ بقصــــه تحكي واقع بين أثنين تقابلت أرواحهم وقلوبهم وأمتزجت من قبل أن يتعارفوا ؟؟ يعني من الآخـــر كذا وبالعامي لأني ما أحب الفصحــــى عجبتني وقلت أنقلها للأعضاء المميزين ممكن أنها تحوز على إعجابهـــم


°¨¨¨™¤¦¤™¨¨¨° باقي على شفتك روج °¨¨¨™¤¦¤™¨¨ °



يا عيــن من حطيـــت عينـي بعينــه **** وابطيـت واقـف في بحـر عينها موج

أبحـــرت فـي عينـــه بليـــا سفينـــة **** سجيــت فيهــا ليـن ضيعنـــي المــوج

حاولت ألـد الشــوف عمـا يهينــــــه **** ولا انــتـبـهــت إلا وأنـا فيــه ملبـــوج

شفـــت الفتـن فـي ملتقـى حاجبينـــه **** والسحـر في عينـه مع الزين مدمـوج

اســـود ســـواده لابستــه السكينــــة **** وابيض بياضه طايش اللون مرجوج

زاويـة طــرف ٍ حاجـــز ٍ دمعتينـــه **** لـولاه كـان الخـــد بالكحــل ممـزوج

كاسيـه رمــش ٍ زاد ملحــه وزينـــه **** من فـوق متكحل ومن تحت مدعـوج

بين الرموش الســود شفـت الغبينــه **** واللي رمـاه الرمش ما عـاد له بــوج

مـرت ثوانـي مـن حياتــي ثمينـــــة **** وأنـا أتهـادى بيــن الأشــواق وأدوج

مـرت وأنا قابــض علـى راحتينـــه **** واقف مقابـل له وساهــي ومدلـــوج

مـدري وش اللي صـار بيني وبينـه **** والقـلـب ما ردنـه ضلوعـي العــوج

ولا انتـبهــت إلا بسحبـــــة يـديـنــه **** قال أنت تبغى الناس تلحقني هروج

قلت اعــذر اللـي شافـك الله يعينـــه **** يبطي ودمعــه بعد فرقـاك مزعـوج

عينــك بنظــرات الغـــلا مستهينــه **** قـال الغـلا في داخل القلـب منسـوج

قلت الوعــد قـال أيـه كلـش بحينــه **** الله يفتـــح لك مـن الضيقـــه فجـوج

قلت آآه طيب شف لي الدرب وينـه **** قــال انتبــه باقـي علـى شفتـك روج


%%%%%%%%%%%%%%%%%




[ قـالت . . أحبـــك ]

**********************

قالت أحبـك - - - - قلت كذابة أنتي
قالت وربـي - - - - قلت آمنت بالله
قالت وقعـت - - - - قلت كان انتبهتي
قالت قليبـي - - - - قلت أتحمل خطاه
قالت معانـد - - - - قلت تـوك عرفتي
قالت بتخسـر - - - - قلت وش إلي كسبناه
قالت مخـادع - - - - قلت لا ما صدقتي
قالت أنانـي - - - - قلت مبدأ رفضناه
قالت كتبـت - - - - قلت وش كتبتي
قالت فراقـك - - - - قلت وقعت أدناه


مع تحياتي : عـــــــدول

ودمتــــم سالمين ،،،

أشكـــركـ أخـــوي ابو راس ترى هذا كله يدل على [ ذوقكـ الطيب ]


وبعدين كلنـــا ترى نخاف الله ونصلي ونصـــوم وما تدري يمكن أنا أو الثاني نكون عند الله أحســـن منكـ


هي في كل الحالات عبارهـ عن [ قصيدهـ غزليه ] وإذا ديننا الحنيف حرم مثل هذه القصائد ياليت تعطينا شي من الكتاب وتنبهنا من الغفله اللي أحنا عايشين فيهـــا


ودمت بــــود ،،،،

الأخ الحبيب هلااالي الماااسي

أرجو أن يتسع صدرك لما يلي :

في تقديري ، أن القصيدة لا غبار عليها من ناحية المبني . بل إنني أزعم أنها أفضل مما يبتلينا به البعض هنا من بنات أفكاره و يريدنا أن نصدقه أنها قصيدة.

لكن يا أخي الحبيب ألا ترى فيها من التلميح إلى ماقد جرى في خيال الشاعر بينه و بين حبيبته ، و أرجو أن لا يكون ذلك حقيقة ، ما لا يجوز شرعاً إلا بين الأزواج.



شكراُ لك .

كم احزنني هذين البيتين
وتشكر للموضوع الجميل
وكما عودتنا بمواضيعك الجميله

.

.

شباب هدوا أعصابك

وترى عادل يشجع النقد البناء