... لا أنــا مو بنت ... - نادي الهلال السعودي - شبكة الزعيم

مهووسة الزعيم · #1 03/08/2006, 04:00 AM

السلامـ عليكم ورحمة الله وبــركــاته ...

لا أنــا مو بنت ( هالجملة كل يوم أهلي يسمعونها مني )
>>> ماشاء الله عليتس بنت باااره

يعني وش تتوقعون من بنت عــايشة وسط تماسيح وعندها اخت تصغرها بعشر سنين ...
عيال خوالها وخالاتها وعيال عمامها وعماتها كلهم اووووووووووووووووووولاد ..
واذا في بنات اعمارهن من عمر اختي ...أو عندهن بنات بعمر أختي ..

يعني وش تتوقعون من بنت تلعــب مع اولاد ...تلبس مثلهــم ...تحب جلستهم ....وسواليفهم ...
تشجع ... تلعب كورة >>>> حريفه تراني

وتموت بشي اسمه سيارات ....وجيب لكززس

بنت مــدلــله أكبر بنت بالعايلة من طرف خوالي ...
ومن طرررف عمامي جيت بعـــد درازن اولاد ...

يعني 17 سنــة من عمري وانا مع اووولاد ..
ولا احــد كان يحسسني اني بنت ولازم البس مثل البنات ...

بالعكس كانوا اذا لعبوا كورة قالوا وين الكابتن ...هيفاااا
>>>>> أخـــــــــــس ..

ابوي دايم مشغول ويسافر وانا الكبيرة وعايشين بمدينة لحالنا ...
يعنـــــــي انا رجال البيت هههههههههههههههههه...
الشور شوري واذا قالت هيفاااا شي ...يمشي ع الاسرة الكريمة بما فيهم ( البابا) ...

انا نفسيتـــي تعبت ...

اخواني كبروا وصاروا هــم الكل بالكل سحبوا البساط من تحتي ....

الاولاد اللي كنت عايشه حياتي معاهم كبروا يعني لازم اتغطــى ...

>>>>>>> والى الحين ما اتغطى ولا افكر ...

يعني لازم اجلــس مع الحريم واحط مكياج والبس فستان ...
واذا ماسويت كذا صررت مو بنت ...
((( لا أنـــا مو بنت )))

واطنشهـــم واروح اجلس مع خوالي وعيالهم ...
احب جلساتهم ..ارتــاح ...

والشــي الثاني ان اختي وبنات خوالي ...مع انهم صغار بس
مناكير وصبغات شعـــر واذا كان في عزيمة يحطون مكياااج ...

والكل يلاحظ ويقارن ..

واذا قلت لامي صغيرة ومايصلح قالــت ...خليني احس ان عندي بنت ...

هههههههههههههههههههههههههههههههههههههههههههههههههههههههه

شر البلية مايضحك ...

معاها حق اذا مرة لبسة اساور مطاط ورحت المدرســة ..
خوياتي فضحوني ..مو معقوله هيفا لابسه اساور ..
لا لا ..اكيد انتي مو هيفااااا ..

وتصدقون الى الحين اذا قالوا من يجيب خبز والا اي شي ..
افــز اقوووووووول انا ولا اعرررررررف اطبخ حتى بيض ما اعرف ..

والقصص كثيرة بس مابي اقولها اتعقد اكثــر وزيادة ..

بس وربي لو تشوفني علي نعوووووووووووومة مو طبيعية ...
ودلال وجمــال ...من ربــــــــي ...هذا من اول نظرة ..

لكن لو عشت معي لحظاات تقول حشى مو بنت ولــد ..

هــذا ماجنته ايديكم وفي بنات كثير مثلي ...
من شـب علي شي شــاب عليــة ..

للافضـــل ... اول مــرة اشتري رووووووووووووووووووووج بحياتي بالاجازة ذي واصبغ شعري ....

للاســـوء ... أمــي حلفت ان هــدية التخرج من الثانوية العامة سيارة جيب لكــززس جديد
لي انــا وبتخليني اخــذ رخصــة دوليــة بالاردن او البحرين .....
انا ماصدقت قالت والله ...بس تعلمي السواقه زين ...
وانا ماقصرت حرقت الكلتش ...ههههههههه

وكل يووووووووم تفحيط بالحارة ...

>>>>>>> وربي انتي كــذا الله يخليكي لي ...

هــي الوحيدة اللي فاهمتني واتمنى انكم تفهموني ...

ســؤال ؟؟؟

بعــد هالهدية تبووووووووووني اصيررررررررر بنت ...؟؟؟

تحيــــــــــــــــاتي ...

الكناري الأزرق · #2 03/08/2006, 04:17 AM

مــا اقـول الا :_

الله يعيـنك ,, !!

و اعـرضـي حـالـتك علـى دكـتور نفـساني ,, !!

<+++ يبيلـك انـت تعـرض نفـسك علـى دكـتور نفـساني

,, انـت و ردك اللي مـا يـبين ان مـا فـيك نـوم ابـدًا

,, !!

هنادي الهلاليه · #3 03/08/2006, 04:18 AM

لالالالالالالالالالالا

مستـــــــــــــــــــــــــــحيل

أختي مهووسة الزعيم ...في باقي أحسن من الانوثة ...وش لك بالرجال وخشونتهم

إقتباس


	ابوي دايم مشغول ويسافر وانا الكبيرة وعايشين بمدينة لحالنا ... يعنـــــــي انا رجال البيت هههههههههههههههههه... الشور شوري واذا قالت هيفاااا شي ...يمشي ع الاسرة الكريمة بما فيهم ( البابا) ...

بس مو يعني انك ولد ...في كثير بنات مثلك الشور شورهم بالبيت بس مو يعني انهم رجال ..

إقتباس


	يعني لازم اجلــس مع الحريم واحط مكياج والبس فستان

...
اصلا كل البنات يحبون كذا وانت جربي تحطين مكياج وتلبسين فستان...
وشوفي نفسك

إقتباس


	واذا ماسويت كذا صررت مو بنت

...
لا ماله دخل ...في بنات مثلك مايقولون عنهم اولاد لانهم مايحبون المكياج والفساتين

إقتباس


	بعــد هالهدية تبووووووووووني اصيررررررررر بنت ...؟؟؟

أكيييييييييييييييد

LBa your heart · #4 03/08/2006, 04:27 AM

إقتباس


	أختي مهووسة الزعيم ...في باقي أحسن من الانوثة ...وش لك بالرجال وخشونتهم

ههههههههههههههههههههههههههههههههههه

وش فيهم الرجال ياهنادي

أحسن مافيهم الخشونه

..........

إقتباس


	للاســـوء ... أمــي حلفت ان هــدية التخرج من الثانوية العامة سيارة جيب لكــززس جديد لي انــا وبتخليني اخــذ رخصــة دوليــة بالاردن او البحرين ..... انا ماصدقت قالت والله ...بس تعلمي السواقه زين ... وانا ماقصرت حرقت الكلتش ...ههههههههه وكل يووووووووم تفحيط بالحارة

وبعدين يامهوسة الزعيم

من جدك هالكلام ولاتمزحين

الله يهدي أمك ويهديك

اذا رفضتي هالهديه بتكونين أحلى بنت وأحسن بنت

فوووووتكوووو بعافيه

رعبوبة الزعيم · #5 03/08/2006, 04:32 AM

إقتباس


	السلامـ عليكم ورحمة الله وبــركــاته ...

وعليكم السلام..

..
..
ههههههههههههههههههههههههههههههههههههههههههههاي

الله يعينك
تــــصدقين حالتي كانت مثل حالتك

وقسم كنت مثلك بالضــبط
وتدرين متى تسنعت

يوم حبيت :sad:
بس لاتحبين تكفين علشان مايكثرون الضـــحايا

والله ذكرتيني بأيام نسيتها كان ابوي يقول لي انتي الظاهر
كنتي بتطلعين ولد استغفر الله
بس مدري وش اللي قلبك بنت

كان حتى لبسي لبس ولد وجاكيتاتي وشنطت المدرسه
حتى شعري كنت افكر اقصه بووي
بس امي عيت علي

كل هذا تبت عنه الا المبـــاريات والبركه بأخوي
طبعا
كان يقولي اجلسي شوفيلي نتيجــة هالمباراه
الا ان تعلقت بشي اسمه مبـــاريات
الا الحين احبها
ولما أكبر
ولما أتزوج علشان احمس زوجي

بس يالله ذيــك الحاله كانت مرحله بالعمر وعدت
الحمد لله ألحين أفـــتخر بأنوثتي
وأفتــخر بإني بنت
واتزين واتكشخ وكل شي
صيري مثلي بس المشكله ظروفك ماتسمحلك:sad:
الله يـــــــــــــساعدك
تراها جد مشكله والله يفكك منها
ولا تخلينها تتطور حاولي انك تكوني ضد ظرووفك
وحتى لو كانت اختك اصغر منك بكثير
عندك صديقاتك

..
..
وتسلمين مهوسه على الموضوع
اللي فيه نوعاً من الدجه

صمت الكبرياء · #6 03/08/2006, 04:33 AM

هلابك أختي مهوووسه ..

تصرفاتك مثلي وأهلي دايم يقولون لي أني ولد مو بنت حتى أسمك مثلي ( هيفاااااء ) ..

لا يكون كل من صار أسمه هيفاء صار عربجي ..

بس جد أول أيام المراهقه كنت أنبسط إذا قالوا لي كذا ..

بس الحين صار يضيق صدري ليه يقولون لي كذا أنا بنت مو ولد ..

ليش يقولون لي أبو فلان ؟؟

ليه يعطوني ألقاب أولاد وألقاب عرابجه ؟؟

ليه يعلقون على مشيتي وعلى جلستي وعلى اسلوب كلامي وعلى حركاتي وتصرفاتي وعلى طريقة سلامي ؟؟

والله أني أحاول أني أغير هالتصرفات وأصلاً ماعاد صارت واضحه بس مسكوها علي خلاص ..

صح أني ما أحب المطبخ ولا شغل البيت بس هذا ماله دخل في هالشي ..

طيب أنا وش أسوي كنت متعوده 24 ساعه إلى شنه سادس أبتدائي وأنا مع عيال أختي فالشارع وفالحاره معهم إذا راحوا يلعبون كوره والعصريه مانقعد فالبيت فأكيد لازم أتأثر في هالتصرفات ..

بس خلاص جد مليت ألحين أنا مدرسه ومربية أجيال وعمري 23 وينقال عني كذا ؟؟

حتى المدرسات يسموني العربجيه والله حرام عليكم ..

..

LBa your heart · #7 03/08/2006, 04:38 AM

افا أجل بنات المنتدى كلهم تسسسسذا

ياويييييلاه

أكتشاف خطير

هنادي الهلاليه · #8 03/08/2006, 05:02 AM

إقتباس


	افا أجل بنات المنتدى كلهم تسسسسذا

لا مو كلهم خخخخخخخخخخ تسسذا<<<تقلد هع

صمت الكبرياء · #9 03/08/2006, 05:23 AM

أفاااااااااااااااااااااا والله أننا بنااااااااااااااااااااااااااااااات ..

..

رعبوبة الزعيم · #10 03/08/2006, 05:26 AM

إقتباس


	افا أجل بنات المنتدى كلهم تسسسسذا

اقوووووووووووووووووووووووولك انا بنت
كنت كذا بس الحين لا
والانسان يمر بفترات بحياته
بس الحين نو وي تسنعت

مهووسة الزعيم · #11 03/08/2006, 05:30 AM

هلا وغلا ...

ماينفع حبينا اربع مدري خمس ومانفع الحال ...

وبعدين انا كنت ناوية اقلب بدون دكتور نفسي بس يوم دريت ان فيها سيارة
قلت لا والف لا ....هههههههههه

وابــوي مخليني على راحتي ويقولي تعال ياولدي انت راس المال ....

صمت الكبرياء ..
تصدقين اني اعرف طبيب سوري اتخرج من الجامعه على اساس انه بنت (( اسمه هيفااا))
وبعدين اكتشفوا انه ولد بعد 24 سنه وصار (( أحمد))

>>>>>>>> والله مو شينه

الظاهر اسم هيفااا فيه ان .. بس اللي يشوف هيفا وهبي يقلب النظرية

...

االله يهدينا يامدرسة الاجيال ..
>> مدري كيف تتحملين البنات ودلعهم ..يااااااااااااي

كلي هلالي ...

حنا نعرض عليكم المشكلة مشان ماتتكرر ..

وحتى الاولاد بعضهم نعومين كانهم بنات
حتى اذا مشى تكسر من الدلع ...

مشكلــــــة ماهي بس قصة حزن رغم ان الحزن بحد ذاته مشكله ....