نادي الهلال السعودي - شبكة الزعيم - الموقع الرسمي

السلام عليكم ورحمة الله وبركاته

أصدقائي الهلاليين ... :d

عندما تصبح مسابقة كرة القدم في بلدنا مجرد ضحك على الذقون .. يخسر فيها من يتعب أكثر ..

عندما يصبح التزوير عندنا مثل أكل الأندومي :d :D

عندما يدار إتحاد كرة القدم لمن يدفع أكثر :d

فإنك من الطبيعي أن تبدأ بمتابعة رياضة الفروسية .. :D

صحيح فيها تلاعب .. والجوائز ما يكسبها إلا عصمان محمد عصمان .. :d

بس على الأقل فيها راحة بال :d

^*^*^*^*^*^*^*^*^*^*^

أنت كهلالي لطالما حاربوك ... ونغصوا حياتك .. ونشبوا لك تقل سارق لهم حلال :D

في الملعب ..

تعليمات خاصة ضد الجماهير الهلاليية ... إغلاق بوابات الملعب في وجه الجماهير ..

مصادرة الأعلام والشالات وإجبار الجماهير على الحضور في مدرجات الفريق الخصم ..

نسبة المدرجات المخصصة لفريق الهلال 50 % مناصفة مع الفريق الخصم .. بينما في ملاعب أخرى له 25 % ..

عدم إتخاذ عقوبات بحق جماهير الخصم ... ضرب وتكسير وإتلاف للممتلكات العامة والخاصة ...

في الإتحاد السعودي ..

مؤامرات تحاك ضد فريقنا ...

تليين الأنظمة لمساعدة نادي شيخهم الشاعر الرشيق :D :D

إصدار أشد العقوبات بحق لاعبي الهلال ... ومطالبة الحكام بالتحرش باللاعبين الهلاليين يقولون وش لو فقد لاعب اعصابه :d :d
غض النظر عن عمليات التزوير والرشاوي ... يحبون الستر :d :d

إيقاف الصويلح لأنه عبر عن اسيتاءه من قرار حكم المباراة...

ومحمد نور وشلته قالبين الملاعب مصارعة حرة والله يذكر إبراهيم الراشد بالخير :D :D

المولد توطأ ببطن الصحفي .. نور توطأ ببطن واحد من الجمهور :D ... مناف أبو شقير تلفظ على الحكم :D ..

بقس الدعيع اللي بغى يروح فيها :D ... قسم بالله اللاعب ذاك ماوقفه عن اللعب بس .. ذا أرسله أبو زعبل يخيس هناك :d

^*^*^*^*^*^*^*^*^*^*^

كلنا كتبنا ... وتكلمنا .. وطالبنا بحقوقنا ... ما طالبنا بزود .. نبي حقنا ..

بس لو لاحظنا من نطالب ... !!

نطالب اتحاد البلوي بإنصاف الهلال :D :D

أدخل الشبكة .. فلان يتشكى .. فلان يقول مايصير .. فلان يقول اتحادنا فاشل ...

لا جينا للحق

والله فاشل من عرفته ... 94 اللي صجوا روسنا فيها ... وقالوا اتحادنا دعمنا ومن هالكلام

صدقوني لو رجعنا بنلقى مافيه منتخب لعبنا ضده يستاهل الا هولندا ...

عام 94 لعبنا بنجوم .. لكن حنا كبّرنا الموضوع .. وقسم اللي يسمعنا نتغنى بمشاركتنا ذاك الوقت يحلف خسرنا بالنهائي :D

مشكلتنا هنا في المملكة اذا شاركنا وأخذنا كأس والا بطولة ..

نقول بفضل الله ثم بمجهودات فلان وعلان ... واللاعبين نسحب عليهم هم والمدرب ...

وش دعوى فلان وعلان هم اللي راكضوا بهالملعب ..؟ :D :D

لا إتحادنا زي الناس .. ولا نظامنا الكروي زي الناس ...

نلعب 938457 بطولة في السنة .. وضغط مباريات ... وجدول يجيب المرض ....

اللاعبين ارهقوا وماصاروا يقدمون اللي عندهم ..

صارت مباريات حواري ... :D

قسم بالله طفشنا وربي ... الناس صارت تتابع بطولات أوربية ... ملّت من غثى دورينا ومستواه

على طاري البطولات الاوروبية ...

شفنا الاتحاد الايطالي شلون تعامل مع قضية التلاعب في النتايج والرشاوي ......

4 فرق من أعمدة الدوري الإيطالي تمت معاقبتهم بالإعدام ...

تم البحث في الموضوع بطريقة تضمن حقوق الفرق الثانية الي تضررت من التلاعب ...

إتحاد نصراني يحاول البحث عن العدل .... واتحادنا يكيل بمكيالين ... :)

^*^*^*^*^*^*^*^*^*^*^

مطالبتنا كلها رفعة ضغط ... كتاباتنا ماراح تجد طريقها الا بوجود شخصية قوية تقدر تدعم اللي نقوله ..

وينك يابو سلطان .... ورب البيت اشتقنا لك ...

نبي وقفة من الرجل الذهبي محمد بن بندر ..... وقفة من أمراءنا وأعضاء شرفنا المؤثرين ...

نبي حقنا ...

ماقول نسكت ... لكن اللي مفروض انه يصير هو إننا نوحّد الكلمة ...

لو توصل لمطالبة الفيفا بمتابعة قضايا الدوري ... ماعندنا مشاكل ...

وأهم شي ضمان لاعبيننا في مشاركتنا الآسيوية القادمة ....

وضمان لاعبينا في مباريات الدوري ... وخاصة المباريات الحاسمة ..

مانبي معسكرات للمنتخب ... يكفي معسكر اسبوعين قبل أي بطولة ... ومبارياتين وديتين بهالاسبوعين ..

أي مباراة على أرضنا نطالب بـ 75 % من المدرجات ....

أما سكوتنا أو إن تكون مطالباتنا فقط على الورق هذا شي يرفع الضغط ويغث ...

والسلام عليكم ورحمة الله وبركاته

أبو ساري