شهــــــر العســــــــل [ بزحله ] - نادي الهلال السعودي - شبكة الزعيم

هلااالي الماااسي · #1 27/07/2006, 08:44 PM

السلام عليكم ورحمة الله وبركاته

أخواني وأخواتي أعضاء منتدى المجلس العام لشبكة الزعيم

يكفيني فخـــراً أنني أضع ما يصعب علي من مشـــاكل الحيـــاة ومن أفكـــــارها حلوها ومرها الصائب منها والمخطأ لكي تشاركوني ما أصبـــو إليه أنا والثاني والرابع والآخـــــرون .

في البداية دعوني أطرح لكم كيف بدأت هذه الفكـــــرة معي والتي سوف أســـردها هنا بين أيديكم على شكــــل قصــه قصيــــرة وسامحـــــوني على عدم ترتيب أفكارها وتنسيق مفرداتها

[ الفكـــــــــرة ]

يعني أنتم عارفين مع المناسبات والزواجات اللي جالسه تصير بدأت تدور في راسي فكــرة غريبة نوع ما يعني أحاول أنسى أو أتجاهل أول يوم وثاني يوم لكن والله العظيم أنها مازالت ماسكه في مخي الا وهي تأجيل شهـــر العســــل !!

[ القصـــــــة ]

في يوم الأربعــــاء ليلة الخميس الموافق 23 ـ 6 ـ 1427هـ 19 ـ 7 ـ 2006م كالعــــاده ركبت سيارتي بعد ما دقيت في النعمه مع الوالد والوالدة الله يحفظهم وكنت بتجه على أحد أصدقائي اللي توه واصــل من السفـــر من أسبوع جاي من بريطانيا لظروف الدراسة ـ الله يلعنها غربه بعدتني عن أغلى أصحابي .

المهم مالنا بالطويلة وصلت للرجال وكان معــاه أخـــوه اللي أصغر منه تقريباً عمره 22 في الحدود هذي وطلعـــوا معي وتو بحـــرك إلا وهـــذا اللي ملحــم في الموتر من الصدام الخلفي استغربت الوضع نزلت وتطقست الأجواء لا يكـــون السالفة فيها هوشه ولا شي صاحبكم خايف من بعيد يناظر

وفي الأخير طلع أحد الزمـــلاء في فترة الـدراســـة أثناء الجامعـــة أسمه عدنان المهم سلمنا على بعض وجينا بنحرك قال عدنان أبد ولا نتحرك إلا في موتري يابن الناس غير بدل قال أبد طبعــاً أنا من جنبهــا الرخصه منتهيه وصافقيني بمليون قسيمه عليها خلاص تعودت

طلعنا في موتر عدنان وأنا كنت جالس في المقعد الخلفي خلف السائق مباشرة ومروووق على الآخـر مع شريط ذكرى جايبه طلبيه معي من موتري وصلنا المطعم نزلنا تعشينـــا ما بقولكم وش كانت العشـــوه

المهم أنها شي مغــري بعــد كذا أتجهنــا على الكورنيش كالعـــاده هذا برنامج شباب جدة ولاحد هنا كان البروقرام جيد إلى حد ما شــوي إلا أشوف الأخ عدنان قام يسحب الشريط ويجيك بذوقه البايخ عاد والله ولا أغنية عرفت منو يغنيها ومستحيل أحد يقدر فيه ويخليه يطفي مسجله وقلت مالك إلا تجيب لهم موضوع يقفلون أم المسجل وأرتاح أنا من الدوخ اللي فيه وبالفعل أشرت بيدي هي هي للسواق لأنه مستحيل يسمع ذاك الوقت من الديسكو اللي كنا عايشينه

أخيراً أنتبه لي ولله الحمد ورخى على صوت المسجل وقلت قفله عندي سالفه ودي آخذ رايكم فيها قال أبشر وعاد هم يموتون في السوالف هذي عاد قلت شباب أنا أشــوف أن شهـــر العســـل هذا يدلع الحريم علينا كثير وأنا بصراحة لو علي ولولا العيب وكلام الناس ويقولون هذا إنســـان معقد وبعدين أخاف الحرمه تفرك من أول يومين

كان صراحه شهر العسل هذا ما أفكر فيه إلا من بعد 6 أشهــــر ولها بعد كذا شهر عســل ما حلمت فيه بنت أمهـــا

بس لمن أعـــود البنت على مودي وأقولها اني أنا أنســـان ألزم ما علي أبوي وأمي يعني تحطينهم في عيونك ومالي بغيري ومالي بحريم الناس وفلانه عندها وفلانه ما عندها الشي اللي أنا أشوفه في صالحنا راح أعمله من دون تردد

.

وهنا والله لو أقولكم ما تصدقون أستمـــر النقــاش لمدة 7 ساعات يعني لفينا الكورنيش كله ورجعنا البيت وصلينا الفجر والسالفة بعد ما خلصت المهم أنتهينا برأي واحد أن
[ أختلاف الرأي لا يفســـد في الود قضية ]

وأنا بصراحة حبيت آخذ آرائكـــم عن شهـــر العســـل وتدليع البنــت من أول الأيام هل هو سلوك سليم ويجب الأخذ به أم سلوك خاطىء ويجب الحد منه

يهمني رأيكم وأنتظــــر أكبر عدد من الردود عشــــان أقتنع وأقنع اللي معـــــاي

ــ ودمتم بـــود ــ

هلااالي الماااسي

هنادي الهلاليه · #2 27/07/2006, 09:21 PM

يسلمووو على الموضوع ....

لفت نظري هذي الكلمة .....

إقتباس


	هذا يدلع الحريم علينا

لا والله انا اشووف انه واااجب على الرجال ...لاني اتوقع كل البنات يبغون شهر عسسسسل

إقتباس


	[ أختلاف الرأي لا يفســـد في الود قضية

صح....

سهل · #3 27/07/2006, 09:25 PM

إقتباس


	كالعــــاده ركبت سيارتي بعد ما دقيت في النعمه مع الوالد والوالدة

إقتباس


	وصلنا المطعم نزلنا تعشينـــا ما بقولكم وش كانت العشـــوه

ما شاء الله عليك مانتب تشتهي الاكل

إقتباس


	وأنا بصراحة حبيت آخذ آرائكـــم عن شهـــر العســـل وتدليع البنــت من أول الأيام هل هو سلوك سليم ويجب الأخذ به أم سلوك خاطىء ويجب الحد منه

يا أخي تستطيع ان تعود البنت على مودك على قولتك في شهر العسل يعني لازم تنتظر
ستة اشهر ... اسمح لي شكلك بخيل وذكرتني بالبخيل اللي تزوج وراح شهر العسل لوحده

يا هلالي "Honey moon"

شهر العسل الغرض منه هو إتاحة الفرصة للانسجام
و البحث عن الرومانسية ثم الرومانسية لان الزوجين سيسافران بالعديد من الرحلات سوياً
إلا أن رحلة شهر العسل لها مذاق من نوع خاص جداً لأنها أول رحلة تجمعهما بوصفهما
زوج وزوجة

متلثمة بشال الهلال · #4 27/07/2006, 10:16 PM

أول شيء وقبل ما أقول رأيي..
وش كان عشاكم؟؟؟؟

من خلال وجهة نظري الشخصيه ان شهر العسل مايكون له طعم الا في الايام الاولى من الزواج ولكن بعد 6 شهور صعبه شوي أحس كأنه سفره عاديه مو شهر عسل.. بعدين مو البنت وحدها اللي راح تنبسط حتى الزوج راح ينبسط معها..وراح يكون لهم ذكريات حلوه في شهر العسل تختلف عن باقي السفرات..
ولا تنسى قبل يوم الزواج أيام الملكه وانشاء الله بيكون الزوجين مأخذين على بعض..
والمفروض الشخص مايحط في باله انه ماراح يتوفق في زواجه (تفاءلوا بالخير تجدوه)

بعدين وش هذا البخل فيكم سفرها سفرتين
وحده في أول أيام الزواج والثانيه بعد
6 شهور..

هلاليه سنعه · #5 28/07/2006, 02:38 AM

ليش شهر عسل ...!!!
ليش مانخليها طوول العمر عسل ...!!!
وبعدين اذا مادلّعها زوجها من يدلّعها .. انا من رايي يسافروون ..
ويستانسوون .. ويتعرفون على بعض اكثر ..من دون مضايقات الاهل والزيارات..
بالعكس يخلّونها في بداية حياتهم .. ويحتفظوون بذكرياتهاالحلوه طووال عمرهم ..
لأنه بعدين ماتضمن الزووجه زوجها..
يمكن يتغيّر عليها ولايشاورها مثل ايام اول الزوااج ..
يعطيك العافيه خيوو ..

هلالي و مانشستراوي · #6 28/07/2006, 04:11 AM

ياشينهن هالحريم لازم شهر عسل ؛؛

ندوووش · #7 28/07/2006, 01:23 PM

أنا أشووف انه لازم يكون فيه شهر العسل
لأنها في البدايه بتكوون متخوفه من الحياة الجديده ولازم تحس أنها أسهل مما تتصور (عاد أنت بعدين فاجأها بأساليبك بطريقتك الخاصه

)
وبعديين انت الحيين متحسف على أنك تضيع شهر من حياتك في تدليعها ترى هي بتدلعك طوول عمرهااااااا

في بالي كلام كثيير بس ما قدرت أعبر

هلالي القرعاء · #8 28/07/2006, 02:35 PM

السلامـ عليكمـ ..

أولاً موضوعكـ رائع ..

ويسمــح بـ مناقشة شي مهم في حياة الإنســـان ،،

في إعتقادي أن شهر العسل مايتأخر ..
أولاً زي ماقالوا الأخوان بعيــد عن الأهل <<نقطه مهمه من وجهة نظري ..
ثانيًا يكون كل واحد متفرغ للثاني بشكل كامل ..
المرأهـ تعرف طباع زوجها والرجل يعرف طباع مرته ..

ثالثـًا هو غير أي سفرهـ ثانيه ..
يكفيكـ أن أسمه (شهل العسل) ...
حيث لن ينساهـ الزوج قبل الزوجه..
وسيبقى ذكـرى (جميله) حتى بعد 20 سنه من زواجهمـ ..

إذا تبي نصيحتـي .. لا تفكر مُجرد تفكير أنكـ تخليه بعد 6 شهور ..
لأنــه يبي يكون شي غريب على الزوجه لأن المعروف أن شهر العسل يجي (مبتسر) يعني يكون بعد أسبوع من الزواج تقريبًا

أما بعد 6 شهور خله سفر ثاني غير شهر العسـل ..

بس نصيحه للجميع ..
شهـــر عسل بـ ماليزيا لحــــــــــد يرووووووووووووووووووووح

والله اللي يبي يروح شهر العسل بـ ماليزيا هو الخسران ..
إستغلال بشكل غير طبيعي ومليان عرب.. والماليزيين بادين يستغلون الناس أيضًا يبون يطفشون العرسان ..

تراهـ والله ماتزوجت أنا

بس هذا من كلامـ (أغلب) العرسان اللي يروحون لـ ماليزيا..

عمومًا أنا طلعت من الموضوع بـ شكل عفوي ..
بالتوفيق لكل واحد يبي يتزوج .. وشهر العسل لازمـ يكون بوقته ..

لأن أمـ العيال تبي تطفش لو جلست 6 شهور تنتظر شهر العسل ..

أبي أختمـ بـ معلومه ..
أصل الإحتفال بـ شهر العسل من شعوب شمال أوروبا ..

يعطيكـ العافيه ..

G o L d E s T · #9 28/07/2006, 05:25 PM

انا اقول حتى لو تأجل السفر

لازم الرجل يدلع زوجته في اول شهر

حتى لو كانوا في بيتهم

يعني سافر ولا ما سافر لازم يدلعها

الأمل البعيد · #10 29/07/2006, 06:24 AM

كل يوم يمر على الانسان وهو بـ خير وعافيهـ هو عيد بـ حد ذاتهـ...

وأنا اؤومن ان يكون هنالكـ شهر عسل والبدايهـ الزوجيهـ تكون في افضل اسلوب لهااا لـ ارتسااخ الايام الاولى لـ اي علاقهـ كانت فـ كيف ان كان الزواج هو المقصد...واللي اتأملهـ ان تكون كل ايام الحياهـ الزوجيهـ عسل+عسل

وشهر العسل على حسب المقدرهـ...اللي يروح باريس واللي حدهـ يااخذ فرهـ على الواجههـ البحريهـ...!!!

ولكن في النهايهـ...مهماا كانت الظروف لابد من البحث عن مصادر السعادهـ

و

السعادهـ من وجهة نظري الشخصيهـ المتواضعهـ..:{{{{{هي القناعهـ}}}}}....

يعطيك العافية

تحياتي

فيلسوفة الكره 100% · #11 29/07/2006, 10:38 PM

بسم الله الرحمن الرحيم ,,

الدلع مو بروحة لشهر العسل . الدلع لازم يكون على طووول يعني على مدى الحياة

الزوجيه .

وشهر العسل , بداية خير بين الزوجين , وفيها تغيير جو بعد تحضيرات الزواج .

وفيها ممكن يتأقلم الزوج والزوجه مع بعض . والمرأه رح تحس ان الزوج هو رجلها

الاول و هو (( الجنتلمان )) اذا ممكن نقول . لأنها تشوفه يطلعها ويشتري لها , ويسوي

لها اللي تبيه , ومو بس انه يطلعها هي حتى هو قاعد يستانس . وهنا في مشاركه منصفه

بين الزوجين لحياتهم .

وفيها ذكريات حلوووه تظل طول العمر .

اما اذا صار شهر العسل بعد 6 شهور ما صاار شهر عسل المتعارف عليه .

ودام انك تقول تبي تسفرها بعد 6 شهور سفرها بعد الزواج بثلاث ايام , لأن الموضوع

ما يفرق . بدل ما تخليه بعد 6 شهور وتقعدون تنتظرون هالسته شهور تجي سافر

بعد الزواج بكم يوم .

*
*
*
*
اشكرك (( الهلالي الماسي )) على موضوعك الهادف , ونقاشك البناء ..