•°•°• حلم في مهب الريح •°•°• - نادي الهلال السعودي - شبكة الزعيم

~بنت الزعيم~ · #1 09/08/2006, 03:01 AM

هذي رساله لكل شخص سافر للخارج بغرض الدراسه ورجع بلا فائده وهو بامكانه انه
ستفيد ويرجع لاهله رافع راسه ويفيد وطنه
احبابي هذي قصه احد معارفنا من يوم هو صغير اهله ينادونه دكتور
وهو كان امنيته يصير دكتور وبعد ما تخرج من الثانويه وجاب نسبه تخليه يدخل طب
بحكم انه ما يقدر يكمل بالديره اطر ابوه بانه يسفره بالخارج علشان يحقق امنيته
الحاصل بان الولد ما قدر يكمل عاد سنه ثلاثه ثلاث مرات ولا فائد مو لانه كسلان
بالعكس كان دافور وعين الله عليه بس الظروف اللي حصلت له خلته يفشل بدراسته
الولد عاد صار مكتئب وحزين وكله يقول انا فاشل وما اصلح لشي فمن حرته
طلع هالابيات اللي تقول ....

رساله حبرها مع جرى اربع سنين
يسطر حالتي بعد الفرح يائس حزين
انا حر نساه الدهر في هم وغلب
رماه بارض قتلها الجهل يدرس طب
سنين اربع وانا اتمنى اصير دكتور
نجحت اليوم بمرتبتة الشرف طرطور
انا يائس في ايام هي خذت مني نجاحاتي
معاناتي بلى والهم وخلتني بآهاتي

اتمنى ان كل واحد يسفرونه اهله للدراسه انه ما يفشلنهم وانه يرجع وهو رافع راسهم
ويرجع بشهاده اللي استفاد منها وراح يفيد وطنه ابها

خـــــــــــــــارج النــــــــــــــــص

تقبلوا خالص تحياتي..

ابو زيد الهلالي 9 · #2 09/08/2006, 03:23 AM

الدراسه في الدول الاوروبية تعتبر صعبه في هذي الايام..بسبب المشكلات السياسيه مع العرب وماحصل لها من تفجيرات.

تحياتي لك

هلالي الدمام · #3 09/08/2006, 03:26 AM

إقتباس


	نجحت اليوم بمرتبتة الشرف طرطور

نو كومنت

يعني لا تعليق

هلاليه من الرياض · #4 09/08/2006, 03:50 AM

لا يأس مع الحياة والي يخسر في مجال يقدر يعوض في مجال ثاني.............

مشكوره أختي على طرحك..........

هلالي القرعاء · #5 09/08/2006, 05:25 AM

فشله في الطب لا يعني أنه فشل في حياته ..

فـ هناك الكثير من المجالات غير الطب ..

والإحبــاط والتشاؤم همـا مايؤديان إلى الفشـل ..

حتى لو فشل أكيد إستفاد من مادرسه ..

ولا حياة مع اليأس ولا يأس مع الحياة ..

يعطيكِ العافيه .

M e T o O o · #6 09/08/2006, 07:26 AM

لا يأس مع الحياه ولا حياهـ مع اليأس

..

+تَحِيَــآتَــي+

الكلاسيكي · #7 09/08/2006, 07:44 AM

مهما كان .. ومهما سقط .. لاتعني له النهايه ..
وليس العار ان نسقط ولكن العار ان لانتسطيع النهوض ..
كل شي كُتب للانسان ومقدر من الله ..وقد تكن خيره له ..

ليه اليأس .. فالحياه لازالت مستمره .. ليجرب نفسه في مجال آخر ..
واذا نجح في غيره .. فلا يتقهقر مع الزمن ..

عموماً اتمنى له ولجميع المبتعثين التوفيق والسداد ..
ولك اختي الف شكر ع الموضوع اللي جاء في وقته .. وخاصه ان فيه ناس
طالعه اساميهم مبدأيه للابتعاث ...

دمتي في رعاية الله ..

~بنت الزعيم~ · #8 10/08/2006, 01:16 AM

هلا وغلا اخوي هلالي الدمام
ومشكور على المرور

........
هلا وغلا اختي هلاليه من الرياض
ومشكوره على المرور

........
هلا وغلا اخوي هلالي القرعاء
ومشكور على المرور وعلى الاضافه

.........
هلا وغلا اخوي @@@نايف@@@
ومشكورعلى المرور

........
هلا وغلا اخوي الكلاسيكي
ومشكورعلى المرور وعلى الاضافه

هلاليه سنعه · #9 10/08/2006, 06:59 AM

اهليين بأختي منار .. قصه محزنه وياكثر اللي ضيعووو عليهم الفرص
اهلهم تعبوو علييهم .. يبون يفرحوون بعيالهم .. يبونهم يرفعوون راسهم فوووق ..
البعض منهم لا سافر ياخذها فله وبسطه ووناسه وينسى ان فيه دراسه ..
اللي مايبي يسافر يدرس يقضب ارضه ويدرس بديرته .. واللي عنده طموووح عالي..
ويبغى شهاده واستفاده وخبره يرووح ويتوكل على الله وربي بييّسرها بإذن الله
يعطيتس الف عافييه خيتوو منار والله لايحرمنا من مواضيعتس المتميزه مثلتس ..

دمتي بخير ..,,

الهنوووف · #10 10/08/2006, 07:09 AM

//

::

///

هلا بنت الزعيم
الدراسه بالخارج
سلاح ذو حدين للطالب
ومو اي انسان ينفع يروح يدرس برى

يعني يمكن مجتهد بس ضعيف ايمان مثلا والله ان يدج هنااااااااااااك
يعني اهم شي الواحد يرووح بس يحط امامه خطوووات وقوانين لنفســــــــه
علشان يقدر يتكيف هناك مع البيئه المختلفه

سلمت اناملك

لاعدمنا حضوورك

//

:: هنوووفة

//

الهلالي دائماً · #11 10/08/2006, 05:21 PM

هلا بنت الزعيم ...

شكر على القصة والنصيحة

وبالفعل الانسان يجب ان يكون قد المسؤلية ...

إقتباس


	رساله حبرها مع جرى اربع سنين يسطر حالتي بعد الفرح يائس حزين انا حر نساه الدهر في هم وغلب رماه بارض قتلها الجهل يدرس طب سنين اربع وانا اتمنى اصير دكتور نجحت اليوم بمرتبتة الشرف طرطور انا يائس في ايام هي خذت مني نجاحاتي معاناتي بلى والهم وخلتني بآهاتي

بس بيني وبينك عاد هذي قصيدة

اشو انه ما صار دكتور كان رحنا فيها ...

على العموم اهم شي ان الانسان ما ييأس

لايأس مع الحياة .. ولا حياة مع اليأس

واذكر سمعت مرة ان اليبان أرسلت دفعة للدراسة

فرجعت الدفعة بدون ما تستفيد فتم اعدام جميع اعضاء الدفعة ...

من بعدها عقلوا اليابانيين 

~بنت الزعيم~ · #12 11/08/2006, 03:13 AM

هلا وغلا اختي هلاليه سنعه
ومشكوره على اضافتك ومرورك

........
هلا وغلا اختي الهنوف
ومشكوره على اضافتك ومرورك

.......
هلا وغلا اخوي ماجد
ومشكور على اضافتك ومرورك

abu_riman · #13 12/08/2006, 01:31 AM

من يذهب للخارج أعتقد أن عليه أن يعي أن هناك هدف إضافي غير الهدف الأساسي الذي ذهب من أجله ..

شكراً لما خطته أناملك بنت الزعيم ..

ملاحق دجاج · #14 12/08/2006, 02:17 AM

إقتباس


	اتمنى ان كل واحد يسفرونه اهله للدراسه انه ما يفشلنهم وانه يرجع وهو رافع راسهم ويرجع بشهاده اللي استفاد منها وراح يفيد وطنه ابها

دام ان مخه نظيف بيمشي
ويمكن ما ينجه في الطب بس لازم يدور تخصص ثاني يبدع فيه
ملاحق دجاج شطف من هنا

الهلالي الثقفي · #15 12/08/2006, 11:13 PM

مشكورة بنت الزعيم على الطرح الرائع لموضوع مهم

و دائماً تنظرين للأمور بشفافية مع أمتلاكك الشعور بالمسؤولية

أتمنى لك كل التوفيق