السلام عليكم ورحمة الله وبركاته

أول على أيام WE5 . WE6 ماكنّا نشوف اصدارات واجد للـ WE .. اللهم الإصدارات الرسمية اللي تنزلها كونامي .. طبعا ً تبدأ بالياباني وبعد مده تنزّل الإنجليزي وكنّا راضين كل الرضى

أما ألحين الساحه مفتوحه للجميع ونشوف السيئ والردئ والمقبول

صحيح البعض منّا يميل الى الإصدارات ولها مزاياها ولكن تُفقد المتعه الحقيقه للعبه ..

هذا يزيد من طاقات لاعبيه وذاك ينشئ الفريق الساحر والآخر يبدل في تحكم اللعبه ووو ...

حتى ان الـ(مبزرة) للأسف ايضاً دخلوا هذا المجال .. كل ما طلع شيء جديد نزله في نسخه وقعد يوزعه والمستخدم مايدري وش هالنسخه ووش فيها

الأمر الأن اصبح خرابيط في خرابيط .. انا كنت ومازلت آخذ الشريط أول ماينزل ياباني ولا اغيّره(طبعاً بعد ماجربت على ايام 8 و 9 الاصدارات الي كانت تنزل وتجيب الهمّ) , ولكن مشكلتي الحاليه في اللغه اليابانيه .. اليوم رحت ادوّر نسخة زينه وانجليزيه .. لقيت عربي واستانست لكن ما امداني الا واشوف المميزات الأخرى واللي ملعوب فيها على كيف كيفك:cry:

يا إخوان الأن الاصدارات والنسخ تتنافس وتتزاحم في المحلات وحنّا في حيره مع هذا او ذاك .. وكل ماصارت مناسبه نطّوا لنا هالشكليات وقعدوا ينزلون نسخة خرابيط في خرابيط:cry:

شيء كان يقرقع في قلبي وقلته واتمنى محد يزعل مني .. وانتظر تعليقات المستخدمين وايضا ً المطورين ..

آخر شيء ودي اطلب طلب وان شاء الله يكون بسيط .. احد يشوفلي نسخة مافيها لعب ابد(يعني خربطه) , ان كان القوائم عربي الرئيسية عربي والباقي انجليزي و(بس) ياليت يدلني على هالنسخه ..