|
أعتذار للجميع السلام عليكم و رحمة الله و بركاته أولاً : مبروك الفوز للجميع و ان شاء الله عقبال الكؤوس . ثانياً: حبيت اعتذر عن الانقطاع الطويل عن المنتدى لاسباب متعددة و مختلفة و ما زال بعضها قائماً . و اعتذر للجميع من الى . و كذلك كل من ارسل لي بريد و لم ارد عليه و ذلك للانقطاع عن عالم الانترنت تقريباً . ثالثاً : اعتذر( نهائياً ) عن الاشراف في المنتدى و ذلك لان مشاركاتي كما ترون اصبحت معدومة و اشكر مسؤلي و مشرفي واعضاء منتدى الزعيم على ثقتهم , و لكن الامور لا تجري كما يشتهي المرء . و يوجد ما شاء الله الكثير من الاعضاء الذين لديهم خبرة اكثر مني في امور الكمبيوتر و الحاسب الآلي . رابعاً : اتشرف بكوني عضواً في منتدى الزعيم , و ليس معنى ان اترك الاشراف ان اترك المنتدى , فصدقوني روح الاخوة موجود في المنتدى و لا يستطيع الشخص ان يستغني عن اخوانه . و ان شاء الله اشارك معكم معكم في المنتدى بكافة اقسامه . الشكر للجميع و خصوصاً اخوي الاعصار و سلمان و كذلك اخوي ابو منار لتفهمهم الوضع . و الف شكر للجميع و مبروك الفوز مرة اخرى . |
لا تقول تكفى !! والله خسارة كبيرة لنا ومجهودك كان فعلاً واضح ... لكن الي يخفف علينا انك مازلت عضو في منتدانا يعني ما زالت فرصتنا كبيرة في الاستفادة منك اخوي عبدالله ... اتمنى زوال ظروفك والعودة مجدداً للمنتدى ... دمت ودام جميع الاعضاء |
هلا بك اخوي عبدالله والله فاتك شي كثير بالمره صارت مضاربه في منتدى الكمبيوتر بين ابو منار والاخوان الاعضاء تعرف ليش ..... انت السبه ابو منار قاعد يسبك في المنتدى اللي يدخل المنتدى يقول هذا مو حق الكمبيوتر اكيدانا غلطان !! والاعضاء بغو يدخلون عليه ويغولونه بس الحمد الله انا فكيتهم يالله عطني هديه عشان علمتك ترى اذا ما عطيتني يا ويلك |
لا ما يصير ابو موكاء كذا بيوم وليله تقول مع السلامه تراني منيب صاير مشرف ترا حنا ما نسمح لك الى اذا كانت الظروف مره قويه بنسامحك هالمره بس بشرط توعدنا انها اذا زالت ظروفك انك ترجع مشرف مره ثانيه |
هلا وغلا ابو فهد قلبي مايكذب علي عارف ان فيه شي ماهي عادتك يالغالي كتبت لك كم رساله دون جواب اخوي عبدالله يشهد الله انك من ألأشخاص الذين يتشرف اي رجل بالتعرف عليه متعاون مع الجميع محب للجميع لك أفضال بعد الله عز وجل علي شخصيآ اتمنى من الله عز وجل ان تزول ظروفك ونشوفك بقمة عطائك كل الغلاء لك يالغالي |
هلا وغلا بعبد الله الموكاء والله بنخسر مشرف غالي و مشاركاتك وردودك وعلا استفساراتنا يالله باذن الله ترجع لنا بأسرع وقت اللهم امين تحياتي لك |
أخي عبدالله بصراحة إفتقدناك في الفترة السابقه وأرجو أن تزول ظروفك الخاصة حتى تعاود الكتابة في الزعيم رجاء أخير لاتقطعنا بالمرة:( :confused: |
اف وش الهرجه لا والله ما لك حق لا ما راح نعذرك وش دعوا احد مزعلك والله نبي نفتقدك طيب من بيجاوب على اسئلتي ؟؟؟؟؟ |
اتمنى أن تزول ظروفك يا مشرفنا العزيز وتعود كما كنت في السابق فغيابك عن المنتدى خساره كبيره وادعوا الله أن يوفقك في حياتك وأن تزول ظروفك 00000 |
هلا بالغالي.... الصراحة يابوفهد اتمنى ظروفك انها تزول وترجع لنا مثل أول ان شاءالله...وأحسن أن شاءالله... نتمنى ان نراك بالمنتدى يالغالي ويكفي انك خليتنيا نفقدك... وان شاءالله يجعل حياتك كلها أفراح يالغالي... الف شكر لك يالغالي |
لا يا موكا ابو عابد ليش تبي تتركنا الصراحة وبدون مجاملات راح تكون خسارة وخسارة كبيرة بعد لكن نتمنى انها تزول ظرفك ونشوف ابو عابد يمارس هوايته(الإبداع) ... |
لا يا شيييييييييييخ .. يا اخ عبدالله يعجز اللسان للتعبير عن الموقف .. والله انننا نحبك في الله يا اخ عبدالله .. وخسارة لنا وللمنتدى تنازلك عن الاشراف .. على العموم .. انت تريد وهو يريد والله يفعل ما يريد .. ونشوفك في الافراح .. ولك تحيا ت محبك الذيب .. |
بالفعل أخوي عبدالله .. تركك الأشراف على المنتدى راح يكون خساره كبيره ... لكن ما نقول الا الله يوفقك .. وما قصرت معنا .. وتحياتي لك ... |
وعليكم السلام ورحمة الله وبركاته حياك الله يابوفهد ... وجهك ولا القمر ؟ :) انت عارف رايي يابوفهد في هالموضوع تماما .. لذلك ما اقول الا الله يوفقك في حياتك ... ويخلي لك فهد .. ويكبر ونشوفه مشرف في نفس الشبكة :) تقبل تحياتي وتقديري الكبيرين وخلنا نسمع صوتك باقرب فرصة يالغالي ... |
هلا بابوفهد انشاء الله تزول ظروفك وترجع مثل قبل وفي كل الاحوال نتمنى لك التوفيق في حياتك ، والله يكون بعونك لكن ترك الاشراف خسارة للمنتدى. اهم شي انك ماراح تترك الشبكة والله يوفق الجميع |
| الوقت المعتمد في المنتدى بتوقيت جرينتش +3.
الوقت الان » 05:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd