السلام عليكم اخواني الجمهور الهلالي الكريم
في الحقيقه انا حبيت اتذكر بعض الاحداث القديمه واللي يتذكرها يعلق عليها او يذكر احداث مثلها :
1 - مره كنت صغير وحضرت مباراة للهلال مع النهضه وحارس الهلال كان ابراهيم اليوسف والمباراة انتهت 4 صفر للهلال وفي وسط المباراة صار احتكاك وتهاوش اللاعبين في وسط الملعب المهم اشتبكو اللاعبين وبدو يفكونهم اللاعبين والاداريين وجاء من بعيد حارس الهلال ابراهيم اليوسف عشان يفزع مع لاعبي الهلال ولكن استقبله لاعب من النهضه ببكس وطاح ابراهيم اليوسف وكان المشهد مضحك بس الهلال فاز الحمد لله وطلعنا مبسوطين ...
2 - اذكر كان فيه لاعب مع الهلال لعب مباراة وحده فقط في حياته مع الهلال ونجم فيها ولعب صح وسجل اربع اهداف للهلال في هذه المبارة ومع ذلك لم يلعب بعدها ابدا ابدا مادري ليه .. ممكن احد يشرح لي ليه وكان اسمه اسماعيل الرميح وكانت المباراة في الدوري على ما اعتقد
3 - من يذكر ظهير الهلال الايمن القديم علي العجمي ؟؟؟ كان فنان او لك عليه ؟؟ انا ماذكر والله مستواه بس اذكر انه كان يشبه صالح السلومي ويروح ويجي للنادي مع صالح السلومي وكنا نحسبه اخوه لانه يشبهه .
هذا ما عندي وان شاء الله نتذكر غيرها ونقول لكم