قصيدة بمناسبة إعتزال سامي اللعب دولياً ( بصوت شاعرها ) - نادي الهلال السعودي - شبكة الزعيم

روم الزعيم بالبالتوك · #1 21/08/2006, 06:29 AM

بسم الله الرحمن الرحيم

بمناسبة إعتزال النجم الكبير سامي الجابر اللعب الدولي

فاضت قريحة شاعرنا الكبير : ناهض بن محمد بن زبن بن عمير البراق

وللعلم الشاعر له يوزر مشهور ForeverHilali

بهذه القصيدة التي تعبر عن شعور الشاعر بعد أن سمع خبر إعتزال سامي الجابر اللعب دوليا

القصيدة بحجم صغير للجوالات اضغط هنا

القصيدة بحجم صغير للجوالات ملف مضغوط

وهنا نص القصيدة

لو غبت عنا نذكرك ما نــــــــــسينا

قال انتهى المشوار وبصوت مسموع

__________ قلت ابتداء تاريخك وما انتــــــــهينا

قال اعـــتزلت وقلت والراس مرفوع

_________ قال اتوارى قلت صبرك علــــــــينا

يا سامي ايات الشــــكر كلها خضوع

___________ وهي كلها لو قلتها ما اكتـــــــــــفينا

انت الذي شرفتـــنا فعل وطـــــــبوع

___________ سعادة سفير ابن الوطن قد لقـــــــينا

بديت سامي وانــت سامي ومصنوع

__________ في مصنعٍ فيه المراجل غذيـــــــــنا

ثم انطـلقت القـــائد الفــــذ مــتبــــوع

__________ بدعواتنا وبحبنا اللي عطــــــــــــينا

بذلت النــــــفيس وكل يوم لك طلوع

__________ لين اعتليت المجد وحنا اعتـــــــلينا

كتــــبت تاريخٍ طويـــلٍ ومطـــــبوع

__________ على سبايك من ذهب واغـــــــــتنينا

إن قالوا العــــالم على الكوره جموع

_________ قلنا ترى سامي من اسمه ســــــمينا

ياجابر العثرات شـــف حزننا دموع

________ ومن فرط حبك يا الهلالي بكـــــــينا

يصعب علينا ما نشــــوفك ومخدوع

_________ من قال غيرك في مقامك يجـــــــينا

يصعب نوادع افـضل مهاجم اسبوع

_________ وشلون لا قالو شهور وســــــــــنينا

لكن لك التــــبجيل بالحب مشفــــوع

__________ ومني ومن شعبك الأزرق حـــــنينا

مع السلامه وانت بالقـــلب موضوع

___________ لو غبت عنا نذكرك ما نــــــــــسينا

ترقبوا قريبا ألفيه سامي الجابر للشاعر الكبير: ناهض بن محمد بن زبن بن عمير

عاشق sam6 · #2 21/08/2006, 06:33 AM

مشكور اخوي على القصيدة

المشذاب · #3 21/08/2006, 06:40 AM

الله الله على الابداع ... صح لسان الشاعر ولاهنت اخوي السلطاني على التنسيق الرائع ..

يوفي VIP · #4 21/08/2006, 06:42 AM

صح لسانك ناهض ..
رايتك بيضاء ..

Imishary · #5 21/08/2006, 06:43 AM

صح لسانك مشكوووورين

مايهرول عبث · #6 21/08/2006, 06:43 AM

لا هنـــــــت يابو محــمـــد

المنتحر الهلالي · #7 21/08/2006, 06:44 AM

الله أكبر... إبدا11111111111111ع

يسلموووو خيووووو

abo-bdar · #8 21/08/2006, 06:46 AM

مشكوووور على القصيدة

الكبير كبير يابو عبدالله

توت عنب · #9 21/08/2006, 06:48 AM

صح لسانك يبو محمد

ويعطيك العافية يبو فارس على هالموضوع

ForeverHilali · #10 21/08/2006, 07:25 AM

مشكور يا ابو فارس على المجهود , ويستاهل ابو عبدالله اكثر ......

روم الزعيم بالبالتوك · #11 21/08/2006, 07:35 AM

إقتباس

الرسالة الأصلية كتبت بواسطة ForeverHilali


	مشكور يا ابو فارس على المجهود , ويستاهل ابو عبدالله اكثر ......

هذا هو الشاعر الذي كتب القصيدة

صح لسانك ياناهض بن محمد بن زبن بن عمير البراق

dahomalzeem · #12 21/08/2006, 07:38 AM

صح لسانك ابو محمد

والله اني مبطي عن ابداعاتك يا مبدع الشعر

وهذا اقل شي نسوية لك برومنا روم الزعيم بالبالتك

تستاهل أكثر من كذا يا ابو محمد

الله يعطيك العافية

والشكر موصول لأبو فارس على جهوده الواضحة كوضوح الشمس في رابعة النهار على جهودة الكبيرة بروم الزعيم بالبالتك وعلى كل القائمين بالروم

أخوكم المغترب \ dahomalzeem

هلالي...حتى المووووت · #13 21/08/2006, 07:47 AM

يعطيك العافيه
صح لسانه

Hilal love 9 · #14 21/08/2006, 08:58 AM

مشكور جدو على القصيدة

عسيري.......جدة

هلالي ب د و ي · #15 21/08/2006, 09:41 AM

صح السانك يبن زبن ولاهنت