دخـيـلك - نادي الهلال السعودي - شبكة الزعيم

الكاسر888 · #1 30/09/2001, 05:03 PM

دخيلك يا شفاة الموت والخدين والنظرة

دخيلك يا العيون السود في تعذيب مفتونك

دخيلك وش يصبرني اذا صار الوعد بكره

أموت من الظما وأحيا وهي ما هلّت مزونك

سنه وجه خجول لا بدى يعطي القمر عذره

وخد ناعم الملمس ورمش يجرح جفونك

دخيلك لا تعذبني ترى ما عاد لي قدرة

رفعت الراية البيضا خفوقي صار مفتونك

اذا كان العمر يرضيك محبك قد رهن عمره

اذا كان العذر يرضيك تراني صرت مجنونك

اذا كانك تبي التعذيب انا راضي تحت أمرك

ترى قربك هو مناتي...حياتي فدوة عيونك

دخيلك لا تقول الصبر انا قلبي فقد صبره

دخيلك لا تقول البعد انا ما أعيش من دونك

أنا مقدر على الفرقا وأتم عايش على جمره

دخيلك تعبت أقلامي وأشعاري ينادونك

سهل · #2 30/09/2001, 05:30 PM

ليش كوذيه ايش الزبرقه هاذي ياخي:p :p

دخيلك لا تعذبني ترى ماعاد لي قدره;) ;)

رهيب يامكسّر ماسهلته

قليله اغاني بن محمد اللي تعجبني

بس هالاغنيه بنظمها مع ربعها . ومن الكاسر احلى;)

تحياتي ،،

ابوسليمان · #3 30/09/2001, 07:57 PM

تسلم يالكاسر

روعه واخراج جميل

دخيلك لاتجيني بعذر قاهر &&&&&&& سفينة حبنا عيت تسيري

ريمانة · #4 30/09/2001, 09:32 PM

مشكوووووووووووور على هل ابداع

عاشق النمر · #5 30/09/2001, 10:55 PM

يهوووووووووووووه ايش الحركات هذي

قلوب وقصايد وحركات ،،،،

ماقلتلي منهي تعيسة الحض اللي لها هالتعب كله

على فكرة انت ارتكبت غلطه فضيعه يمكن يضيع مستقبلك معها

تدري انك يوم غيرت الخلفيه وحطيت هالقلوب وش صار

اكيد ماتدري لانك لو تدري ماسويتها

المهم تدري وش صار اللي صار طال عمرك راح اسم سفر والنجيدي اللي كانت فوق على اليمين يعني هذي فيها سين وجيم ويمكن فيها اعتقال او يمكن يغيبون شمسك

خل الحب ينفعك الحين

الحنووون · #6 30/09/2001, 11:06 PM

تسلم ياالكاسر 888

بس عاد لو انك اهديتها لي كان تطلع احلى...

<==== ذبة وجه

نايف · #7 30/09/2001, 11:21 PM

أووووووووووووووه دخيـــلك ;)

أبــداع وأخــراج حلــو .. .

تحياتي لك ,,