استغفال النصراويين في تصريح الوليد بن بدر عن قضية خالد راضي - نادي الهلال السعودي - شبكة الزعيم

مخاوي999 · #1 13/07/2006, 08:24 PM

مساء الخير للزعماء ..

الكل يعلم عن قضية ( خالد راضي ) بين الهلال والنصر ..

والكل يعلم أيضاً أن القضية لصالح الهلال ..

بكيف الهلال يا يوقفه سنه أو يعطيهم الحارس صدقه ..

لفت نظري في أحد الجرايد اليوم ، إن ( الوليد بن بدر ) مصرح لجوال النصر بالتصريح التالي:

يقول إن خالد راضي إذا ما لعب للنصر الموسم القادم فتأكدوا إنه ما راح يلعب لنادي ثاني ..

طبعاً النصراويه الحين مبسوطين من كلامه , وإذا لعب ( خالد راضي ) أو توقف بيقولون قالها ( الوليد بن بدر ) ..

لكن أنا بفسر لكم تصريحه ، وأتفق مع تصريحه 100% ..

متى يلعب خالد راضي للنصر؟

بيلعب خالد راضي للنصر إذا تنازلت الادارة الهلاليه عن الورق اللي موقع عليها ( خالد راضي ) قبل لا يوقع للنصر ..

في هذه الحاله يكون حصل تراضي بين الطرفين والهلال ما يصعد الموضوع للجنة الاحتراف وبالتالي بيلعب للنصر ..

الشيء الثاني شلون يقول بتصريحه إنه ما راح يلعب لنادي ثاني غير النصر ؟

في هذه الحاله الادارة الهلالية لن تتنازل عن حقها في القضيه وبترفع الاوراق الموقع عليها من قبل ( خالد راضي ) ..

للجنة الاحتراف وبالتالي لجنة الاحتراف تلاحظ إن ( خالد راضي ) وقع على ورقتين للانتقال الأولى للهلال والثانية للنصر ..

بيكون موقف للجنة الاحتراف إيقاف ( خالد راضي ) سنة كاملة ، وبعد إنتهاء الايقاف يكون له حرية الانتقال ..

طبعاً الجماهير النصراويه مبسوطه من موقف إدارتهم ومصدقين إن الادراة بيدها كلى شيء يا يعلب معهم ولا يتوقف ..

ولكن هذا مو قرار إدارتكم هذا قرار لجنة الاحتراف وقبل لجنة الاحتراف القرار بيد الادارة الهلالية ..

فأتمنى إن الادارة الهلالية ما تتنازل عن حقها وترفع الموضوع للجنة الاحتراف ..

لأن الطيب ما ينفع مع هالأشكال ، والكل يتذكر حادثة الوفاق بين ( محمد بن فيصل ) و ( منصور البلوي ) ..

التحايا العطره للكل ..

أسامه الهلال · #2 13/07/2006, 08:33 PM

أقسم بالله انهم في حاله يرثى لها مشكور أخوي على التوضيح وبصراحه أفدتني في هالموضوع كثيييير
مشكور حبيبي

تاج كل هلالى · #3 13/07/2006, 08:56 PM

ما أدلخ من الجمهور النثراوي إلا إدارته

الدريبي الهلالي · #4 13/07/2006, 09:04 PM

طيب مممكن سؤال : خالد راضي يريد الهلال أم النصر ممكن الجواب وشكرا...

صدوق الود · #5 13/07/2006, 09:07 PM

إقتباس

الرسالة الأصلية كتبت بواسطة الدريبي الهلالي


	طيب مممكن سؤال : خالد راضي يريد الهلال أم النصر ممكن الجواب وشكرا...

يبي الـفــلـوووووس

ابو الهنوف محمد · #6 13/07/2006, 09:15 PM

أقسم بالله انهم في حاله يرثى لها مشكور أخوي على التوضيح وبصراحه أفدتني في هالموضوع كثيييير
مشكور حبيبي

الكناري الأزرق · #7 13/07/2006, 09:24 PM

انـا الـحـيـن صـار مـا هـمـنـي خـالـد راضـي ,,, !! ,,,

صـار اننـا نقـهـر هـالنـصراويـة ,,, !! ,,,

أحلاهم · #8 13/07/2006, 09:45 PM

ياشيخ ما عليك منهم بس

هلال دوت كوم · #9 13/07/2006, 11:23 PM

بالتوفيق للزعيم

والهلال غني بلاعبينه ورجاله

راح راضي او جاء

العميد موجود

والعتيبي جاهز

وغيرهم وغيرهم

تحياتي

الهلال&يوفنتوس · #10 13/07/2006, 11:34 PM

بالتوفيق للزعيم

والهلال غني بلاعبينه ورجاله

راح راضي او جاء

العميد موجود

والعتيبي جاهز

وغيرهم وغيرهم

تحياتي

وتـــ حساس ــــر · #11 14/07/2006, 02:09 AM

الهلال ليس في حاجة راضي، لكن اتمنى من الاداره الهلاليه رفع اوراقه الى لجنة الاحتراف ليتم ايقافه.
لان النصراوين مايثمر فيهم الخير..........!

محمد العامري · #12 14/07/2006, 02:23 AM

أتمنى أن ترفع الإدا ره أوراق اللاعب للجنة الإحتراف
لكي يتعاقب اللاعب ويتندم على فعلته

ياروحي يالهلال · #13 14/07/2006, 02:49 AM

يارجال راح من الرياض للاتحاد ويوم مابغاه الاتحاد راح للهلال ويوم ماطل به الهلال راح للدلوخ النصر ...........

وأتمنى من ادارة نادي الهلال عدم التنازل عن الاعب وتعريضه للعقاب بايقافه سنه

معزوفة الأنامل · #14 14/07/2006, 02:54 AM

اتمنى من ابو سلطان عدم التنازل عن حقوق الهلال وترك الموضوع للجنة الاحتراف ليتم ايقاف هذا المتلاعب المدعو خالد راضي

SUPER HAMOODY · #15 14/07/2006, 02:56 AM

ياخي ماعليك منهم ..

ما ادلخ من الجمهور الا ادارتهم