|
حبل الغسيل يشتكي بسم الله الرحمن الرحيم مدخل / يقولون أول طرق حل المشكلة هي الاعتراف بها >>>>ياكثر ما تقولها الموضوع / >>>>>>ياصغر مدخلك اخواني واخواتي السلام عليكم ورحمة الله وبركاته ودي اطرح لكم موضوع مضايقني مو مضايقني بس يعني شكل ما تقولون مطفشني يعني مو مطفشني >>>>>>>طراااااااااخ صوت قدر صافق بقفاي طيب ابخلص عليكم ترى الموضوع بلغتين عربي عامي والترجمة الاسبوع الجاي >>>>>>>>واضح ان مدخلك صغير الحديث سيكون عن تفننا في نشر غسيلنا واعترافنا بمشاكلنا مهما تعددت ولكن كالعادة دون طرح أي أفكار تصحيحية في أغلب الاحيان ولنأخذ مثال على ذلك البرامج السياسية / تجد هناك أنواع الضيوف مصطفى زملكاوي من طنطا >>>>>>احد يدلها على الهاتف عبدالله الواواي >>>>>>>عشان يطقم اسم عائلته مع زملكاوي عبر الهاتف المرئي وفلان عبر المسنجر وعلان معنى في الاستديو وهاتك يا تحليل للمشكلة المطروحة والقاء اللوم على كل الاطراف والتصارع والنهاية نكون بخير اذا لم تتحول المشكلة التي طرحت الى مشاكل أما انهم يحلوها كثروا منها البرامج الاقتصادية / انواع الدكاترة والمحللين وتوقعات قالبينها نشرة جوية وأنا اظن ان وهو يعتقد ان والسوق في وادي وكلن يغني على ليلاه البرامج الرياضية / كلنا شاهد العك على مستوانا المحلي قبل وبعد مشاركة المنتخب هذا متشائم وهذا متفائل وهذا ما يدري وش الطبخة >>>>>>>اعذروني جيعان وكذلك بالنسبة لتحليل المباريات هذا المدرب ماعنده سالفة الا الحكم غشاش الا اللاعبين ما طبقوا الخطة البرامج الاجتماعية / وهذه اللي فيها العك الصحيح والتطعيس والتفحيط والقومات >>>>>جمع قومه والله ياعليهم مواضيع متناقضات من الدرجة الاولى أحيانا قمة في الموضوعية بعيدة عن النتايج طبعا وأحيانا قمة في الدونية والسخافة واللي يقهرني لا قاموا يتناقشون في مسائل دينية معقدة ولا تهم المشاهد كثيرا بقدر ما توشوش >>>>>عجبتني ودي اتصور بجنبها على افكارة وتدعو الى التفكك في احيانا كثيرة وغيرها من البرامج الفنية والأسرية و.......و..........الخ >>>>>>>>الله يذكر المطالعة بالخير قفلة / جنود مجندة >>>>>>>>ترى حرب المجلس خلصت من اعلاميين ومراسلين ومحلليين وفنيين ومخرجين و........و...........>>>>>مافيه شيء بس كذا وفي الأخير وبعد انتهاء المعركة البرنامجية كنك يابو زيد ما غزيت كانهم ماصلحوا خربوا ترى حتى موضوعي ذا نفس المشكلة الي اتكلم عنها اثري احش بخلق الله وأنا مثلهم مو حش حش بس تقدر تقول فضفضة فاصلة أخيرة / ايه نسيت اقول لكم اعذروني على ركاكة التنسيق تراني من جنبها في هذا الموضوع الي عجبة الموضوع والاسلوب يعطينا رايه والي ما عجبة ابشكية للعنا وهلالي الظهران يستلمونه |
ممكن تعطيني الخلاصه لان الدرس صعب ودي الخلاصه الي تكون مظلله باللون الازرق وتشــــــــــــــــــــــــــــــــــــــــــــــــــــــــــــــــــــــــــــــــــــــــــاو |
أحسن أسلوب شفته في حياتي !! لي عودة بإذن الله .. |
الأخ نمر 15 حياك الله اخوي ترى الدعوة سهلة بس اقرا الموضوع بتمعن بتعرف الخلاصة ترى الموضوع كله عشر اسطر |
بسم الله الرحمن الرحيم .. اللهم سكنهم مساكنهم:razz: .. في الصفحه الرئيسيه يظهر ان ابو ريمان صاحب اخر رد وفي الموضوع صاحب اخر رد هو للاخ مطيع:rolleyes: ,, بعدين حسبي الله على ابليس .. اخوي مطيع شلون نستلمه صايرين انا والخبل القاعده حق المجلس:d s60s .. انا انسان بسيط وحدي ارد واوسط النص واستهبل على خلق الله وان جيت للجد تراني خرطي وماعندي الا الدجه:razz: .. يفترض بما انك من الرعيل الاول اللي مايعجبه الكلام تجيبله هذاك العسيب اللي يحبه قلبك وهاتك سلخ في ظهروهم جيل الببسي والمايونيز:d .. بس الحين فات الفوت بما انك استفزعت فينا الله يعينه اللي ما يعجبه الموضوع بيتسلط عليه لسانين وعسيب:d .. سامع يانمر ولاعاد تفضحنا الحين يقولون طلاب البترول دلوخ:d ..<<< شرهتك على اللي فاهم شي:d ,, عوده للموضوع .. حنا يا العرب جرب وهذا قاضين منها:d.. واللي يصير شيء مو مستغرب لان الغريب اذا طلعنا بنتايج مفيده في اي موضوع .. انت الحين انتقدت البرامج الفضائيه ..وفي الحقيقه لو رجعت لواقعنا كعرب من اكبر راس لاخر راس هذا ديدنا .. خلينا ناخذ الرؤؤس الكبيره كمثال:sleep: .. مابتلقى في العالم كله مثل روؤاسئنا .. بالله عليك قولي كم منظمه عندنا وكم اجتماع يصير وكم اتصالات ومشاورات وكم وكم وكم وفي الاخر النتيجه صفر .. شوف اليهود الله يحرقهم امس قرروا يضربون لبنان واليوم قدهم ضاربينها :yes:.. حسبي الله عليهم خربوا اجازات العالم:d.. من ناحيه ثانيه .. خلونا ناخذ اهداف هالبرامج ونشوف وش المطلوب منها.. غالبية الاهداف ليست لحل المشكله بالعكس الهدف منها الاثاره وشد المشاهدين وبعدها كل مشارك يبدا يفرض عضلاته فقط حتى يثبت ان رايه هو الصحيح ومستعد يرتكب المحرمات ويغلط كائن من كان فقط حتى يثبت وجهة نظره.. بصراحه عني شخصيا غاسل ايدي من زمان ولاتابع هالخرابيط حتى مايجيني صداع واحس بقهر وفي الاخر نرجع نسبهم ونلعنهم .. والحل الوحيد لهالعينات انك تحط لهم حوافز بحيث انهم اذا ساهموا بوضع حلول واقعيه للمشكله يكافئوا وهذا المستحيل بعينه لانهم لو جلسوا يصايحون من اليوم لباكر ماحد عطاهم وجه ولا اهتم لهم .. بصراحه يعني .. اذا المسئول ما بيسمع منهم خليهم يستعرضون ويفردون عضلاتهم على الاقل طلعوا بنتيجه:d ,, عوافي اخوي مطيع وبالتوفيق,, |
^ ^ ^ صاير يعرف يحكي هو وجهه :razz: اقول هذاك خويكم زاحف راعي لبنان راحت عليه :razz: ويقولون في خبر غير موثوق ينقله بوريمان ان اعداد كبيره انحاشو من لبنان الله من الذراقه :razz: :p انت ياظهرانيوه لونك هناك منتب داري انه حرب بتحسبه برنامج صيفي صيف 2006 :razz: :d سلونكم عشاكم طيبين :p |
الاخ ابو ريمان يا هلا وغلا إقتباس:
انتظر عودتك بعد الفاصل دام الحكي عن البرامج استلم من هالفواصل لين ما تنسى البرنامج ـــــــــــــــــــــ الأخ هلالي الظهران هلا وغلا إقتباس:
إقتباس:
إقتباس:
إقتباس:
إقتباس:
ــــــــــــــــــ الاخ العنا هلا وغلا أقول يالحبيب الساعة كم ؟؟؟؟ هذا وأنا طالب فزعتك وانت داخل الموضوع رانسيد >>>يعني عكس صرفوها لي لو كانت غلط البلى والله من التويكس على الجوع وفي رواية الباتكس يعطيك ربي العافية بالعنا وما ننحرم من ردودك وفزعاتك |
8 8 8 وش عندكم ثاني موضوع وأشوف ردودكم ورى بعض:d وأنا كملت معكم:p أخوي مطيع ... تبي تريح راسك لا تشوف برامجهم خلك مثلي غاسلتن إيديني من التلفزيون:d ماأشوفه إلا إذا صرت قاعده مع أهلي;) وأغلب الأحيان أعطيه ظهري بعد:d بس اللي يقهرني بعد بعض منتدياتنا :upset: .... الله يصلحهم بس:razz: .. يطرحون قضيه ويتناقشون فيها وصراخ وهواش :wallbash: .... وعقب كمن يوم يرجعون ويطرحونها:bigeek: قبل يوم تقريبا كنت قاريه نقاش عن غلاء المهور .... عاد تعال شف كم صفحه :p ... وهالموضوع بالذات ماقد سكروه إلا وينفتح مرة ثانيه بدون حلول تذكر:mad: ويامالك من هالمواضيع :razz: ... بس وش يسوي الواحد:rolleyes: .... وبس هذا اللي عندي ...... يعطيك العافيه بردت على قلبي شوي من الحرة اللي فيه :d |
دائماً نندب حظنا وننتقد الجميع وقبل ذلك أنفسنا "على إعتبار خبيرة لطم" لكن السؤال الى متى؟؟؟؟؟؟؟؟ إذا لقيت إجابه صفق العنا وهلالي الظهران لأنك بتشكي عليهم فالظاهر هم شماعتنا بالحب والإشراق |
الأخت فرصة ضائعة هلا وغلا إقتباس:
إقتباس:
إقتباس:
إقتباس:
ــــــــــــــــــ الأخت رائدة الزعيم هلا وغلا إقتباس:
إقتباس:
إقتباس:
إقتباس:
الف شكر لك أختي على وجودك وتفاعلك |
" أقول أحسن أسلوب خوفاً من ( البدي جارد ) اللي موقفهم عند باب الموضوع " مطيع هنا أنت تتحدث عن مني همهم الكم لا الكيف ! كثيرة هي مناقشاتنا كثيرة هي جلساتنا و حواراتنا و دائماً نخرج منها بلا توصيات ! و إن خرجنا بتوصيات علينا أن ننتظر لعشرات السنين حتى نرى منها ما هو واقع ! الوزارات مليئة بالمناقشات النصف بلا توصيات و النصف الآخر بتوصيات غير منطقية و المنطقي منها قد يطبق في وقت أصبحت التوصية فيه لا تتماشى مع الواقع ! مشاريع المراكز الصحية التي تقوم عليها وزارة الصحة حالياً ملفها كامن في أدراج القصيبي منذ كان وزيراً للصحة !! و غيرها كثير .. نجد لجان للنقاش .. ثم لجنة للتوصيات .. ثم لجنة للتطبيق .. ثم نتفاجأ بان التوصيات غير صالحة فقد تغيرت الظروف ! انظر من يقف خلف البرنامج و يمكنك الحكم مسبقاً عليه ! اللهم ارحم الحال ! شكراً لك .. |
يعطيك العافيه ؛؛ |
إقتباس:
اليهود تنفيذ والعرب إستنكار ونسمع جعجة ولانرى طحيناً ومن كثر مايحكون العالم قلب ضدهم بدل ماهو معهم صار عليهم إقتباس:
بالحب والإشراق |
الأخ أبو ريمان هلا وغلا كلاكيت ثاني مرة إقتباس:
بصراحة عجزتني مالي تعليق على كلامك لأنه واقع ولو اعدنا النظر مرات ومرات في مناقشاتنا فلن نخرج بما نريد منها نحتاج الى غربلة شاملة في ثقافتنا ودراستنا واجتماعاتنا ونقدنا وهذه يحتاج لها وقت يختلف مقدارة بمقدار الجهد الجهد الصادق في التغيير وتصحيح الاخطاء ولكن يبقى السؤال من أين نبدأ ؟؟؟؟؟؟؟ الف شكر على عودتك استاذي التي اثرت الموضوع كثيرا ــــــــــــــــ الاخ هلالي ومانشستراوي >>>>>>>يا صعب كتابتها الله يعافيك اخوي ــــــــــــــــ الأخت رائدة الزعيم هلا وغلا كلاكيت ثاني مرة إقتباس:
إقتباس:
إقتباس:
شكرا على عودتك من جديد |
لم أكن أعتقد أنك مجيد أيضا بل مبدع في العامي كما في الفصيح<<<<<<<ترى خايفه من العنا والظهراني اللهم حوالينا ولا علينا اللهم على بطون الأودية ومنابت الشجر>>>>>>>>ترى مالي دخل هم قالوا لي الليلة رمضان:sleep: قلنا ندعي:D لكن والحق يقال أجدت بل أبدعت في عرض المشكلة بطريقة مضحكة ممتعة تمحو أحزاننا التي تلازمنا بسبب ما وصل إليه حالنا... من تواجد في موضوعك قبلي أكملوا الموضوع فألتزم الصمت وأطالب بالحلول... شكرا أستاذ مطيع ولتبق شامخا رائد الكلمة... |
| الوقت المعتمد في المنتدى بتوقيت جرينتش +3.
الوقت الان » 01:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd