|
مشروع افتتاح قهوة في شارع التحلية,, نبي آرائكم ونصائحكم الله لا يهينكم.. السلام عليكم جميعاً,, والصلاة والسلام على سيد البشر أجمعين,, محمد عليه أفضل الصلاة والسلام,, أخواني,, واحد من الشباب ماشالله عليه ربي معطيه,, وناوي يبدأمشروع افتتاح قهوة على شارع التحلية في الرياض,, وده انها تكون مميزة من ناحية التصميم بحيث انه ما يكون قد تم استعمال هذا التصميم من قبل في أي قهوة في الرياض, ومستعد يتعاقد مع شركات تصميم أو ديكور بس,, فلا تبخلون علينا بالأفكار واللي عنده تجربة يفيدنا لأن الرجال بس ناقصته الأفكار المميزة,, |
والله ما ادل محلات في الرياض انا من الشرقية الدمام |
خله يكون عصري وحديث .... أغلب المقاهي .. تدخل تلقى اللمبات قليل وإضاءه خافته ... <<<< على بالهم رومانسيه هع هذا خله يخلي في كل السقف لمبات بيضا قويه إذا قدر .. والأثاث كللللللله فضي × فضي ... هذا اللي عندي ........ مع السلامة |
هلا فيك اخوي .. بس المشكله ان اغلب شارع التحليه مقاهي .. يعني لو كان بمكان ثاني يمكن افضل .. اما اذا كان خلاص اخذ المحل .. الله يوفقه ويرزقه .. واعتقد انه لما يكون ديكو مميز .. راح يجذب اكثر الشباب مثلاً لو يكون ديكون من جليد ابيض .. راح يكون خيالي .. دمت بخير ... |
خذ كم فكره على الماشي : ^^^ ^^ ^ بالنسبه للاثاث اممممم احس انو لما يكون عادي احسن يعني بلا خربطة زيادة عن الزوم .. مثلا كنب عادي .. وشوية كراسي زي حقة المدارس خخخ .. وحبذا ان الجدار يكوووون اسووود في اسووود .. لونه طبعا .. ولون الاثاث يكون على فضي وبعض منه عنابي ... اهم شي يكون الوان متعدده ... والاضاءة تكونى مره ه ه ه خافته .... اممممممم وش باقي بعد ... طبعا لاتنسى الواير لس ... وطبعا مو شرط يكون محل للقهوة بس .. يعني ياريت يكون في اكل مثلا كلوب ساندوتيش على كم نوع كروسون .. يعني اشياء خفيفه ... ابغى نصيبي من الم هذا المتوفر حاليا وذا جا شي في بالي .. بقوله بس اذا عجبتك الفكره ابغى نصيبي من المحل :d >>>> امزح لا تصدق ومبرووك مقدم (ن):yes: |
ليش ما يسويه في الشرقية |
الله يوفقه .. والنص بالنص :D |
ياهلا وغلا :D اخوي شف لو يخلي الديكور تقليدي وهو المعروف الرومنسي الهادئ يكون زين .. ويخصص مكان لاجهزة الكمبيوتر ( انترنت ) صدقني يجونك ناس بالهبل لو شافوا فيه ديكور حلو وتلفزيون وأكل زين وأنترنت عـز الطلب :d << اول واحد هو :d |
مشكورين يا شباب على التواصل وعلى الأفكار الطيبة,, وبإنتظار المزيد من الأفكار, خصوصا من ناحية شكل وتصميم الديكور,, |
السلام عليكم ورحمه الله وبركاته هلا اخوي الله يوفقه ان شاء الله ويرزقه بس السؤال ليش ما يفتح محل يكون اجاره ارخص من التحليه والمحل الثانيه يكون بالتحليه اذا اعجبه الوضع المشكله ان التحليه فيها كل المقاهي المعروفه والقويه طبعا في البداتيه يبيله دعايه قويه للمحل مثل يسوي تخفسض 50 في الميه للاسبوع الاول وغير كذا لازم يهتم بالديكور ولا زم يحط بروجكتر للمباريات والاهم واير لس ويكون مجانا ركز مجانا علشان كل يوم اكون مسنتر عندكم وتشــــــــــــــــــــــــــــــــــــــــــــــــــــــــاو |
إقتباس:
من ناحية انه لو يفتح محل بمنطقة أرخص من التحلية,فأنا أوافقك بالرأي جملةً وتفصيلاً,, وبانتظار المزيد من الإقتراحات والأفكار, عطونا أي فكرة تطري على بالكم, لا يردكم شي,, |
اهم شي اهمممممم شي:thumbup: خلو واحد واقف برى المقهى علشان السفري:D ولاعليكم من البلديه ماتمشي المحلات الا كذا لان الناس صارت عجازه ماتنزل من سياراتها :) بالتووفيق:) |
طيييييييب يبيلم واير لس وانت تبي ديكور مميز حط ديكور المحل على شكل كوخ ثلج |
مشكورين,,, مشكورة أختي تغريد على نصيحتك,, ويعطيك العافية أخوي مشجع الرابطه على أفكارك,, وبانتظر المزيد من الإقتراحات منكم,, ومثل ما قلناها ونقولها,, عطونا أي فكرة تطري على بالكم, لا يردكم شي,, كفو والله بأعضاء منتدانا منتدى الزعيم,, يعطيكم العافية وما قصرتوا,, |
صحيح ان الموقع مليئ بالمقاهي ولكن هذا مايأثر على المقهى اذا كان رائع احيانا تجد سوق فيه محلات اقمشه كلها بجوار بعض لكن لايعني انها كلها متميزه تتفاوت المحلات بجودتها!! اولا يبحث عن الشي اللي يرغبه الشباب ومو موجود في المقاهي الثانيه!! يعمل استفتاء هل الشباب يحبون المقاهي الهاديه والديكورات الغير متكلفه ولايفضلون الشي المتكلف فيه لازم يكون في المقهى مشروبات خاصه مايتقنها الا هالمقهى بس تكون متميزه حتى يكثر الطلب عليها ويكثر رواد المقهى من خلاله حسن اختيار العماله لان العماله عامل مهم احيانا مايهمك الخدمه اللي تقدم لك قد مايهمك تعامل من يخدمك الديكورات ليه ماتكون ديكوراته بشعار الانديه الكبار الهلال والنصر والاهلي والاتحاد والشباب كل جهه من المقهى بألوان فريق معين وكل جهه الطاولات والكراسي بنفس الوان الجهات الهلالي ازرق وابيض والنصر اصفر ازرق وهكذا او ديكور على شكل ارقام وحروف حتى الكراسي تكون اشكال أحرف من الممكن اللي جالسين يكونون من خلال كراسيهم كلمه او مثلا على هيئة الساعه وعقاربها أو مثلا على اشكال ناطحات السحاب ويحرص على ان تكون اسعاره تناسب الكل والجميع والله يبارك له ويرزقه الرزق الحلال ويعطيه من خيره ويكفيه شره بالتوفيق للجميع |
| الوقت المعتمد في المنتدى بتوقيت جرينتش +3.
الوقت الان » 05:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd